ينفع نشغل التكييف قبل اول 1000 كم ؟

**ahmedfd** · 07-09-2010 09:46 AM

يا ريت يا جماعة الأخوة اللي شافوا التحذير من تشغيل التكييف قبل ألف كيلو في أي ماركة أو موديل يقولولنا بالتفصيل فين و صفحة كام للإفادة لإنه موضوع في إختلاف بين الأعضاء.
أنا عن نفسي معداش الكلام ده على في أي عربية شفتها.

**raedegypt** · 07-09-2010 09:54 AM

ياعمى لو العربيه مستوردة يابانيه او كورى او اروبيه اقصد منشآ محترم لاتحتاج للكلام دة . لان العربيات اصلآ بتكون جاهزة للتشغيل انا معاك انها زيرو كعداد لكنها جاهزة للتشغيل . الكلام دة لو عربيه مصريه تقفيل هنا

**yasso0101** · 07-09-2010 11:27 AM

يا جماعه انا اتصلت بنفسي بشحمي و لحمي بتوكيل كيا eim نفسه بشحمه و لحمه

قال استنا بعد الالف شغل المكيف ده احسن لمتور العربيه

مين اللي قال يا اولاد توكيل كيا EIM بتقولوا مين يا اولاد توكيل كيا بتقول مين توكيل كيا

محدش يقولي : مين بقى توكيل كيا ده

وقالو لي ان الكوبيه رخصت 1000 وبقت 136 الف بدل 137 الف موديل 2010

**Frozen_Pain** · 07-09-2010 11:32 AM

المشاركة الأصلية كتبت بواسطة tarek gen 2

انا صيانة الف و شغلته
شفل يا عمنا سيبك من اى كلام
و هاقولك جاجة واحدة
السعودية اما بيبجيبو عربية مبيشغلوش تكييف !!!!؟؟
وهما اصلا متعودين على التكييف حتى فالمطابخ !!
و الخليجى اللى بيجيلنا هنا مهو سعودى ومتلين كمان

شغل يا عمنا انا دى رابع عربية لية و كله شغلت هو انا مشترى زيرو عشان اعذب نفسى تجنب الشد و الحرق على الاغيار و الحمل و بسسسسسسسسسسسسس كدة

و طبعا راى الاخوة المخالف لية فوق دماغى طبعا
و ربنا يباركلك يا معلم

انا معاك فى كل كلمة قولتها طبعا

انا اول ما رحت استملت العربية كان فى شهر 7 والمعرض كان فى م نصر وانا فى 6 اكتوبر واستلمتها الساعة 3 العصر فى عز النار اول حاجة عملتها قومت مشغلالتكيف طبعا بلا الف ولا الفين هو انا لسه هستنى لحد ما اتشوى وبعد موضوع التليين ده كان زمان مش دلوقتى لان معظم العربيات اللى بتيجى بيكون موتورها متليين

**yasso0101** · 07-09-2010 11:34 AM

المشاركة الأصلية كتبت بواسطة ahmedfd

يا ريت يا جماعة الأخوة اللي شافوا التحذير من تشغيل التكييف قبل ألف كيلو في أي ماركة أو موديل يقولولنا بالتفصيل فين و صفحة كام للإفادة لإنه موضوع في إختلاف بين الأعضاء.
أنا عن نفسي معداش الكلام ده على في أي عربية شفتها.

انا هصوره النهارده اول ما ارجع من الشغل

**aromr** · 07-09-2010 03:40 PM

انا استلمت عربيتي في الشتا اللي فات

وشغلت التكييف وانا خارج من المعرض للتجربه

وبعد كده كنت بشغله على فترات لما يكون في اشارة او فيه ميكروباص بيبخ هباب اسود

انا مش شايف مشكلة في الحكاية دي

**raedegypt** · 07-09-2010 04:26 PM

الشركات المحترمه يابانيه او كوريه او اروبيه ( كلامك ممكن صحيح فى عربيات تقفيل مصرى ) لو كان كلامك صحيح انك لاتشغل المكيف الا بعد 1000 كيلو كان زمانهم كتبوا عند الزرار تحذير وتعليمات وارشادات .. ما يتركوا شيىء للنباهه والاستنتاج دة شركات تطبق انظمه السلامه والايزو العالميه

**NoRmAl** · 07-09-2010 05:31 PM

هو الموضوع مش فنى بحت بضر الموتور من عدمه
أنا ببقى عايز من المتور فى أول ألف أنه يتعود يمشى زى البيبى الصغير كدا
ومش عايز أحمله بأى أوفر لود لغايه بس ميعدى أول ألف يمشى بس ويطبع
وفى الاخير الى عايز يشغله قبل الالف عادى بردو مفهاش ضرر