حسبي الله ونعم الوكيل علي الصبح

**charming** · 07-09-2010 12:02 AM

معلش فداك
لازم تعرف ان القاهرة محاطة ب العشوئيات و تربية العشوئيات
عايز اقوللك انا من 3 ايام راكن و قاعد جوة العربية جت و احدة ست شايلة طفل مكملش سنتين و معاها شنطة اقل ما يقال انها مخلة جمع مخالى (مخالى شيل) و راحت مقعدة المحروس على شنطة العربية و المخلة فوق السقف انا قولت ربنا يعينها على حملها الست بتستريح
المفاجاة انها فتحت المخلة و بتغير للمحروس فوق شنطة العربية و كل دة و انا قاعد جوة
الناس دى تقولها اية اللى بتعمل كدة من غير حتى كلمة انا اسفة او معلش

**zakiali** · 07-09-2010 01:20 AM

المشاركة الأصلية كتبت بواسطة د.محمود صلاح

غطيها باستمرار وأمرك لله

والله كنت بغطيها وبرده ما بتسلمش .. الاقيها مطبقة من الرفرف او الكبوت .. مفيش فايده في العالم .. الناس بقت زفت والحقد والغل ملا قلوب الناس مش عارف ليه .. الواحد لما بيشوف خير عند حد والله بيتمنا ان ربنا يزيده ويباركله انما توصل بيه لأنه يخرب حاجه الغير دي قمه قلة الأدب .. وربنا قال عليهم المفسدون في الأرض ودول عقابهم اليم انشاء الله .

**mshmshm3** · 07-09-2010 01:34 AM

حقد وغل من شوية حشرات ما تاخدش في بالك وفداك انا اول لما جبت العربية واحد مش طبيعي كسرة وجري وغيرته من شارع دمشق ب 100 جنيه بس ده من 3 سنين تقريبا

**Medo007** · 07-09-2010 04:00 AM

المشاركة الأصلية كتبت بواسطة fawzyyyy

يعني ممكن اركب اريال كهرباء في عربية هاف اوبشن عادي ولا محتاج توصيلات كتير و حوارات؟؟

لو فيه سلك كهربا جاهز جاي من الكاست لغاية ورا مكان الاريال يبقى مش هتحتاج توصيلات مجرد الاريال هيركب بس

اما لو مفيش هتحتاج تمشي سلك من اول الكاسيت لغاية ورا وهيبقى حوار

انا هاف اوبشن والحمدلله لقيت سلك جاهز يدوب الراجل وصل الاريال

بس العربية خليجي معرفش غبور عامل كده ولا لا

ممكن تروح عند اي كهربائي وهيفتح الشنطة ويشوف مكان الاريال فيه سلك جاي من الكاست ولالا

**rompo6** · 07-09-2010 05:01 AM

معلش انت مش اول واحد ياباشا

**HOSSAM99** · 07-09-2010 05:19 AM

ركب الاريال الجديد وكهربه ب3000 فولت الي يمسكه يتفرم

**SOBKY** · 07-09-2010 06:02 AM

هههههههههههههه
جميل جدا الكلام ده ... و موقف بجد يوجع ..
اسمعوا دي بأه ...
اخويا نازل اجازة من السعودية بعربية تريل بليزر .. بسم الله ما شاء الله عليها. و بعد اسبوعين من وصوله لارض الوطن الحبيب نزل الصبح يركب عربيته لقاها مكفية على وشها بشكل غريب ... يبص يلاقي ايه ....؟؟؟؟؟؟؟
يلاقى الفردتين اللي قدام مشقوقين بحاجة حادة .. مطوة او سكينة يعني .
و لفينا طنطا كلها علشان نلاقي من المقاس بتاعها .... التجار كانو بيستغربوا ارقام الكاوتش اساساً ..
و الحمد لله فضلت العربية واقفة لمدة 9 ايام بدون حركة لحد ما جيبنا منهم بالطلب ... اسبيشيال اوردر ... بكاااااام ...؟؟؟
2100 جنيه للفردتين .. اه و الله ... يا بلاش ..
اللي يحرق الدم كمان بأه .. ان اللي اتقطعوا كان لسه مركبهم ماكملوش شهر .. لزوم الاجازة يعني .
و بعد ما يرجع بشهر عنده فحص و مضطر انه يغير فردتين من اللي معاه دلوقتي علشان العربية تعدي من الفحص بتاعها علشان اختلاف النقشات بتاعت الكاوتش .
ليه كل الخساير و الغرامات دي ... من غير سبب .. علشان الشعب اتهبل و اتجنن رسمي..
قوللي بالله عليك ايه المجتمع اللي احنا عايشين فيه ده...؟؟!!

**zakiali** · 07-09-2010 06:14 AM

المشاركة الأصلية كتبت بواسطة sobky

هههههههههههههه
جميل جدا الكلام ده ... و موقف بجد يوجع ..
اسمعوا دي بأه ...
اخويا نازل اجازة من السعودية بعربية تريل بليزر .. بسم الله ما شاء الله عليها. و بعد اسبوعين من وصوله لارض الوطن الحبيب نزل الصبح يركب عربيته لقاها مكفية على وشها بشكل غريب ... يبص يلاقي ايه ....؟؟؟؟؟؟؟
يلاقى الفردتين اللي قدام مشقوقين بحاجة حادة .. مطوة او سكينة يعني .
و لفينا طنطا كلها علشان نلاقي من المقاس بتاعها .... التجار كانو بيستغربوا ارقام الكاوتش اساساً ..
و الحمد لله فضلت العربية واقفة لمدة 9 ايام بدون حركة لحد ما جيبنا منهم بالطلب ... اسبيشيال اوردر ... بكاااااام ...؟؟؟
2100 جنيه للفردتين .. اه و الله ... يا بلاش ..
اللي يحرق الدم كمان بأه .. ان اللي اتقطعوا كان لسه مركبهم ماكملوش شهر .. لزوم الاجازة يعني .
و بعد ما يرجع بشهر عنده فحص و مضطر انه يغير فردتين من اللي معاه دلوقتي علشان العربية تعدي من الفحص بتاعها علشان اختلاف النقشات بتاعت الكاوتش .
ليه كل الخساير و الغرامات دي ... من غير سبب .. علشان الشعب اتهبل و اتجنن رسمي..

قوللي بالله عليك ايه المجتمع اللي احنا عايشين فيه ده...؟؟!!

أخوك غلطان أكبر غلط انه نزل مصر أصلا .. حد ربنا يكرمه ويخرج من المخروبه دي ويرجعلها تاني ؟؟؟ اللي عاوز يشوفه يروحله هناك بكارت زيارة .. بلا قرف