ربنا ستر : الكاوتش طار قدام عيني

انهاردة كنت في اكتوبر وانا راجع الساعة تقريبا 2 بليل وماشي على الطريق الزراعي وقدامي عربيتين نقل قفلين الطريق
ف انا بطبيعيتي بلاحظ ال ماشية اسرع وامشي وراها
والناس كلها بتمشي ورا ال مقدمة اكتر وبعدين ترجع ورا ال ماشية اسرع
المهم جه واحد بتاع ميكروباص وعمل الحركة دي ووراه واحد بلانوس
انا كنت ماشي بمزاج ومش مستعجل وبقول يمكن طريقه بعيد وعايز يتسحر ف سبته يعدي قدامي ولاقيت بتاع اللانوس عايز يدخل ف هديت شوية ولسه هيعدي لاقيت عجلت الميكروباص بتطير قدامي وشرار كتييييييييير
ورغم انها كانت شمال الا انها جت ناحية اليمين ولولا اني كنت مهدي عشان بتاع اللانوس كانتت خبطت فيا
انا هديت خلاص وبتاع الميكروباص طلع بيفهم وموقفش وراح الحارة الشمال
بس الموقف مرعب
وكان في واحد بلانسر بيببعدي من اليمين ومش في دماغه والكاوتش كان رايح ناحيته بس ربنا سترها معاه وعدا يدوبك
الحمد لله ربنا ستر
بس يا ترى ايه السبب ال يخلي الكاوتش يطير كدا ؟؟؟؟

مش مربوط كويس او طلع بالطنبورة بتاعته.
مرة واحد صاحبي كان ماشيس جنب تقل كبير وطارت من عجلة فيه مسمار من مسامير العجل ودخلت في الزجاج الجانبي كانها رصاصة من رشاش وخبطت في دماغ صاحبي بس الحمد لله ربنا ستر.

اسف للخطء الكتابي ( الحمد لله ).

خير بنا ستر
انا بشوف عربيات كتييييييير جداا ماشيه والكاوتش بتاعها بيلق او بيرف يعني مش ماسك كويس وعادي جدا الناس ماشيه ولا في الدماغ
وبشوف عربيات ماشيه ب 3 مسامير وعادي جداااا

واحد صحبي كان ماشي وره ميكروباص وكان الميكروباص حاطط طبق دش كبير على السقف وعينك متشوف الا النور طبعا توقعتم اللي حصر
الطبق طارررر في وش صحبي راح حادف يمين على الاخر والعربيه لفت وعموت به وهو راح لابس في السوررر والطبق رشق في عربيه فورد فوكش بهدله وطبعا الميكروباص عادي جدااا
توقع اي حاجه على الطريق الزراعي ده

الموقف ده لسه شايفه اول امبارح على المحور ... نص نقل حمرة ... بس الفردة طلعت بالطنبورة و اخدت الطريق شمال و يمين لحد ما وقفت لوحدها بس ستر ربنا ان الطريق جنب النص نقل دي كان فاضي و كل اللي جايين وراه خففوا السرعة لان الكل شافها و كنا بالنهار.. و الحمد لله ربنا ستر.

الحمد لله ان ربنا سترها معاك...و ادي فايده المشي براااحه...لو كنت بتجري الله اعلم كان ايه اللي حصل!

اقتباس:

---

المشاركة الأصلية كتبت بواسطة mr_vampire

مش مربوط كويس او طلع بالطنبورة بتاعته.
مرة واحد صاحبي كان ماشيس جنب تقل كبير وطارت من عجلة فيه مسمار من مسامير العجل ودخلت في الزجاج الجانبي كانها رصاصة من رشاش وخبطت في دماغ صاحبي بس الحمد لله ربنا ستر.

---

الحمد لله

اقتباس:

---

المشاركة الأصلية كتبت بواسطة bmya

خير بنا ستر
انا بشوف عربيات كتييييييير جداا ماشيه والكاوتش بتاعها بيلق او بيرف يعني مش ماسك كويس وعادي جدا الناس ماشيه ولا في الدماغ
وبشوف عربيات ماشيه ب 3 مسامير وعادي جداااا

واحد صحبي كان ماشي وره ميكروباص وكان الميكروباص حاطط طبق دش كبير على السقف وعينك متشوف الا النور طبعا توقعتم اللي حصر
الطبق طارررر في وش صحبي راح حادف يمين على الاخر والعربيه لفت وعموت به وهو راح لابس في السوررر والطبق رشق في عربيه فورد فوكش بهدله وطبعا الميكروباص عادي جدااا
توقع اي حاجه على الطريق الزراعي ده

---

بتوع الميكروباص السبب في كل المصايب
حتى حوادث التريلات هما السبب فيها

اقتباس:

---

المشاركة الأصلية كتبت بواسطة x512

الحمد لله ان ربنا سترها معاك...و ادي فايده المشي براااحه...لو كنت بتجري الله اعلم كان ايه اللي حصل!

---

انا عمري ما بجري
اول لما جبت العربية ككنت بحب اجري و اجيب سرعات عالية والكلام دا لحد ما حسبتها لاقيتها بتفرق خمس دقايق بس و بتبقى اعصابي مشدودة على الاخر
وعلى فكرة ال حصل انهاردة ستر من ربن لانه اصلا انا كننت ماشي تقريبا على 70 و مفييش طريق لا العربيتن النقل كانو قافلين خالص
وهديت عشان حسيت اللانوسهيتزنق ورا النقل التانية

الحمدلله