معني ان العربيه يحصل فيها خكه او نقره تبقي بقت مطابقه للمواصفات المصريه
عرض للطباعة
معني ان العربيه يحصل فيها خكه او نقره تبقي بقت مطابقه للمواصفات المصريه
اول مره بتزعل جامد
وبعد كده يتحول الامر لادمان
ايه العربيه بقالها 3 ساعات بدون خرابيش
يا راجل الواحد يبقي في مشوار اركن العربيه نصف ساعه وارجع
الي مريح عليها
ميكروباص سائقه غبي ومكسل يرجع يقايس ويدخل وزي ماتيجي
احمد ربنا علي الخربوشين الصغيرين
وربنا يبارك لك فيها ويكفيك شر العين
علي العموم كتر الف خير كل من واساني......وعزاني في محبوبتي اللانسر ففعلا كلامكم معي خلاني اهدي شويه وانتظر المزيد من مواقفكم مع اول خربوش لمزيد من الصبر والسلوان وربنا يفديكم جميعا من شرور الخرابيش اللي تعكنن مزاج اي حد
اخدت العين يا باشا خلاص .. وعلى رأى واحد من المشاركين احمد ربنا انها كانت قصاد عينك وعارف ، انا هااتجنن من اللى بيعملى رسم تجريدى بالمسمار لدرجة انى حطيت كاميرا ع العربية لمدة يوم عشان اصوره بس للاسف قرر يومها انه مايرسمشى .. فدااااااااااك
لا لا لا ماتستسلمش بسرعة كدة....لازم تتعود على الحاجات دى
عمى لسة جايب عربية لوجان 2010 رصاصى...ودلوقتى بقت حمار وحشر مخطط مليانة نقر وخرابيش مع العلم انه ماخبطش فى حاجة..كلهم والعربية واقفة...
حضرتك فى مصر توقع اى حاجة عربية لازقة فى شنطة عربيتك على سرعة فوق ال100...كل شىء لازم تحضرله من دلوقتى
وان شاء الله بسيطة وبجد احمد ربنا على كدة غيرك عربيته اتشوهت وربنا يكفيك شر كل حاجة فى البلد دى
ولا يهمك دى ضريبة وجودك فى مصر
الحمد لله انها جت في الاكصدامات ... الاكصدامات تترش عادي جدا و مفيش اي مشكلة
سيبهم شوية لحد ما يلموا شوية خرابيش و رشهم مرة واحدة ...
الحمد لله انها جت على كده انا تاني يوم من استلامي العربية من المعرض اخدت العين و في ساعتها ... اول مشوار اطلعه بيها عربية نقل ضيعتلي الباب اليمين اللي جنب السواق ....
الحمد لله على كل حاجة
ردكم مشكوووووووووووووووووووووو ور.......
ياعم عادي معلش كلها في الأول بتبقي كده طيب تصدق بالله
أنا كنت راكن العربية و فجأه طقت في دماغة بدال ما تبقي راكنه ووشها يمين لأ قولت أنا هنزل أديرها و أخلي وشها شمال قال إية عشان و أنا رايح المشوار ايلي كنت رايحة مديرش أمشي علي طول
و كانت النتيجة
نزلت و أتخبطت مني في الرفرف خبطة قد كف الإيد كده و طلعت تاني
و قعدت متعكنن كام يوم و في الأخر قولت قدر و نصيب
فأنت الحمد لله أنها جت علي قد كده
عادى جدا ولا يهمك هى الحياه تسوى حاجه من غير خرابيش ؟