وانا نازل رايح الشغل لقيت ايريال العربية الفيرنا مكسور واحد ربنا لا يسامحه مطلعه وقاطمه .. أنا مش عارف استفاد ايه .. حاجه تحرق الدم . :I_angr1[1]: يريت حد يقولي اجيب ايريال تاني منين وينفه اركبه ايريال كهربا ؟؟ منين وبكام ؟
جزاكم الله خير
عرض للطباعة
وانا نازل رايح الشغل لقيت ايريال العربية الفيرنا مكسور واحد ربنا لا يسامحه مطلعه وقاطمه .. أنا مش عارف استفاد ايه .. حاجه تحرق الدم . :I_angr1[1]: يريت حد يقولي اجيب ايريال تاني منين وينفه اركبه ايريال كهربا ؟؟ منين وبكام ؟
جزاكم الله خير
ربنا يعوض عليك
اظن لو حضرتك قريب من التوفيقيه اكيد كل حاجه هتبقى ادامك وتختار الى يناسبك
ربنا يعوض عليك
فعلا حاجه تقرف بجد
الواحد بيصحي الصبح ينزل يبص ع العربيه ايه جديد حصل فيها
حصلت معايا اكتر من مره ومره حصلت مع اريال كهرباء معرفش ازاى عرف يطلعه و يلويه و يكسرة
مهو كون انه يطلعه ويلويه ويكسره
يبقى عنده كميه غل حقوده جدا
حاجه تسمم فعلا .. أنا مش عارف احط العربية تحت السرير ولا أعمل ايه .. وطبعا لو جبت واحد جديد اكيد نفس الشخصية المنفسنه دي هتعمل نفس العملة تاني .. وساعتها ممكن أتشل . .. انا هسيبه مكسور كده مع اني بستخدمه كتير وانا مسافر بسمع اذاعة القران الكريم .. عشان قلبة يبرد انه كسره وغاظني وهدعي عليه انشاء الله ..
معلش ولا يهمك.. انا من فتره قريبه نزلت لقيت (بيضه ) مكسوره ع الكبوت .. طبعا نضفت و حاولت و مطلعتش لأنها لما بتنشف بتبقى مشكله و بتاكل فى البويه .. قلت دى غلطتى عشان مش بغطى العربيه ..ومكانها لسه معلم ع الكبوت لحد دلوقتى
غطيتها و جيت تانى يوم لقيت الغطا نصه والع من عند الأزاز القدمانى ونص الكبوت .. اكيد واحد محترم رمى عقب سيجارته وقع عليه حرقه .. المشكله مش فى ان الغطا مبقاش نافع و رميته .. المشكله ان الصاج اتلسع جامد هو والأزاز .. و حسبى الله
فحضرتك متزعلش نفسك و اصبر و احتسب .. و اى حاجه فداك
انا مش فاهم الناس بقت بتحقد كده ليه يعني انا بستغرب بيطلعو حقدهم علي العربيات ليه ربنا يهدي الناس و معلش كويس انها جت علي الاريال
غطيها باستمرار وأمرك لله
ركب الاريال اللي بيتلزق ع البربريز من جوة
على الاقل كسر الاريال وخده انما الي حصل مع اخويا انه تنا الاريال وبس , بحيث انه يبوظه وخلاص.
انا مره لقيت عيل صغير ماسك كبريت وعاوز يحرق فوانيس العربيه الي ورا. و لسعلي الشنطه.
عااااادي كبر دماغك يا باشا
ربنا يعوض عليك
هى شوارعنا كدا :(
معلش ربنا يعوض عليك
انا مركب اريال للفيرنا كهربا
كنت جايبه ب90 جنيه
دلوقتي فيه نوع تايواني كويس ب60 جنيه تقريبا
والحمدلله انها جت على قد كده
وربنا يستر علينا من الناس الحقودة لانهم كتروا اوى ى ى ى
علي رآيك طيب عربيتي في الجراج ولسه جايب الغطا بقاله شهرين واحد ربنا ينتقم منه قطعه حتت
بالقطر او بالموس ومش كده وبس في حتت في لون العربيه القطر جرحها ومش عارف اعمل فيها ايه
حسبي الله ونعم الوكيل فيه مش عارف ايه الغل ده وامال لو مكنتش في جراج
صاحب الجراج بيقولي انه هيجبلي غطا جديد قلتله انت مزنبكش حاجه
المفروض اللي شغالين هما اللي يتحاسبوا علي اهمالهم وهما اللي يجبوه
والله يا لما بسمع الاخبار دي نفسه بتتسد
اليكم تجربتي
انا اليوم الماغطيش فيه تحصل حاجه تشل
من كام شهر كده لقيت علي الكابوت بقع سوده واحده كبيره و شويه صغيرين علي الرفرف و الكابوت
انا افتكرتها بقع حاولت اشيلها طبعا طلعت انها حافره لجوا و طلع الدهان و موجوده في منتصف الكابوت
و اتعكننت
حاجه تقرف بجد
ده غير تريحه علي الرفرف خرابيش للصبح
انا مره وانا ماشي قعدت ابص علي العربيات الجديده مافيش عربيه معديه من ايد الناس الزباله دووول
انا لو شوفت واحد بيعمل كدا هاكله بسناني
ربنا يصبر الناس كلها
معلش فداك
لازم تعرف ان القاهرة محاطة ب العشوئيات و تربية العشوئيات
عايز اقوللك انا من 3 ايام راكن و قاعد جوة العربية جت و احدة ست شايلة طفل مكملش سنتين و معاها شنطة اقل ما يقال انها مخلة جمع مخالى (مخالى شيل) و راحت مقعدة المحروس على شنطة العربية و المخلة فوق السقف انا قولت ربنا يعينها على حملها الست بتستريح
المفاجاة انها فتحت المخلة و بتغير للمحروس فوق شنطة العربية و كل دة و انا قاعد جوة
الناس دى تقولها اية اللى بتعمل كدة من غير حتى كلمة انا اسفة او معلش
والله كنت بغطيها وبرده ما بتسلمش .. الاقيها مطبقة من الرفرف او الكبوت .. مفيش فايده في العالم .. الناس بقت زفت والحقد والغل ملا قلوب الناس مش عارف ليه .. الواحد لما بيشوف خير عند حد والله بيتمنا ان ربنا يزيده ويباركله انما توصل بيه لأنه يخرب حاجه الغير دي قمه قلة الأدب .. وربنا قال عليهم المفسدون في الأرض ودول عقابهم اليم انشاء الله .
حقد وغل من شوية حشرات ما تاخدش في بالك وفداك انا اول لما جبت العربية واحد مش طبيعي كسرة وجري وغيرته من شارع دمشق ب 100 جنيه بس ده من 3 سنين تقريبا
لو فيه سلك كهربا جاهز جاي من الكاست لغاية ورا مكان الاريال يبقى مش هتحتاج توصيلات مجرد الاريال هيركب بس
اما لو مفيش هتحتاج تمشي سلك من اول الكاسيت لغاية ورا وهيبقى حوار
انا هاف اوبشن والحمدلله لقيت سلك جاهز يدوب الراجل وصل الاريال
بس العربية خليجي معرفش غبور عامل كده ولا لا
ممكن تروح عند اي كهربائي وهيفتح الشنطة ويشوف مكان الاريال فيه سلك جاي من الكاست ولالا
معلش انت مش اول واحد ياباشا
ركب الاريال الجديد وكهربه ب3000 فولت الي يمسكه يتفرم
هههههههههههههه
جميل جدا الكلام ده ... و موقف بجد يوجع ..
اسمعوا دي بأه ...
اخويا نازل اجازة من السعودية بعربية تريل بليزر .. بسم الله ما شاء الله عليها. و بعد اسبوعين من وصوله لارض الوطن الحبيب نزل الصبح يركب عربيته لقاها مكفية على وشها بشكل غريب ... يبص يلاقي ايه ....؟؟؟؟؟؟؟
يلاقى الفردتين اللي قدام مشقوقين بحاجة حادة .. مطوة او سكينة يعني .
و لفينا طنطا كلها علشان نلاقي من المقاس بتاعها .... التجار كانو بيستغربوا ارقام الكاوتش اساساً ..
و الحمد لله فضلت العربية واقفة لمدة 9 ايام بدون حركة لحد ما جيبنا منهم بالطلب ... اسبيشيال اوردر ... بكاااااام ...؟؟؟
2100 جنيه للفردتين .. اه و الله ... يا بلاش ..
اللي يحرق الدم كمان بأه .. ان اللي اتقطعوا كان لسه مركبهم ماكملوش شهر .. لزوم الاجازة يعني .
و بعد ما يرجع بشهر عنده فحص و مضطر انه يغير فردتين من اللي معاه دلوقتي علشان العربية تعدي من الفحص بتاعها علشان اختلاف النقشات بتاعت الكاوتش .
ليه كل الخساير و الغرامات دي ... من غير سبب .. علشان الشعب اتهبل و اتجنن رسمي..:whtauwant:
قوللي بالله عليك ايه المجتمع اللي احنا عايشين فيه ده...؟؟!!