طب ذوقك مقرف يبقي علي نفسك

انا لسه راجع دلوقتي الساعه 3 الفجر ....
بعد يوم طوييييييل من الصبح و مشاوير و حر و تعب و صيام ....
و حصلي موقف مستفز ....
واقف علي كوبري مايو و الدنيا و اقفه ....و قاعد في العربيه مش طايق نفسي اصلا من التعب و الصداع
و الطريق واقف بسبب حادثه و حاجه اخر تعب :120146b
و الاقيلك و احد واقف جنبي باوبترا سوده و مشغل مواويل شعبي و معليها برخامه كده تسمع المهندسين كلها
وانا اصلا طافي الكاسيت لاني مش طايق اسمع صوت حد جنبي .....اقفل الازاز برده سامع
انقل من الحاره ...برده سامع القرف ......:whtauwant:
اخر ما زهقت و قفت جنبه بقوله لو سمحت وطي الكاسيت شويه .....نفضلي
عليت صوتي يمكن مش سامع يا استااذ وطي الكاسيت شويه .....بصلي بكل تناحه بيقلي
وانت مالك اوطي اعلي انا حر في عربيتي ((و بني ادم بشنب و بياكل لبانه كده بمياعه ))
قلتله انا مالي ازاي انا دماغي ضربت من الازعاج ده ..راح مشوح و معليه اكتر .....:36_6_3[1]:
بصراحه مبقتش عارف اعمل ايه :rfds:
بس الحمد لله الطريق فتح بعديها و قرصت قدامه و مشيت ......
يعني و احد مش متربي و اكبر مني ببتاع 20 سنه انزل اربيه و لا اعمله ايه؟؟؟؟؟
انا لو في ظروف عاديه و بالي رايق كنت تنحت معاه بالذوق لحد ما يبيع عربيته
مادا تفعل لو كنت مكاني؟؟؟؟؟؟

بتحصلي كتييييييييييير وانا في الاشارات وبرفع الازاز بس بيحس علي دمه وبيوطي الصوت

لو مكانك .... هقول ربنا يهديه والحمد لله على نعمة العقل اللى ربنا هدانا بيها .....


واحد زى ده تجيب له ظابط المرور ويعمل له محضر ضوضاء:toot: ( اذا لم يكن:policeman: ) .... هههههههه وطبعا انت اللى :khd:


ولو الموضوع ده مكملش .... طبعا لاسباب كلكوا عارفينها .... يبقى هستناه على طريق مفتوح واخبطه خبطة خفيفة واعمل كأن ولا اى حاجة حصلت ....

مش لدرجه أنك تخبط العربيه يا كيشو

امشي قداموا ومش هخليه يعدي يمين اروح يمين ، شمال اروح شمال لغاية ما يعرف ان الله حق

للآسف محدثين النعمة كتروا في البلد دي .
و للآسف الحل الوحيد و صحيح ( في مصر )
أنك تتجاهله و تبعد عنه ...
لأن الشرطة ما شاء الله مش فاضية للناس دي و مش فاضية تربي الشعب من أول و جديد .
بعد ما شاب !!!!!!!!!!!

فعلشان كدا الحل الأسلم أنك تتجنب الأشكال دي و تتحمل الحياة في مصر على كدا علشان متفرقعش زيي

فعلا رخاااااااامة

يا عم سيبه ده واحد بيسمع شعبى يعنى لا يومجد عنده اختراع العقل ولا المخ اصلا ربنا يهديهم انا ممكن افجر اى حد بيشغل سلات الزبالة دى وانت كنت قلتله وطى لو موطاش بصله وقوله اه صحيح مانت بتسمع شعبى هاتفهمنى ازاى واقفل الازاز وهو اكيد بعد الكمتين دول هيولع فى نفسه وربنا يسترها معانا

ربنا يرحمنا من البلد دى والغباؤ اللى فيها
والله انا خلاص عايز اسيبها وامشى بس مستنى فرصه مناسبه واتمنى الحال ينعدل والشعب ينصلح حاله

اقتباس:

---

المشاركة الأصلية كتبت بواسطة tutankhamoun

للآسف محدثين النعمة كتروا في البلد دي .
و للآسف الحل الوحيد و صحيح ( في مصر )
أنك تتجاهله و تبعد عنه ...
لأن الشرطة ما شاء الله مش فاضية للناس دي و مش فاضية تربي الشعب من أول و جديد .
بعد ما شاب !!!!!!!!!!!

فعلشان كدا الحل الأسلم أنك تتجنب الأشكال دي و تتحمل الحياة في مصر على كدا علشان متفرقعش زيي

---

+11111111

اقتباس:

---

المشاركة الأصلية كتبت بواسطة kisho55555

هستناه على طريق مفتوح واخبطه خبطة خفيفة واعمل كأن ولا اى حاجة حصلت ....

---

أنا عملت كده بس مع واحد راكب بي ام كوبيه و معاه مزة في الاوتوستراد و كانوا في وضع مخل .... رحت خابطه من الجنب و رحت مزنق عليه و كنت عايز انزل اتخانق معاه بس هوه قطع الخلف و فك مني و طار بس أكيد مقدرش يعمل حاجة مع المزة في الليلة اللي كانت سودة على دماغه و ووقع في ارابيز واحد صعيدي

نفسي ربنا يرزقني عربية دودج رام و لا جي ام سي سييرا و توكزن فيها ديفيندر صلب ببوز مسنون عشان التاكسات و الاوتوبيسات و العيال السيس و التكتك و العربجية بتوع الكارو ... بس دول اللي عايز أدوسهم بالعربية و اعمل مش واخد بالي

هوه انا عندي مشكلة نفسية و لا حاجة ؟؟ أصل كده هخبط بتاع 80 و لا 90 في المية من العربيات اللي في الشارع

اقتباس:

---

المشاركة الأصلية كتبت بواسطة theblacksword

يا عم سيبه ده واحد بيسمع شعبى يعنى لا يومجد عنده اختراع العقل ولا المخ اصلا ربنا يهديهم انا ممكن افجر اى حد بيشغل سلات الزبالة دى وانت كنت قلتله وطى لو موطاش بصله وقوله اه صحيح مانت بتسمع شعبى هاتفهمنى ازاى واقفل الازاز وهو اكيد بعد الكمتين دول هيولع فى نفسه وربنا يسترها معانا

---

صحيح الكلام ده
لا وايه تلاقي المطرب شكله مستفز والكلمات تلاقيها ساذجه ومبنيه على جهل بكل قواعد اللغه او المنطق وولوله وحزن واي اسفاف ويقولك شعبي .....حاجه اخر قرف بجد

اقتباس:

---

مش لدرجه أنك تخبط العربيه يا كيشو

---

مش قصدى خبطة انى اقلب له العرببية ..... بس خربوشة صغيرة .... هتخليه يتجنن زى ماصدع دماغى ....

انا مش مفترى ولكن هو بردوا مش محترم ... وشوف تعامله مع صاحب الموضوع كان ازاى .. يشوح له بايده .. وكمان يعلى الكاسيت اكتر ... لو ده محترم شوية على الاقل هيسمع كلام صاحب الموضوع ....

لكن احنا فى بلد العجاييب ....

اقتباس:

---

هوه انا عندي مشكلة نفسية و لا حاجة ؟؟ أصل كده هخبط بتاع 80 و لا 90 في المية من العربيات اللي في الشارع

---

مش لدرجة 90% من العربيات ... ده انت كداهتخلى الصنتايعية يشتغلوا ويدعوا لك .... بس انت شكل دمك حامى وبتنرفو بسرعة ... عشان كدا عايز تكسر كل العربيات ...

انا عندى ليك عربية واحدة بس هى اللى تنفع ...Hummer H1 .... هنروح نسرقها من العراق الجمعه الجاية .... تيجى معانا ...

اقتباس:

---

لا وايه تلاقي المطرب شكله مستفز والكلمات تلاقيها ساذجه ومبنيه على جهل بكل قواعد اللغه او المنطق وولوله وحزن واي اسفاف ويقولك شعبي .....حاجه اخر قرف بجد

---

ده انت هتلاقيه منسجم اخر مزاج ... وبيستمتع كأن Celion Dion هى اللى بتغنى .. وعايز فى دور التنتانيك ,,,

مختلف معكم جميعا
اولا يسمع الى هو عايزه
مش معنى انه بيسمع شعبى انه ابن كلب غبى ما بيفهمش
تقبلوا الاختلاف حتى لو مش عاجبكم
ثانيا اكيد هو غلطان فى تعليه الصوت بس مش انتوا الى هاتحسبوه
فى قا نون
ماحدش يدى لنفسه سلطه مش من حقة

ديه ناس محدثة ومعندهاش عقل ولا مخ

يا خبر ابيض بتخبطوا عربيات الناس بقصد

مش عارف ليه الناس بقيت تستسهل الغلط

احلى حاجة ان معظم الناس ضميرها مش بيتعبها

دا انا ساعات من موقف ميستهلش ممكن معرفش انام بالليل

ياريت تكونوا بتهظروا والكلام مش جد

والمفروض الواحد يخليه في حاله مش واحد معاه واحدة في العربية يروح يخبطهم حتى لو بيعملوا ايه انت مالك بالذمة

فيه شرطة فيه ناس مسئولة لكن انت ليه تتبرع وتخبط عربيته يعني ؟ وهل بكده عدلت حاله ولا غيرت حاجة ؟!

وبعد كده ربنا لو عاوز يحرقه في لحظتها هيحرقه ..... انت عملت فيها مصلح الكون بصفة ايه ؟؟

اقتباس:

---

المشاركة الأصلية كتبت بواسطة zanativich

مختلف معكم جميعا
اولا يسمع الى هو عايزه
مش معنى انه بيسمع شعبى انه ابن كلب غبى ما بيفهمش
تقبلوا الاختلاف حتى لو مش عاجبكم
ثانيا اكيد هو غلطان فى تعليه الصوت بس مش انتوا الى هاتحسبوه
فى قا نون
ماحدش يدى لنفسه سلطه مش من حقة

---

اقتباس:

---

المشاركة الأصلية كتبت بواسطة MRBEBO

يا خبر ابيض بتخبطوا عربيات الناس بقصد

مش عارف ليه الناس بقيت تستسهل الغلط

احلى حاجة ان معظم الناس ضميرها مش بيتعبها

دا انا ساعات من موقف ميستهلش ممكن معرفش انام بالليل

ياريت تكونوا بتهظروا والكلام مش جد

والمفروض الواحد يخليه في حاله مش واحد معاه واحدة في العربية يروح يخبطهم حتى لو بيعملوا ايه انت مالك بالذمة

فيه شرطة فيه ناس مسئولة لكن انت ليه تتبرع وتخبط عربيته يعني ؟ وهل بكده عدلت حاله ولا غيرت حاجة ؟!

وبعد كده ربنا لو عاوز يحرقه في لحظتها هيحرقه ..... انت عملت فيها مصلح الكون بصفة ايه ؟؟

---

حضراتكوا مفهمتونيش
يسمع شعبي يسمع اناشيد وطنيه هو حر طبعا ......
بس علي قده مش لازم يسمعني و يصدعني ...
عنده بيته يعلي فيه طول الليل و النهار ...
كمان فكرك عالكوبري هجيب ظابط منين و لو جيبت ..
تخيلوا قيبقي ردو ايه عليا :dzey:

!!!!!!!!!! مش عارف ارد اقول ايه انا مذهول!

اقتباس:

---

المشاركة الأصلية كتبت بواسطة kisho55555

ده انت هتلاقيه منسجم اخر مزاج ... وبيستمتع كأن celion dion هى اللى بتغنى .. وعايز فى دور التنتانيك ,,,

---

سواق تكتك و ربنا فتح عليه .................


بس فعلا مش كل الشعبي واطي و وحش لأ

طيب ما تسمع السيرة الهلالية و انت تعرف الشعبي قد ايه جميل ومعانيه حلوة
اسمع المواويل القديمة
و التواشيح

مش كل الشعبي مقرف لكن اللي ظاهر و بتاع المواقف هوه اللي زبالة

اقتباس:

---

المشاركة الأصلية كتبت بواسطة kisho55555

مش لدرجة 90% من العربيات ... ده انت كداهتخلى الصنتايعية يشتغلوا ويدعوا لك .... بس انت شكل دمك حامى وبتنرفو بسرعة ... عشان كدا عايز تكسر كل العربيات ...

انا عندى ليك عربية واحدة بس هى اللى تنفع ...hummer h1 .... هنروح نسرقها من العراق الجمعه الجاية .... تيجى معانا ...

---

معاك يا باشا مع اني مش بحب العربية دي و شايفها كده مكعبرة و مالهاش معنى و لا هيه نقل و لا جيب
بس تقول ايه على الزوق الأمريكي اللي ملا الدنيا بحاجات لا طعم و لا لون و لا ريحة

بس لو هنسرق سييرا او رام أو اف 150


أخبار التكييف بتاع الأسد ايه ؟

اقتباس:

---

مختلف معكم جميعا
اولا يسمع الى هو عايزه
مش معنى انه بيسمع شعبى انه ابن كلب غبى ما بيفهمش
تقبلوا الاختلاف حتى لو مش عاجبكم
ثانيا اكيد هو غلطان فى تعليه الصوت بس مش انتوا الى هاتحسبوه
فى قا نون
ماحدش يدى لنفسه سلطه مش من حقة

---

ياريت حضرتك توضح حضرتك مختلف مع مين ... ومتفق مع مين ....

عندك حق يسمع اللى هو عايزه ..ز بس ياريت يوطى الصوت ...

الشغبى جميل ...و انا بردوا بسمع شعبى ولكن بوطيه عشان عارف ان فى ناس مش بتحبها .. وهكذا ..

بالنسبة للنقطة التانية اللى حضرتك بتقول عليها .... انا وضحت النقطة دى فى المشاركة الاولى بتاعتى ... ياريت تقراها تانى ,,,

انا مش بدى لنفسى سلطة نهائية ... ولو حضرتك شفتنى هتلاقينى اكتر واحد نحترم فى الطريق وبحافظ على اللى ماشى عى رجليه قبل اللى راكب عربية ....

الحرية مكفولة للجميع ما دامت لا تتعدى على حرية غيرك .

يعني الواحد و هو قاعد في البيت ..... أو السيارة .... أو أي مكان و عايز يسمع موسيقى أياً يكن نوعها ..... هو حُر بس الحرية بتقف عند الضوء الأحمر ......... لو حريتك تعدت على حرية الآخرين .
يعني مش من حق أحد أنه يعلي الكاسيت في البيت لو صوت الكاسيت واصل لجيرانه و جيرانه مش عاجبهم أو مش مرتاحين لأي سبب من الأسباب ..... نفس القصة في السيارة ....

اللي يعمل حاجة لا يتعدى بها على حرية الآخرين .
زي ما هو حر يسمع .......... أنا حر ما أسمعش ......
يبقى هو حر يسمع على أده ............. و أنا أستمتع بحريتي أني مش بأسمع حاجة ...

هي دي الحرية .........

اقتباس:

---

يا خبر ابيض بتخبطوا عربيات الناس بقصد

مش عارف ليه الناس بقيت تستسهل الغلط

---

ياريت حضرتك تفهم معنى الخبطة ....

محدش بيستسهل الغلط طالما غلطان ...

اقتباس:

---

احلى حاجة ان معظم الناس ضميرها مش بيتعبها

---

والله ده اكتر حاجة بتوجعنى ...

اقتباس:

---

دا انا ساعات من موقف ميستهلش ممكن معرفش انام بالليل

ياريت تكونوا بتهظروا والكلام مش جد

---

وانا كمان ساعات مش بنام بليل لو عملت حاجة غلط فى السولقة واقعد افكر فى الموضوع ..ز وساعات بزعل من نفسى لو زعقت لواحد كبير فى السن وحتى لو كان هو اللى غلطان ...

اقتباس:

---

والمفروض الواحد يخليه في حاله مش واحد معاه واحدة في العربية يروح يخبطهم حتى لو بيعملوا ايه انت مالك بالذمة

---

اعتقد ان كلامك فيه نوع من السلبية .... لو كل واحد عمل كدا يبقى فين الضمير اللى انت بتتكلم عليه ...

تخيل لو معاك زوجتك وابنك وواقفين .. وزوجتك شافت الموقف ده .... ولقيتها خجلت من اللى شافته ... وكمان ابنك هيكون تاثيره ايه بعد كدا فى حياته ....

اقتباس:

---

فيه شرطة فيه ناس مسئولة لكن انت ليه تتبرع وتخبط عربيته يعني ؟ وهل بكده عدلت حاله ولا غيرت حاجة ؟!

---

ياريت تقرى المشاركة الاولى بتاعتى تانى .... وهتلاقينى مشيت بالاصول والادب ومنتهى الاحترام اللى فى الدنيا ....

وطبعا احتمال كبير اعدل حاله او اغيره حاله ... مين يعرف ... الله اعلم ...

اقتباس:

---

وبعد كده ربنا لو عاوز يحرقه في لحظتها هيحرقه ..... انت عملت فيها مصلح الكون بصفة ايه ؟؟

---

طبعا ربنا قادر يعمل كل حاجة وفى اى وقت ..... وعلى فكرة انا مش مصلح الكون ... انا و
MaZaGAngeُُ سوبر مان ... عشان ضميرنا بيقول لنا كدا ...

الله ينور عليك يا توت عنخ امون .... انا قعدت كتر لغاية لما فهمت الاسم .. وعرفتها لما بصيت على الصورة ...

اقتباس:

---

سواق تكتك و ربنا فتح عليه .................


بس فعلا مش كل الشعبي واطي و وحش لأ

طيب ما تسمع السيرة الهلالية و انت تعرف الشعبي قد ايه جميل ومعانيه حلوة
اسمع المواويل القديمة
و التواشيح

مش كل الشعبي مقرف لكن اللي ظاهر و بتاع المواقف هوه اللي زبالة

---

الله ينور عليك ...

اقتباس:

---

معاك يا باشا مع اني مش بحب العربية دي و شايفها كده مكعبرة و مالهاش معنى و لا هيه نقل و لا جيب
بس تقول ايه على الزوق الأمريكي اللي ملا الدنيا بحاجات لا طعم و لا لون و لا ريحة

بس لو هنسرق سييرا او رام أو اف 150

---

خلاص انا موافق .... جهز العدة ويلا نطلع قبل يوم الجمعه اللى جايه ...

اقتباس:

---

أخبار التكييف بتاع الأسد ايه ؟

---

هرد عليك فى الخاص عشان الموضوع يكون محدود ...

اللي اسخف من دة بقى و بجد واحد ماشي في طريق الحي العاشر بمازدا 3 لونها غبي زي نحاسي بس فاقع زي البرتقالي

يادوب بعد المغرب بشوية يعني النور لسة يادوب بيضلم ودة ماشي منور نور عالي زينون ازرق ورايا , باقولة اطفي النور :B4_592: يقول بكل برود و تناكة " انا حر نور عربيتي و منورة" طبعاًحدفت علية حدفة كنت حاخلية يطلع فوق الرصيف :dontudear:

اقتباس:

---

المشاركة الأصلية كتبت بواسطة kisho55555

خلاص انا موافق .... جهز العدة ويلا نطلع قبل يوم الجمعه اللى جايه ...
هرد عليك فى الخاص عشان الموضوع يكون محدود ...

---

الجمعة مش هينفع عشان عندي شغل و أجازتي من يوم الأحد
و من التلات هكون في فاقوس عشان هستلم الأسد اللي عذبني طول الفترة اللي فاتت

الرخامه دى بقت ليها استاذه و مدرسة
بس مكانها فين
الله اعلم
ربنا يهدى

كرباج ورا يا سطى
ههههه طبعا هو فاهم الحرية بالمقلوب
زي ما ذوقه في الموسيقى بالمقلوب برضه