الموضوع: نوكيا X6 ولا سامسونج S8500 Wave

لو الاهم عند ال جي بي اس والنفيجيشن يبقى نوكيا بدون تفكير

لان من اهم مميزات اوفي مابس انها نفيجيشن فري فور ايفر + الخريطة بالعربي

المشاركة الأصلية كتبت بواسطة ashouhdy

خرائط مصر اصلا ضايعة ع اجهزة الجى بى اس العادية والخرائط اللى ع الموبايل فلة جدا !! اصلا مينفعش الجى بى اس فى مصر عشان مفيش اتصال مباشر بأدارة المرور يعنى تقلك طريق سالك مفتوح وهكذا

رأيى طبعا طبعا الويف !!

مع احترامي لكلام حضرتك نوكيا مابس او اوفي مابس من افضل الخرايط الموجودة بعد الجوجل مابس

انا لما كان معايا n82 كنت بلاقي حارات ولا عمري سمعت عنها في البرنامج والاسم كان صح بس للاسف وقتها كان بالانجلش ... وده كان بيعمل مشكلة شوية لان فيه اسماء عجيبة جدا في شوراعنا .... وخلي بالك الكلام ده من اكتر من سنة ايام لما كان الجي بي اس ممنوع في مصر

اللي حضرتك بتقول عليه ده اوبشن زيادة ومش ضروري قوي مع الجي بي اس ... وفي معظم الاحيان بره بيبقى ميزة مدفوعة يعني ليها اشتراك ... يعني من الاخر مش هي اللي هتقلل من فايدة النظام

تسلم يا باشمهندس على المعلومة القيمة
طب والسامسونج ايه ظروفه في الجي بي اس

دي نقطة ضعف للسامسونج لان نظامه مختلف وحتى مش هينفع تنزله برامج السمبيان المنتشرة

نظامه اسمه بادا وده نظام من ابتكار سامسونج ولسه قدامه شوية وقت ومعتقدش انك هتلاقي برنامج للسامسونج في قوة ovi مابس حاليا والدعم والابديت المستمر ليه

بس طبعا كجهاز متكامل سامسونج يكسب بفارق كبير جدا انا هنا بتكلم عن ميزة النفجيشن والملاحة بس ويمكن كمان صوت x6 مميز جدا في الاسبيكر والفون

المشاركة الأصلية كتبت بواسطة human12

i would never pay in this piece of garbage more than 515 l.e
its a shame people pay big money for such garbage as these nokia phones

الميزة الوحيدة في نوكيا حاليا النفجيشن والملاحة الفري والخرايط العربي اللي بيتعمل ليها ابديت

وطبعا فيه ابديت علطول للسيستم بتاع السيمبيان

وفي بعض الموديلات الميوزك الصوت النقي

لكن غير كده طبعا قدام اي تليفون زي الويف او الجلاكسي او الايفون .... الخ يعتبر جهاز متخلف بفارق كبير بس مع الاخذ في الاعتبار السعر برضوا ... لان معظم موديلات نوكيا اسعارها معقولة جدا بعد فترة من نزولها بالمقارنة بالتليفونات الاخرى