محتاج رايكم قبل العيد ياريت

بسم الله الرحمن الرحيم
السلام عيكم ورحمة الله
اولا كل سنة وانتم طيبين بمناسبة رمضان وقرب العيد ان شاء الله اعادة الله علينا وعليكم بالخير واليمن والبركات
دلوقتى الكاسيت بتاعى الحمد لله اتحرق وقطع الصوت هو كان كاسيت صينى متسوبيشى المهم كنت مشغل علية موديليتور بس كان بيزن والحمد لله كنت متعايش معاه ودلوقتى قدامى 4حلول
بس مبدئيا الكاشات صعبة دلوقتى لان لسة طالع من كام مشكلة الحمد لله وانا عايز صوت حلو مش الهبل بتاع اطقم الصوت اللى بنشوفها اللى بتعمل 10000 وأكثر
1- شراء كاسيت بايونير 2250up ودة عامل حوالى 650 ج ودة صعب جدا دلوقتى
2- شراء كاسيت تيوتا استيراد شرايط والنهاردة سالت لقيت فى كاسيت متسوبيشى يابانى عامل 280 ج
3- شراء كاسيت سيتى ساوند سيدسهات وام بى ثرى وفلاشة وحاجات كثير عامل 350 ج جديد
4- شراء كاسيت صينى فلاشة وكارت ب150 تمشية حال مع جى أم سيمفونى
ياريت رايكم
بجد علشان انا بثق فى رايكم جدا جاد بس ياريت بسرعة على فكرة العربية شاهين 2002 والسماعات بتاعة العربية وصوتها حلو
معلش طولت عليكم
اخوكم محمد حامد

خدها نصيحة مني اوعى تسترخص في الكاسيت . الكاسيت لو نضيف حيديك صوت احسن من اصقم الصوت اللي ب 10000جنيه .
انا مركب في عربيتي كاسيت بيونير على سماعتين سوني 400 وات وبس كدة مش عاوز اقولك ان اصحابي بيسيبوا عربياتهم ويجيوا يركبوا معايا عشان الكاسيت مع العلم ان واحد منهم عنده سماعتين وجي ام وبازوكا في الشنطة و التاني عنده عدة صوت مكونة من 6 سماعات بيونير و جي ام وانا عندي الصوت احسن من الاتنين .
طبعا حتقولي ما كل الناس مركبة كاسيتات سوني وبيونير ارجع اقولك ان في كاسيت سوني او بيونير ب 300 جنيه وفي زيه ب 3000 جنيه والامكانيات تقريبا دلوقتي بقت واحدة كله في فلاشة ويو اس بي والكلام ده لكن الفرق في الصوت اللي طالع من الكاسيت .
ف لو انت مش معاك فلوس تكمل تمن كاسيت نضيف حاليا استنى شوية لغاية لما تكمل تمن حاجة كويسة عشان بجد حتفرق كتير .

والله كلام الأخ ramyworm صحيح ولكن لو انت مصمم على السماعات اللى فى العربيه فأنا مع الخيار الاخير ولكن بدون الكاسيت الصينى لو حضرتك جبت الامبليفير سيمفونى مش هيخسر معاك ابدا وهيديلك صوت كويس لكن الكسيت استرخص فيه وهاته ردىء لأنك لن تحتاج اليه الا فى تشغيل الفلاشه يعنى من الآخر هتجيبه كحاجه مؤقته لحد ماربنا يسهلها وتعمل عده محترمه وهيبقى عندك الجى ام

بصراحه و احسنلك و انضفلك
هات كاسيت نضيف الاول
بايونيير طبعا احسن حاجه و انضف
و فى موديلات كتير
و بعدين عايز تغير سماعات بقى تزود جى ام
يبقى انت عندك الخرج بتاع الكاسيت نضيف
غير كده يبقى اى كلام
و بترمى فلوسك فى الارض

هات البايونير لانك يف يوم من الايام لازم هتغير السماعات الاصليه لانه تعبانه جدا و ليه يوم و تبوظ فا لما تيجي تغير متلاقيش الكاسيت تعبان

واحد صاحبي معاه سيتي سوند ف الشاهين علي سماعات العربية
و حلو
انا عندي ف الشاهين pioneer aux , سماعتين بيونير 350 واط و بوردة خشب

الاختيار الاول

يا جماعة والله الواحد مش عارف يقولكم اية انا بجد حاسس انى فى وسط أخواتى بجد بس المشكلة انى دلوقتى مفيش حاجة بتعمل صوت فى الربية وفلوس البايونير مش متوفرة كلها انا قصدى لو اى حاجة تظبط صوت لغاية لما الواحد يقبض الارباح يبقى خير وبركة
وبعدين ليا سؤال فروع بى تك بتقسط الكاسيتات ولا لا لو كدة فى فرع فى المنصورة ممكن اجيب منة الكاسيت بالقسط بايونير ولا اية رايكم

ماتجيبش كاسيت لا صيني و لا مستعمل

اشتري ماركه نضيفة و تجيبة جديد

بايونير او كينوود بس بلاش لا التويوتا المستعمل و للا السيتي ساوند و لا الصيني

فية كينوود من اول 300 و شوية و كويس جدا و محترررم

مرسى جدا يا أدهم بس ممكن امكانيات الكينود اللى ب300 جديد دا لو كدة اجيبه على طول النهاردة

الحاجات دي الاسترخاص فيها مش من مصلحتك عشان بعد شوية بتريح وهتخليك بيطل تسمعها

هات كاسيت نضيف ايكش توصله على جوز تويترات لحد ما تشتري جي ام وسماعات كبيرة

ولما تنوي تجيب امبليفير ما تفكرش اساسا في السيمفوني لو عايز صوت نضيف

اقلهم الكينوود و انت طالع بيونير و كلاريون و الباين و جي بي ال و روكفورد

اقتباس:

---

المشاركة الأصلية كتبت بواسطة bazed2006

يا جماعة والله الواحد مش عارف يقولكم اية انا بجد حاسس انى فى وسط أخواتى بجد بس المشكلة انى دلوقتى مفيش حاجة بتعمل صوت فى الربية وفلوس البايونير مش متوفرة كلها انا قصدى لو اى حاجة تظبط صوت لغاية لما الواحد يقبض الارباح يبقى خير وبركة
وبعدين ليا سؤال فروع بى تك بتقسط الكاسيتات ولا لا لو كدة فى فرع فى المنصورة ممكن اجيب منة الكاسيت بالقسط بايونير ولا اية رايكم

---

ايوة طبعا بتقسط انا جايب الكاسيت بتاعى من هناك بس كاش لكن عندهم تقسيط فى كاسيت العربية وكل الاجهزة ونظامهم كويس جدا

اقتباس:

---

المشاركة الأصلية كتبت بواسطة Adham

ولما تنوي تجيب امبليفير ما تفكرش اساسا في السيمفوني لو عايز صوت نضيف

اقلهم الكينوود و انت طالع بيونير و كلاريون و الباين و جي بي ال و روكفورد

---

يا أدهم باشا أنا مش عارف معاليك واخد موقف ليه من السيمففونى داه لولاه ما ما كانش الغلابه أمثالى :fdsa: عرفوا يعنى ايه الجى ام والبييز الصح من غير ما يدفعوا كتير :colsmil: وكان زمانا بنحقد:whtauwant: على أمثالكم من مقتنىى ال JBL و ALPIN و الكينوود

أنا شايف ان حاجه بالشعبيه دى يجب احترامها

آه صحيح آسف لصاحب الموضوع
بالنسبه فكرة التقسيط فهى عمليه نظرا لظروفك بس اتنضف يعنى بيونيير سونى اكبلود كينوود ولو عرفت تقسطلك طقم سونى اكسبلود (سماعات ) هاتعمل معاك شغل جامد بس أهم من ده كله التركيب يكون واحد فاهم

وربنا يوفقك

السماعات السوني اكسبلود صوتها وحش و بعد فترة بيضعف

زية زي السيمفوني

يعني اللي يحط دول مايستناش صوت نضيف

بتمنهم هات كينوود ارخص الحلوين او احسن الوحشين