مع غلاء المعيشة فمصر
الناس قربت تاكل بعض
عرض للطباعة
مع غلاء المعيشة فمصر
الناس قربت تاكل بعض
لا اله الا الله
انا حصلت معايا مره من ست كبيره بس اتقلبت فى 100 جنيه و لو كان راجل كنت ضربته بالنار
و حلفت بعدها لو لقيت قتيل فى الشارع ما احط حد معايا فى العربية لو الدنيا ولعت
اخره معايا اتصل بالأسعاف و اقفل
حصلت معايا مرة
بس بسيناريو مختلف خااالص
وحسبي الله ونعم الوكيل في إلي كان السبب في الجوع إلي الناس فيه
مصر التى كانت بلد الأمن والأمان
لا حول ولا قوة الا بالله
الفقر والغلاء يوصل بالناس لاكتر من كده
السلام عليكم ياشباب اللى صادفته موقف زى دة يقولى ويحكى يمكن نستفاد نعرف النس اللى زى المجرمين دول اساليبهم وطريقة تفكيرهم ازى
الله يرحمه
و للأسف الحاجات دي بتيجي على راسنا احنا
يعني لو حد فينا تعرض لموقف بالليل و عايز يوقف عربية علشان يصلح حاجة في عربيته و لا حاجة محدش هيقفله
هههههههههههههههههه
كمان من ست يا طناني باشا
وكبيرة في السن
احمد ربنا انها مش هنجرانية كانت قلبت كل حاجة واخرك موس او مطواة متعرفش هتطلع فين وهتروح فين
قول يا فارما قول خللى الناس تتعظ من اللى بيتعمل فيك
انا عن نفسي كنت راجع من بني سويف من شهر وشوية الظهر حوالى الساعة 1 الظهر يعني عز الحر والنار لقيت راجل وست بيشاوروا لاي عربية قبل العياط وقفت وركبتهم ونزلوا بعدها بحوالي 5 كيلو
الراجل قعد حنبي والست ورا ومبقتش شايف الست بتعمل ايه او قاعدة ازاي وعايز اعدل المراية علشان اشوفها ومحرج الراجل يفتكرني عايز اشوفها كست يعني وانا والله عايز اشوفها لان سبحان الله بعد ما ركبوا حسيت بقلق رهيب
بس الحمد لله نزلوا على خير
ومن يومها قلت والله ما واقف لاي مخلوق انا ايه اللى يخليني في قلق ومرة تسلم ومرة متسلمش
اخري اقفل ازاز العربية واشغل التكييف والكاسيت ولا كاننى شايف اي حد في الطريق واللى عايز يشاور يبقي يشاور لميكروباس
المشكله لما الواحد بيلاقي ست كبيره قوي او عسكري الشرطه رامياه في الشاره من غير و لا مليم ..
و يطنشه و يمشي قلبه بيوجعه .....
انا حصلت معايا مرتين و بردو كنت مقلق قوي بس الصراحه مقدرتش ......
في الشيخ زايد في المنطقه بتاعت الفيلل ست عجوزه قوي شكلها كانت بنتضف بيت مثلا هناك او حاجه
و ماشيه اصلا مش قادره ترفع راسها تبص هي شاورت لايه ..منحنيه و باصه في الارض .....
اول شعور كنت بفرمل عشان اخدها و بعد كده شيلت رجلي تاني من الفرامل قلقت .......
وفي اقل من ثانيه تراجعت ووقفت و قلتلها اتفضلي يا حاجه ....ووصلتها فعلا المشوار في طريقي ...
وطول الطريق دعوات دعوات لحد مكنت هعيط والله من ضعفها ....
اللحظه اللي فرملت فيها ديه بالي راح افرض دي امي او حد من قرايبي قسل عليهم الزمن في يوم من الايام ؟؟؟؟
يا ترا هتتردلهم و حد يساعدهم؟؟؟؟؟........ولا هينفضولهم ؟؟؟؟؟؟
المره التانيه و انا راجع المحور ......من ميدان لبنان 2 عساكر شرطه في قمه التعب و الضعف ....
شكلهم مكالش ولا نام من سنتين ....والنبي يا بيه وصلنا الوحده عند طريق مصر اسكندريه .....
دي تحت المحور كده اللي عارفها ......ركبتهم ....تشربوا مياه يا رجاله؟؟؟؟؟؟؟قالوا والله يبقي كتر خيرك
خلصوا ازازه مياه كبيره و لا اللي مرميين في الصحرا من شهر و بيشربوا بسرعه و خضه كده
كان معايا بسكوت باكله ....اتفضلوا .....بردو كالوه زي اللي عمرهم ما كلوا قبل كده ..؟؟؟:U_thin1[1]:
انا قلت هو في ايه؟؟؟؟؟؟؟؟:U_thin1[1]:
بقلهم ايه هي العربيه فاتتكوا ولا ايه؟؟؟؟؟ولا بتروحوا ازاي .....
قالولي كل يوم عالحال ده لا مياه و لا اكل ....ولا حتي نص جنيه نركب مواصلات .......
الظاهر مش عارفين ان المكروباص من هناك 2.25 جنيه النفر كانوا يموتوا فيها .....
وصلتهم و انا بتحسبن علي كل مسؤول في البلد اللي اله تولع علي حكومتها يا رب ...
القصد يا جماعه منعممش الموضوع .....يعني استفتي قلبك كده و كل واحد ونظرته للبني ادم ...
واظن بيبان عليهم مهما عملوا و مهما كانوا محترفين ......
المواقف اللي اتعرضلها و عمري مفكرت اقف ......
واحد شحط قد الحيطه بيقولي وصلني مصر الجديده قلتلو روح اشتغل يا بغل انت .....
واحده و جوزها فلاحين طالعين عالمحور ...ولا الدموع قرصت و فكيت .......
شاب ماسك سجاره بيقولي يا نجم متسجدع كده و توديني امبابه ....مش هقدر اقولكوا شتمته ازاي ...
وحسبي الله و نعم الوكيل.......