هروب ابن مالك كريازي لاسبانيا لاتهامه بمحاولة قتل ضابط سابق
امرت نيابة مصر الجديدة برئاسة محمد مأمون و بإشراف القاضي مصطفي خاطر المحامي العام الاول لنيابات شرق القاهرة طلب شهادة تحركات من مصلحة الجوزات لبيان تحركات المتهم ريمون استيف كريازي ابن صاحب مصانع كريازي بعد ان اكدت تحريات المباحث العامة الذي ارسل الي النيابة هروب المتهم خارج مصر الي اسبانيا.
من الشروق
إذا لم يكن معك قرش
القصة نشرتها صحف الجمعة الماضى 2/9، اختلف اثنان من المصريين حول أولوية المرور فى أحد شوارع مصر الجديدة، أحدهما كان يقود سيارة ملاكى عادية، أما سيارة الثانية فقد كانت فاخرة مما يقتنيه كبار الأثرياء (بورش)، وتحمل رقم واحد ــ جمرك القاهرة. جاء الشاب قائد السيارة البورش مسرعا وأراد أن يسبق الأول، لكنه لم يتمكن فيما يبدو، فاستطاع أن يصل بمحاذاته وسبه بألفاظ نابية. فحدثت بينهما مشادة تشاتم فيها الاثنان، وكاد الأمر يصل إلى حد الاشتباك بالأيدى لولا زحمة المرور، واحتجاجات أصحاب السيارات الذين عطلهم الشجار وأرادوا أن يواصلوا سيرهم. حينئذ لم يجد صاحب السيارة «البورش» مفرا من مواصلة سيره، بعد أن سجل رقم السيارة الأخرى وتوعد صاحبها بسوء العاقبة.
فى اليوم التالى خرج صاحبنا من بيته بعد الظهر قاصدا قضاء مصلحة فى ضاحية «الشروق» القريبة من القاهرة، وفوجئ بالسيارة البورش تقف بالقرب من بيته، وقد جلس فيها الشاب الذى اشتبك معه محاطا بثلاثة آخرين, تتبعوه وأوقفوه، ثم أجبروه على النزول من السيارة وانهالوا عليه بالضرب حتى سقط على الأرض. ثم قاد أحدهم السيارة البورش وصدم سيارته بقوة فأحدث بها تلفيات كثيرة. ودفعوا السيارة نحوه لكى تمر فوقه، لكن الله سلم وتكسرت عظام قدمه فحسب. وبعد ذلك فروا هاربين.
شاءت المقادير أن يكون نائب رئيس حى مصر الجديدة مارا فى ذلك الوقت، وشهد الواقعة، فأجرى اتصالا بالإسعاف، وتم نقل الرجل إلى أحد المستشفيات. وعند الكشف عليه تبين وجود كسور فى جميع عظام القدم، وتهتك فى المفصل وجروح فى أنسجة الجلد. وتقرر إجراء جراحة عاجلة له، لتثبيت القدم بمسامير وشرائح، ووضعها داخل الجبس، قبل اتخاذ قرار بشأنها، وما إذا كانت الحالة ستستدعى بترا للقدم أم لا. ولا يزال الرجل تحت العلاج فى المستشفى، فى حين واصلت النيابة تحقيقاتها فى الموضوع، واستمعت إلى أقوال المجنى عليه الذى اتهم الشاب صاحب السيارة البورش بالشروع فى قتله، ومن ثم أصدرت النيابة أمرا بضبط الشاب وإحضاره للاستماع إلى أقواله.
إلى هنا والحادث يبدو من نماذج المشاحنات التى تحدث كل يوم والتى يستبد فيها الغضب بالبعض، فيدفعهم إلى ارتكاب صنوف الحماقات والجرائم، إلا أن ثمة ملابسات أخرى جعلت للحادث وضعا خاصا، إذ تبين أن المجنى عليه ضابط سابق فى جهاز أمن الدولة. أما الجانى، الشاب صاحب السيارة البورش، فقد تبين أنه ابن ملياردير كبير له استثمارات من الوزن الثقيل فى مجال الصناعة والفندقة. وهذا الثقل الذى يمثله الأب وفر له نفوذا قويا وكلمة مسموعة فى أوساط النخبة والسلطة المصرية. وكما كان من السهل أن يوفر للابن الشاب سيارة «بورش» (قيمتها نحو مليونى جنيه) فقد كان يسيرا عليه أن يستدل على محل إقامة ضابط أمن الدولة وعنوانه، وأن يكلف من يقوم بمحاولة قتله اطمئنانا على حصانته المالية. كما كان من السهل عليه أن يرتب أمر تسفير الابن إلى مدريد فى إسبانيا، فور ارتكاب الحادث.
هذه المعلومات نشرتها الصحف المصرية. لكن ما لم ينشر ان الملياردير الكبير بدأ يستخدم نفوذه للملمة القضية والتلاعب فى أدلتها لتبرئة الابن الهارب، إذ فى حدود معلوماتى فإن إحدى الشخصيات العامة أجرت اتصالا هاتفيا مع أسرة ضابط أمن الدولة المجنى عليه، ومع الطبيب الذى يشرف على علاجه فى المستشفى، لاحتواء الموضوع والتهوين من شأنه. وأن جهودا مماثلة تبذل فى أكثر من اتجاه لمساعدة الابن على الإفلات من العقاب.
استوقفتنى القصة من ناحيتين، الأولى تتعلق بما آل إليه نفوذ رجال الأعمال الذين أصبحوا شركاء فى حكم مصر، وكيف أن ثراءهم جعلهم إما فوق القانون، وإما قادرين على التلاعب بالقانون، الثانية أنها ذكرتنى بقصة عبارة الموت التى قتل فيها أكثر من ألف مصرى، ومكِّن صاحبها المليونير من الهرب إلى الخارج، ولعب نفوذه دورا فى التلاعب بأقوال الشهود وتحويل القضية إلى جنحة. كما ذكرتنى ببعض القضايا المشابهة المنظورة حاليا، التى تؤكد صحة المقولة الشهيرة التى أخبرتنا منذ زمن طويل بأنه إذا كان معك قرش فأنت تساوى قرشا، (ما بالك إذا كانت معك ملايين؟) ــ ومفهومها العكسى الذى أثبتته الأيام أنه إذا لم يكن معك قرش فأنت ــ لا مؤاخذة ــ لا تساوى شيئا. وعلى المتضرر أن يضرب رأسه فى أقرب حائط، حتى إذا كان ضابطا فى أمن الدولة.
:36_6_3[1]:اقتباس:
المشاركة الأصلية كتبت بواسطة dr zezo
لحد هنا وستوب..ازاي يعني هيسوق السياره البورش اللى هي بملايين ويخبط بيها عربية الضابط !!هي همر ولادبابه؟؟ديه بورش يعني مش سهل يضحو بها بالشكل ده..تقريبا الموضوع فيه مبالغه وبعدين الجاني واحد ابن ملياردير مغرور مبسوط بفلوس ابوه والمجني عليه ضابط امن دوله ياما ضرب ناس وعذبها واللى اتعمل فيه ده حاجه بسيطه ربنا بيردهاله..احنا مالنا احنا بقا؟؟يتحرقو...مشكور على الخبر ياباشا
و ضابط امن الدولة عمل ايه عشان يكسروه كده ؟
مش معقول عشان اشارة مرور يعني !!!!!!
ىدي رجال الأعمال اللي الحكومة عملتهم كبروا و بياكلوا الحكومة اللي عملتهم من الاساس
لو فاكرين كريازي ده كان مصنع من مصانع السعد و الحكومة ادته هدية لأبو الواد و خد بضمان المصنع و الشركة قروض 180 مليون جنيه
المشكلة انه دول بقى ميييييييييييييييين
دول يا جماعة مترفيها... عرفتوهم؟ ربنا أمرهم اهم فعملوا ايييييه؟ فسقوا فيها... ده فاكر نفسه عشان ضابط اشترى الشارع... والتاني فاكر فلوس ابوه اشترت البلد... بدليل انهم نزلوا لبعض سباب في الشارع مش واحد ظلم التاني. وده يقوله انا ظابط يا حيوان... والتاني يقوله على نفسك هجيبك على فكرة... وهي بلدنا بقت كده
يبقى الخطوة الجاية اييييه؟ ربنا هياخدنا كلنااااااا اخذ عزيز مقتدر.... الخطوة الجاية اهلاك "القرية" اللي هي احنا... يا ريت نرجع لربنا عشان لما الدنيا تتهد... يمكن رحمته تطولنا عشان كنا بنستغفر
وشكراً على الخبر
يسلط الله ابدان على ابدان.
يعنى الضابط ه لو مع شخص عادى
مش كان عمل فيه الى اتعمل فيه
وهيجى يوم وبتاع البرش ده يلاقى الى اعلى منه
على رايك بكره ابن كريازي بتاع البورش ده هيلاقي جمال راكب بوجاتي فيرون بيزنق بيها عليه..وهيا ده مصر يابورشه(قصدي ياعبله)اقتباس:
المشاركة الأصلية كتبت بواسطة powersha
:Ta_clap[1]:
للأسف احنا بقينا عايشين في زمن قانون الغاب والنهارده الفلوس ممكن تعمل أي حاجة! وده مش في مصر بس ده في العالم كله وفي حاجات بتتغمل أصعب من كده بس محدش بيسمع عنها. ربنا يصلح الحال يا رب
لأ أحلى حاجة في المقال إنه بيقول إن الإتنين كانو بيتسابقو و عربية الظابط سبقت البورش .. :36_6_3[1]:
و على فكرة لو إبن كريازي ده عيل غلبان كان الظابط نزل طحنه في الشارع ..
طبعا كل دة موجود و اكتر فى ازهى عصور الديمقراطية
بس
هل دة من باب هلاك الظالمين بالظالمين
الباشا اللى ياما دافع عن الفساد بيتكوى بنارة
ولسة
اللهم اهلك الظالمين بالظالمين واخرجنا منهم سالمين غانمين
و ان كان الضابط ده اشترك الاف المرات فى تطبيق فيلم الكرنك و فيلم احنا بتوع الاتوبيس
و الواد الصايع ده مدلع و مركون على فلوسه
كل ده ماشى و يولعوا الاتنين
مين بقى الشخصية العامة اللى عايزة تقفل على الموضوع ؟؟
مين بقى المرتشى الفاسد ده ؟
على فكرة ريمون ستيف دا كان بيمون فى محطة اون ذا رن فى عربيتة البورش 95 = 4 علب رافع أوكتين
كل علبة بترفع 3 درحات
يعنى بيمون 107 أوكتين ودا من بق العامل هناك
المعلم مرتضي منصور
محامي ابن صاحب كريازي
لو الحادثه دي حصلت مع سائق تاكسي
كان زمانه مشرف في المشرحه
والواد بيصيف في اوروبا
وكان خرج من صاله كبار الزوار مع مندوب رسمي من الدوله لتوديعه علي حسن صنيعه
ظابط امن الدوله
ربنا اراد ان يبين له
انه اكيد افتري علي ناس مظاليم ومش بعيد سحلهم لا اكيد سحلهم وعلقهم من-----------
الجزاء من جنس العمل
لا حول ولا قوه الا بالله
لا أله الا أنت سبحانك أنى كنت من الظالمين
حسبى الله ونعم الوكيل فى اللى مسكين البلد واللى خلوها توصل للحال ده
هى بقت مشيه كدا زى عالم البحار السمك الكبير ياكل الصغير وطبعا البساريا الله يكون فى عونها اللى بيخليها عايشه أنها صغيره قوى فا ما بتتشفش
اقتباس:
المشاركة الأصلية كتبت بواسطة mfarag
هوه ده الكلام الصح
خايف امشى فى الشارع
بتاع بلد الامن والبتنجان
(نصيحة اللى تقدر تاخد حقك منه اعفو عنه واللى متقدرش اوعى تسكتله ضميرك هيعذبك)
اقتباس:
المشاركة الأصلية كتبت بواسطة tyler_durden
+1111
لماذا الكل يطلق الأحكام
وطالما ظابط أمن دولة يبقى أبدان على أبدان
كلنا بقينا قضاة
عموما الهروب من البلد مش حاجة سهلة حتى لممدوح إسماعيل جزار المصريين
دا إسمه واحد مطرود من البلد مش رايح يصيف
عموماً بكرة الحقيقة تظهر
واللي بيصدر حكم بيتحاسب عليه
فلا تتسرعوا في الحكم على الناس حتى لا تحملوا أوزار لا داعي لها
على فكرة موقف مشابه لهذا حصل معى منذ عدة سنوات كنت باركن فى ميدان عابدين وخلاص ركنت لقيت عربية ورايا نزل منها واحد باين عليه رتبة وطلب منى ترك المكان عشان كان ناوى يركن و أنا سبقته ولما دخلت معاه فى حورات بالأدب قل أدبه جامد و جابلى بتوع المرور وطبعا وقفوا إلى جانبه و حسيت إنى حتسوح و يمكن كان زمانى سبقت المرحوم خالد سعيد ولكن بذكائى أدركت الموقف و لميت الدور وعملت نفسى شهيد مع إنى كنت أكاد أنفجر غيظا و بصراحة لو كنت حتى قريب كريازى من الدرجة العاشرة بشرفى كنت فعصته .
ربنا ينضف البلد من الاشكال ده..بس انت غلطان انك سيبتله المكان..أنا لو مكانك كنت قلتله اعلى ما في خيلك اركبه وهروح واخد رقم عربيته احتياطي..وهنفضله وهسيبه وامشي..يعني مش هكتر معاه الكلام ولو هو راجل خليه يعمل حاجه يعني آقصى حاجه ممكن يعملها ايه؟؟اقتباس:
المشاركة الأصلية كتبت بواسطة hishamshafai
هيه دى سنة الحياه ظابط امن الدولة ممكن يكون ظلم ناس كثير و كسر عظامهم و ارجلهم و ممكن يكون عمل خدمات لصاحب صاحب شركة كريازى و نتيجة ذلك كانت عقاب ربه بان نال عقابه و نال ابن صاحب الشركة بعض الذنوب لينال جزائة فى النهاية بنفس العقاب و تكسر عظامه
ان ربك يمهل و لا يهمل
الأخوة اللي بيهاجموا الظابط هو طلع امبارح مع منى الشاذلي و قال لها انه سايب الخدمة من 14 سنة و كان مسافر فترة طويلة برة مصر, يعني مش مسألة اتنين أصحاب سلطة ضد بعض.
و عموما الكلام ده لو بنتكلم على خناقة الأتنين مسكوا في بعض. انما ان واحد يتربص للتاني تحت بيته بالشكل ده دي مصيبة. أولا لأن زادت قوي في مصر الفئة اللي شايفة نفسها أعلى من الدنيا كلها لدرجة انه بينتقم بالوحشية دي من انسان أكبر حاجة ممكن يكون عملها انه شتمه. ثانيا ان فعلا ده لو واحد غلبان شوية كان زمانه اتقتل حتى من غير ما حد يحس بيه.
حسبنا الله و نعم الوكيل في اللي خلوا البلد غابة الواحد مش قادر يحس فيها بالأمان.
بصراحة العملية بقيت سايبة على الاخر
[youtube]http://www.youtube.com/watch?v=FzO8SLnmTm0[/youtube]
على فكره هو الراجل برده حكى في الحلقة ان راح عمل بلاغ بعد ما الراجل خبطه بالبورش وتاني يوم لاقهام مستنيينه في الشارع بعربيه فور باي فور هي اللي خبطوه بيها ما خبطوهوش بالبورش والراجل الظابط شكله محترم
[youtube]http://www.youtube.com/watch?v=VSjm6PXNbxg[/youtube]
[youtube]http://www.youtube.com/watch?v=rUFs9KREenU[/youtube]