انا مشكلة النسيان عندي زادت عن الحد كل ما اركن العربية بتاعتي ساعات كتيرة بأنسى أنا
راكنها فين بالضبط وساعات باخد فترة لحد ما اعرف انا راكنها فين بالضبط وده كمان غير
موضوع الركن انا مرة كانت نازل وخارج ورايح المفروض اركب العربية بتاعتي وبحط مفتاح العربية
في العربية علشان افتحها مش راضية تتفتح واحاول مرة وتانية واقول ليه مش راضية تتفتح
وفضلت قد خمس دقائق باحاول افتح العربية مش راضية تتفتح برضه لحد ما بصيت جوه العربية
لقيت الكاسيت اللي في العربية مش بتاعي ومن هنا أدركت ان العربية اللي بحاول افتحها
مش بتاعتي وحمدت ربنا ان صاحب العربية ماشافنيش انا عمال بحاول افتح العربية بتاعته
فمش عارف انا بس كده في مشكلة عدم التركيز والنسيان ولا في ناس تانية زي؟