والله يا أستاذ betza أنا عندي الجين 2 وعندي باسل 4 سنين
العربية عائلية 100 في ال 100 الفرق مع البيرسونا موضوع السقف والنازلة بتاعته من ورا وده بتحس بيه لو ركب معاك لاعب كرة سلة في الكانبة الورانية
الشنطة أنا شايف بتاعت الجين 2 أكبر و عملية أكتر من البيرسونا قولي إزاي ؟؟
إنت لو شيلت الحته اللي يتغطي الشنطة اللي ورا الكنبة يتعملك مساحة رهيبة وبتقدر تدخل الحجات بكل سهولة عشان المجال أوسع
أنا مرة حطيت سريرين أطفال بكرتونتهم ومرة شنطيتين سفر كبار وحاجات كتير
برضوه ممكن تستخدمها إستخدام آخر أنا كنت مرة مركب معاية 8 أشخاص في العربية أنا وجانبي حمايه وفي الكنبة وراه مراتي وحماتي وأخوها وأختها
وفي الشنطة إبني 4 سنين و أخت مراتي 11 سنة. ينفع تعمل كدة في البيرسونا؟

آخر حاجة أنا شايف إنه الجين 2 شكلها مميز جداً وفي الآخر دي وجهات نظر وانت المهم لما تجيب العربية تكون مقتنع تماماً بيها وربنا يوفقك

تحياتي