الدنيا حر و مش مستحمله الواحد ميشغلوش
عرض للطباعة
الدنيا حر و مش مستحمله الواحد ميشغلوش
معلش استحمل:dontudear:
لانك لسة فى فترة التليين وكدة هايكون حمل زيادة على الماتور
ودة حسب كلام المانيوال بتاع العربية
هو فى أختلاف
بس أنا لا أحبذ الصراحه
فعلا انصحك بلاش و اصبر وخلص الالف بسرعه وشغله براحتك
شغله يا باشا عادى موضوع التكييف بعد 1000 كيلو دا كان زمان انا عربيتى شغلته اول لما نزلت من على الكساحة كانت عاملة 9 كيلو بس وكل العربيات الزيرو بتاعتنا كدا والحمد لله مفيش اى مشكلة
اسمحلي يا ياسر اختلف معاك في الرأي ( واختلاف في الرأي لا يفسد للود قضيه )
انا اشتريت عربيه هيونداي 2009 الكتالوج بتاع العربيه مكتوب فيه كده صريحه عدم تشغيل التكييف قبل ال1000 واخويا اشترا عربيه 2010 التوكيل لما اشترى العربيه قلوله متشغلش المكييف لغايه متعمل الالف وتجي تعمل صيانة الالف وكان طالع عينه في الحر
المهم انها معلومه حقيقيه مش وهم
بس فى الكتالوج مش كاتيبن حاجه على الموضوع ده
بتختلف من موديل للتاني... في البونتو ايفو والكروز التوكيل قاللي شغل التكييف
انا حاسس ان الموضوع له علاقة بزيت التخزين... لو العربية ليها صيانة 1000كم مش بتشغل التكييف ولو اول صيانة على ال5000كم عادي
وممكن اكون غلطان بس ردودكوا بتأكد كلامي انه الناس اللي كان عندها صيانات 1000 قعدت في الحر شوية
انا صيانة الف و شغلته
شفل يا عمنا سيبك من اى كلام
و هاقولك جاجة واحدة
السعودية اما بيبجيبو عربية مبيشغلوش تكييف !!!!؟؟
وهما اصلا متعودين على التكييف حتى فالمطابخ !!
و الخليجى اللى بيجيلنا هنا مهو سعودى ومتلين كمان
شغل يا عمنا انا دى رابع عربية لية و كله شغلت هو انا مشترى زيرو عشان اعذب نفسى تجنب الشد و الحرق على الاغيار و الحمل و بسسسسسسسسسسسسس كدة
و طبعا راى الاخوة المخالف لية فوق دماغى طبعا
و ربنا يباركلك يا معلم
يا ريت يا جماعة الأخوة اللي شافوا التحذير من تشغيل التكييف قبل ألف كيلو في أي ماركة أو موديل يقولولنا بالتفصيل فين و صفحة كام للإفادة لإنه موضوع في إختلاف بين الأعضاء.
أنا عن نفسي معداش الكلام ده على في أي عربية شفتها.
ياعمى لو العربيه مستوردة يابانيه او كورى او اروبيه اقصد منشآ محترم لاتحتاج للكلام دة . لان العربيات اصلآ بتكون جاهزة للتشغيل انا معاك انها زيرو كعداد لكنها جاهزة للتشغيل . الكلام دة لو عربيه مصريه تقفيل هنا
يا جماعه انا اتصلت بنفسي بشحمي و لحمي بتوكيل كيا eim نفسه بشحمه و لحمه
قال استنا بعد الالف شغل المكيف ده احسن لمتور العربيه
مين اللي قال يا اولاد توكيل كيا EIM بتقولوا مين يا اولاد توكيل كيا بتقول مين توكيل كيا
محدش يقولي : مين بقى توكيل كيا ده
وقالو لي ان الكوبيه رخصت 1000 وبقت 136 الف بدل 137 الف موديل 2010
انا معاك فى كل كلمة قولتها طبعا
انا اول ما رحت استملت العربية كان فى شهر 7 والمعرض كان فى م نصر وانا فى 6 اكتوبر واستلمتها الساعة 3 العصر فى عز النار اول حاجة عملتها قومت مشغلالتكيف طبعا بلا الف ولا الفين هو انا لسه هستنى لحد ما اتشوى وبعد موضوع التليين ده كان زمان مش دلوقتى لان معظم العربيات اللى بتيجى بيكون موتورها متليين
انا استلمت عربيتي في الشتا اللي فات
وشغلت التكييف وانا خارج من المعرض للتجربه
وبعد كده كنت بشغله على فترات لما يكون في اشارة او فيه ميكروباص بيبخ هباب اسود
انا مش شايف مشكلة في الحكاية دي
الشركات المحترمه يابانيه او كوريه او اروبيه ( كلامك ممكن صحيح فى عربيات تقفيل مصرى ) لو كان كلامك صحيح انك لاتشغل المكيف الا بعد 1000 كيلو كان زمانهم كتبوا عند الزرار تحذير وتعليمات وارشادات .. ما يتركوا شيىء للنباهه والاستنتاج دة شركات تطبق انظمه السلامه والايزو العالميه
هو الموضوع مش فنى بحت بضر الموتور من عدمه
أنا ببقى عايز من المتور فى أول ألف أنه يتعود يمشى زى البيبى الصغير كدا
ومش عايز أحمله بأى أوفر لود لغايه بس ميعدى أول ألف يمشى بس ويطبع
وفى الاخير الى عايز يشغله قبل الالف عادى بردو مفهاش ضرر
شكرا يا رجاله انا قررت اشغله :)
اتا حبيت اوفي بكلامي وده صورة صفحة التليين
http://img696.imageshack.us/img696/9...3099676823.jpg
باشا... شغل التكييف من اول يوم و مفيش اى ضرر على العربية, انا زميلى شغالين فى الخليج و كل العربيات هناك من اول يوم للشراء بيشغلوا التكييف صبح ليل لان جو الخليج صعب جدا.
شغاااااااااااااااااااال تكيف
على البركه ........................ م كل حاجه عندنا ماشيه على البركه سبها على الله يا ريس
شغل ولا يهمك
انا شارى خليجى وشغلت التكيف من الزيرو وعادى وبصراحة المانيوال مش مكتوب فية غير اول 1000 كم عدد لفات الموتور ال ار بى ام ماتزيدش عم 4 بس