الموضوع: انا مش عارف كل لما اجي اقرر اجيب عربيه تقفلوني منها

والله انا مش عارف اقوللك ايه بس بجد ليك حق

المشاركة الأصلية كتبت بواسطة semsem_uno

والله انا مش عارف اقوللك ايه بس بجد ليك حق

يا باشا هو كان معانا في المقابلة و شاف العربيات و كل حاجة
بس اصل الناس فعلا بدأت احس انها مش عاجبها حاجة ابدا
و حتي التكييف بحس ان لازم لما ينزل من العربية رقبته و كتفه و ضهره واجعينه و عمال يعطس يبقي كده التكييف 100 100

ايوة المشكلة فعلاً زي منا بقول من ساعة ما جيت المنتدى السعيد ده انه كل واحد بينقلك تجربته الشخصية اللي مش دايماً بتكون معبرة عن الموديل

عشان كده انا حريص في مشاركاتي دايما اني اقول انه بناء على رأيي الشخصي او تجربة شخصيه (ومش بنقل كلام عن حد... فعلاً العربية اللي بتكلم عليها بكون ركبتها وسقتها اكتر من مرة ومكون عنها رأي محترم مش انطباع وخلاص)

وانت المهم العربية اللي انت مرتاحلها.. انا اقسملك انه البرافو مازالت طالعة من عيني ومحاشنيش عنها الا قلة الفلوس.. والايفو انا برضه قلت رأيي عنها بحكم انها مع اختي وسقتها كتير جداً

وفي النهاية استخير وتوكل على الله والمهم والله البركة.. انت ممكن تصرف على عربية وربنا مش مبارك والعربية يطلع فيها عيوب.. وفي ناس بتلاقي عربيات مستعملة احسن من الزيرو

وانا تاني بنصح الناس انه نتكلم عن خبرات شخصية ودايماً نحدد اذا كان كلامنا عن حالة فردية ولا مثلاً عيب ثبت وجوده ف عربية... وايه مصدرنا في الكلام.. عشان منقذفش الناس بالباطل ونشيل ذنوب

وانت شخصياً ااااااسف لييك لو كنت قلت كلمة حيرتك او مش في مكانها.. اعذرني والكمال لله وحده

عمرك في حياتك ماهتلاقي عربية كل الناس تجمع إنها حلوة أبدًا. إنت لو عملت موضوع عن الC180 هيطلع فيها عيوب هيقولولك عايزة بنزين 95 وال super charger بيعمل زنه مع الكاسيت ( وهيقولوا عن تجربة ) طب تقول اعلي شوية واجيب 550 هيقولك يا باشا ديه ضيقة بالنسبة للرولز رويس ومش موفرة في زيت العربية. طب تقول هابعد عن كل ده واجيب فراري هيقولولك مش كله بينزل بتكيف ولازم تجيب السبورت سوبر action و كمان ديه electric والPorche احلي عشان الماني و mechanical.
شوف عربية عجباك ادرسها كويس واسمع أراء الناس فيها برده وشوف هل عيوبها بالحجم المذكور ولا ممكن تتعايش معها. ومادامت عجباك العربية اصلا هتلاقي عيوبها علي قلبك زي العسل.
أنا هديك مثال أنا مثلا في المشاركة ديه (http://www.nilemotors.net/Nile/17786...post3873010896) كاتب معظم العيوب اللي أنا شايفها في عربيتي. ورغم كده أنا شخصيا شايف إنها بالنسبالي احلي عربية في الدنيا. ولو رجع بيا الزمان برده حجبها ولو اتوفرلي تاني تمنها هجيبها لاخويا. مش عشان هي فعلا احلي عربية فالدنيا بالعكس في عربيات تانية احلي منها في حاجات ويمكن ارخص بس أنا حبيت ديه واستريحت لديه وعجباني مميزات ديه عن العربيات التانية.
اتكل علي ربنا وهات العربية اللي إنت مرتحلها. العربية ديه بتكون حاجة شخصية حاجة كده زي شريكة الحياه. لو مستريحلها وواخدها عن حب هتفضل حياتكم مع بعض شهر عسل .