فى ناس بتقولى انى اغسل العربية ببرسيل هتبقى نضيفة أوى اكنها جديدة و السايس عندنا فى الجراج كل شوية بيعرض عليا انة يغسلى العربية ببرسيل
فأيه رأيكم فى الموضوع دة ؟هل البرسيل بيضر العربية واللا عادى؟
وشكرا
عرض للطباعة
فى ناس بتقولى انى اغسل العربية ببرسيل هتبقى نضيفة أوى اكنها جديدة و السايس عندنا فى الجراج كل شوية بيعرض عليا انة يغسلى العربية ببرسيل
فأيه رأيكم فى الموضوع دة ؟هل البرسيل بيضر العربية واللا عادى؟
وشكرا
طبعا ممكن بس تختار المنتج الأنسب ليها حسب لون العربيه سواء برسيل "ابيض" او "الوان" :D
معلش القافيه حكمت:)
طبعا غلط جدا و ليه تأثير سلبي على بويه العربيه اللي هتفقد رونقها بسرعه.. و في الأخر هتفقد البوهيه خالص :mad:
طبعا فيه شامبوهات خاصه لغسيل العربيه... بس هيه غاليه شويه و مش دايما متوفره. الحل التاني انك تجيب ارخص نوع شامبو شعر و تغسل بيه العربيه.. هينضفها و في نفس الوقت مش هيأثر على البويه.
و علشان تحافظ على مظهر العربيه في حاله جيده المفروض تعملها طبقه شمع (WAXING) كل 6 شهور تقريبا. ده بيحافظ على البويه من عوامل الجو سواء تراب او شمس.. و بيحافظ عليها من التجريح و الخدوش و بيخليها سهله في التنظيف غير مظهرها الحلو.
نييييييييييههههههههههههه
ماينفعش اونكس ولا اريال
طبعا دول مادفعوش قرش فيها
شوف
لو عايز تحافظ عليها وتغر لتر شامبو العربية ب 20 وبيسيب لمعة حلوة بس طبعا حرام
تاني اكتر حاجة حنينة من حيث المواد الكيماوية اللي فيها الشاور جل
ايوة ما تضحكش عشان بيبقة حنين على البشرة
لاكن مسحوق الغسيل فيها مواد كيماوية كفيلة بتضيع لمعة ثم بوية العربية خلال سنة واحد
انسي الفكره اســـاســـا
اوعي تعملها
البرسيل و البيرل و الحجات دي معموله عشان تشيل طبقه من الدهون و بتشيل معاها الواكس في العربيه
و بالمره تقوم شايله الالوان و تلاقي الالوان بتاعت العربيه بهتت :(
نصيحه عاوز العربيه تبقي بتلمع بجد و بأرخص الاسعار
اشتري ارخص نوع شامبو شعر زي ما احمد حسن قال
و غسل بيه العربيه
فكرتني بأيام الجيش ،،،
العساكر السواقين قالولي احسن طريقة لتلميع الفيبر بتاع التابلوه ،،
الزيت ،،
هوب ،،
قمت داخل علي المطبخ و نص ازازة زيت عباد الشمس و اديتها ،،،
مش راضي اقلك لم كمية تراب اد ايه
انا كنت حاسس انه بيفتى بس قلت أتأكد. هو انا بغسل العربية فى البنزبينة كل اسبوعين أو تلاتة فهل دة برضو غلط واللا عادى
^^^ اعمله بنفسك احسن
بالضبط كدهاقتباس:
اقتباس:
أرسل أصلا بواسطة Ahmed Anwer http://www.nilemotors.net/Nile/image...s/viewpost.gif
فكرتني بأيام الجيش ،،،
العساكر السواقين قالولي احسن طريقة لتلميع الفيبر بتاع التابلوه ،،
الزيت ،،
هوب ،،
قمت داخل علي المطبخ و نص ازازة زيت عباد الشمس و اديتها ،،،
مش راضي اقلك لم كمية تراب اد ايه
طبعا يا باشا الزيت العادى بيلم تراب كتير و لكن الزيت اللى ممكن يستخدم لتنظيف العربية من جوه هو زيت الكهرباء ده زيت مخصوص للادوات الكهربائية و بيتشرب فى الجلد و البلاستيك بتاع تابلوهات العربيات
زيت خفيف و مره سروجي قالي زيت مكن خياطه و فعلا بيدي نتيجه كويسه و بيحافظ علي الجلد من التشقق
أخى انا افضل انك تغسل السيارة بنفسك لأن بتوع البنزينة بيبقوا عاملين زى النمل الشغلانة اللى ممكن نص واحد مش واحد كمان يخلصها تلاقى عشرة ملمومين على العربية دة بيمسح الباب و دة بينشف الباب و دة ماسك الأرضية اللى ادام يكنسها و بعدين واحد تانى يمسك الأرضية اللى ورا و بعدين واحد يعملها شور و يغسلها بالمية وواحد تانى ينشفها و بعدين واحد يحطلك ملمع مثلا للكاوتش حاجة مقرفة بجد ولو اعطيت لكل واحد جنية و الا جنية ونصف يفضل يفاصلك يعنى انا لو غسلت السيارة ب20 جنية مثلا تعمل حسابك على مبلغ زية بقشيش
دة غير التأثير الضار لتكرار المياة المندفعة من خرطوم المياة اللى فى البنزينة على العتب و الرفارف و الشاسية
انت تجيب العدة بتاعة النظافة و يا إما تنظفها بنفسك او تعطى مبلغ للبواب أو بتاع الجراج و تقف على ايدة و ينظفهالك هو
و العدة هى : بالنسبة للشاور ممكن تشترى منظف للسجاد اسمة فيرست رغوتة كثيفة و بينظف حلو و كمان مش بيسبب بهتان للبوية لأن فكرتة نفس فكرة شاور السيارة و ارخص كتيييير و تشترى الفوطة الجلد الصفراء و دى على ما أظن فايبر يعنى بمجرد ما تعصرها متلاقيش اثر للمياة فيها و بتبقى ناعمة جدا على صاج السيارة و فى الآخر تلاقى لمعة ممتازة و تجيب فوطة صفراء و تستخدمها للعتب فقط عشان الطينة اللى بتبقى لازقة فية متجرحش البوية و بالنسبة للتابلوة هات منظف و ملمع للتابلو اسمة Armor All دة ممتاز للتابلوة
و بعدين إنت ممكن كل فترة طويلة شوية تغسل شاسية السيارة فى البنزينة خاصة بعد موسم الأمطار عشان الطينة اللى بتبقى لازقة فى الشاسية
الكلام دة عن تجربة و ابقى قولى اية الأخبار
لو مش محتاجه يبقى اكتفي بتنظيفها من الخارج فقط بأي فرشه مخصوصة
لو محتاجة غسيل يعنى عليها وساخة زى فضلات الطيور اغسلها كل اد ايه؟.
أنا أفضل انك تغسلها كل اسبوع و بالكتير 10 ايام بس زى ما قال اخى ابو عبدالله ممكن تجيب فرشاة بيد و تمسحها يوميا مثلا بالفرشاة و لما تغسلها حاول متستخدمش مياة كتير عشان البارومة و بعدين لو معندكش غطاء لها اشتريلها واحد يكون جلد تقيل و ببطانة ناعمة من الداخل عشان يحافظ عليها من الأولاد الحلوين اللى بيرسموا على العربيات و بيجرحوها و من أى شئ اخر