مشكلة خطيرة فى العربية قلولى ايه الحل بسرعة

**eng_audi2002** · 07-09-2010 04:25 AM

السلام عليكم
كل سنة وانتم طيبين
ندخل فى الموضوع
وانا بسوق ولما اجى ادوس فرامل الاقى فى صوت تكه قدام فى الشمال قلت العفشة عاوزة تتربط
رحت لبتاع العفشة ركب معايا وجربت قدامه ورجعنا ... نزل يشوف فى ايه ... لقى المسمار اللى بيربط المقص اليمين بالشاسية مفكوك .... خلعة وبص عليه لقى الصاموله اللى ربطاه فى الشاسية مفوته يعنى الالوظة باظت
قال يوديها المخرطة ويقلوظها ... جه المعلم الكبير صاحب الورشة قاله لا مش هتنفع لازم باللحام
رحنا لبتاع اللحام ومعايا بتاع العفشة ... بتاع اللحام قالى اروحله بالنهار وقبلها اروح لسروجى يشيل الموكيت اللى عند كرسى السواق .. وقالى هلحمهالك لحام نضيف ومش هيبان .... وبتاع العفشة وكمان بتاع اللحام قالوا ملهاش حل تانى علشان لو عملوا اى حاجة تانية هتبقى حاجة مؤقته وهيتفك تانى
ايه رايكم فى الحكاية دى هل الكلام ده صح ولا غلط
بس ياريت تردوا بسرعة لانى كده ماشى بالمقص مفكوك

وبالمرة بتاع العفشة قالى ان قاعده الماتور بايظة بس هو قالى انه جمد عليها وقالى هتحتاج قاعده علشان يبقى كل حاجة تمام
حد يعرف قعده الماتور دى بكام ... انا عربيتى لانسر بومة 2007 اوتوماتيك 1300 سى سى

**h_zahra** · 07-09-2010 10:53 AM

اسال عفشجى تانى للتاكيد
ودور على طرق اخري غير اللحام .. المسامير دي مش معمولة علشان تتلحم
وربنا يعينك

**HotRide** · 11-09-2010 02:28 AM

بوص هو انت فعلا معندكش خيار تاني غير لحام

اللحام انه هيلحم مسمار في مكان ده و يربط بصموله و عادي مش مشكله و هتحل المشكله نهائيا ان شاء الله

و القاعده معنديش فكره بس ان شاء الله مش غاليه و كمان كل قاعده و ليها تمن هي انهي وحده ؟؟

بقولك ايه عايز تسأل عفشجي و تقوله مينفعش يتمشط لاوسع درجه و يشتغل علي مسمار اكبر ؟؟
يعني لو اللاووظ باظ هو كان مثلا 13 يمشط الاوظ جديد بس طبعا علي مقاس اوسع 14 هينفع ؟؟

بس عامه اي حل من الاتنين كويسن ماتألأش :) !

**yasser_ds** · 11-09-2010 03:36 AM

لازم تسأل عفشجى تانى و تراجع نفسك فى موضوع اللحام ده ح يبان ح يبان فى مركز عفشه مشهور اوى فى المنيل قبل كبرى عباس يمين ناس محترمه جدا و بتخاف ربنا لو الجماعه دول اقالوا ان مفيش حل تانى يبقى هو ده الكلام