الحقوني يا جماعة عربيتي الميجان ولعت من قدام كلها لوحدها

**shehabhopazone** · 06-09-2010 09:27 PM

و انا راجع من الشغل العربية كانت ماشية كويسة جدا ر كنتها تحت البيت وفجأة لايت ناس بتخبط عليا وبتقولى عربيتك بتولع تحت نزلت لقيت العربية من قدام مولعة والدخان والنار لغاية السما طفيتها انا والجيران والحمد لله على كلى كل شيء عاوز اعمل شكوى في توكيل رينو بس مش عارف حينفع ولا لا العربية ميجان هاتشباك موديل 2005 عامله 85000 كم و حالتها كانت ممتازة قدر الله ماشاء فعل طبعا اجزء اللى قدام كلة و الزجاج الامامي سااااح و الحمد لله على كل شيء ياريت تساعدونى يا جماعة و تقولولي اعمل ايه

**kamalsalem** · 06-09-2010 09:37 PM

انا كنت قريت في كاتالوج انه العربيات الاوتوماتيك مينفعش تتركن فوق اي حاجة قابلة للاشتعال... قماش.. زبالة لا مؤاخذه.. زيت... كل ده ممكن المكنة لو سخنة تبهدل الدنيا

ربنا يعوض عليك ان شاء الله والعربية ترجع احسن من الاول

**shehabhopazone** · 06-09-2010 09:56 PM

العربية كانت راكنة تحت البيت مفيش اي حاجه راكنة عليها ده كومبوند سكنى و كانت ركنه في المكان اللى بركنها فيه على طول

**kamalsalem** · 06-09-2010 09:58 PM

انا متأسف انا بس كنت بحاول الاقي سبب... ربنا يعوض عليك يااااا رب في الايام المفترجة دي

**shehabhopazone** · 06-09-2010 10:04 PM

ربنا يكرمك يارب و الحمد لله على كل شيء

**pioneerahmed** · 06-09-2010 10:08 PM

انا كنت قريت في كاتالوج انه العربيات الاوتوماتيك مينفعش تتركن فوق اي حاجة قابلة للاشتعال... قماش.. زبالة لا مؤاخذه.. زيت... كل ده ممكن المكنة لو سخنة تبهدل الدنيا

ربنا يعوض عليك ان شاء الله والعربية ترجع احسن من الاول

طيب لية مهو الميجان متقفلة كويس من تحت

و بعدين عمرى ما سمعت عن الموضوع دة ابل كدة

ممكن يكون حد رمى سيجارة و عربيتك بتنقط زيت

**ramykimo** · 06-09-2010 11:17 PM

طب انت عملت محضرر بالواقعة تثبت فيه ان العربية ولعت بدون اى تدخل خارجى .. قصدى انها ولعت بسبب عيب فى السيارة نفسها ممكن فى الحالة دى تشتكى رينو او تطالب شركة التأمين بتعويض لو مأمن عليها

**ecybrarian** · 06-09-2010 11:52 PM

اجارك الله في مصيبتك.. انا فاكر في مرة كنت عند ميكانيكي رينو بص في الكبود واتخض وشاور على قطعة خلف الموتور شمال تقريبا بيدخلها بنزين وقالي دي لازم تتثبت لأنها مصيبة وياما عربيات ولعت بسببها..انا مش عارف ايه دي بالظبط بس هو ثبتها بأفيز بلاستيك مش أكتر