الموضوع: توشيبا العربى (السيط ولا الغنى)

بص يا باشا انا توشيبا يوزر يعني 80% من الاجهزة اللي بمتلكها توشيبا وال 20% الباقيين كنت اتمنى انهم يكونو توشيبا ولكن اشتريتهم ماركات تانية لعدم وجود طلبي في توشيبا
توشيبا فعلا من الشركات المحترمة جدا جدا جدا في مصر واللي بتديني امل ان مصر لسة فيها امل
واللي حصل مع حضرتك ده سوء تصرف اشخاص ودول ناس من الشعب المصري اللي بقى كله كدة بيحب الفهلوة والفتي
انما لو على نظام الشركة. الشركة ديه بجد نظامها ممتاز بالذات في خدمة العملاء وخدمة ما بعد البيع
انا بقول لحضرتك الكلام ده بناءا على تجارب وليس افتاء
انا التلاجة اللي عندي بدأت الارفف بتاعتها تتشرخ وتتكسر بعد حوالي 5 سنين من الاستخدام بسبب ان نوعيتهم رديئة شوية ومش محملة
لما كلمتهم قالولي تقدر تروح المصنع اللي جنب شارع احمد سعيد وتغير كل ارفف وادراج التلاجة لأنهم عملو ارفف من خامات اقوي ومحملة وبالفعل رحت وغيرتهم كلهم بما فيهم السليم وشغالين زي الفل
تاني موقف انا كنت شاري ديب فريزر توشيبا 5 درج وكان فيه درج فيه شطرة يعني بيقع من على المجرى بتاعته ومش بيدخل ويخرج كويس
اتصلت بالشركة وجه الفني بتاعهم. دا كان واحد من اللي حضرتك اتصدمت بيهم وقعد يفتي وحط مية سخنة على الدرج علشان يعدله ويعمل محاولات غريبة ومش مقنعة وفي الاخر قال شوفوه كدة وهو كدة كويس
طبعا انا لاقيت الدرج مش كويس والراجل بيفتي سيبته يمشي واتصلت بالشركة قولتلهم على اسمه وقولتلهم ان الراجل ده بيفتي وحكيتلهم كل اللي عمله
تاني يوم بعتولي اتنين بيفهمو صح شافو الديب فريزر وقررو انه لازم يتغير
بعدها بكام يوم لاقيت العربية بتاعة توشيبا جاية لغاية البيت وجايبالي واحد جديد واخدو القديم ومشيو
الخلاصة يا باش مهندس واللي انا عاوز اقوله ان في اعظم شركات العالم هتلاقي ناس وحشين وبيشوهوا صورة الشركة. المهم حضرتك هتتصرف معاهم ازاي هو ده اللي بيفرق
يعني لو حضرتك اتصلت بيهم وقولتلهم على اللي حصل وانك مش مبسوط من الطريقة هتلاقي رد فعل تاني تماماً
انما حضرتك استسلمت للحلول الغريبة بتاعة المفتيين

ربنا يستر دنا لسه شارى واحدة

يا باشا هات وايت وييل
أفضل و أحسن أجهزة منزلية بناء على تعاهل معاها 10 سنوات