ممكن حل لو سمحتم؟؟؟

**hemaatea** · 07-09-2010 08:06 AM

معلش انا عندي مشكله اتناقشت كتير هنا بس بصراحه مبقتش فاهم حاجه من كتر الاراء اللي بتتقال!!!
العربيه درجه حرارتها عاديه جدا و المروحه بتشتغل و تقفل عادي مع الترموستات اللي التوكيل عملها ( العربيه اصلا ترموستاتها 102-96 و بعد التعديل هما اضافوا ترموستات 92-86 و الاتنين شغالين عادي) العربيه كانت زيرو و التكييف ركب في التوكيل يعني انا مستلمها كده.... دلوقتي كل ما اشغل التكييف بتبتدي تسخن ببطء بتوصل ل 100( العربيه اصلا تصميمها توصل ل 102) بس انا بقفل التكييف لما توصل لكده الكلام ده لما بتبقي في زحمه لكن لما امشي عادي بتبقي 90 علي طول ( المروحه بتاعة الرادياتير بتشتغل علي طول مع التكييف و بتفصل لما افصل التكييف)
طيب انا عايز الحراره تفضل طبيعي علي طول
المشكله ان المناقشات هنا جننتني:
مره يقولك شيل ترموستات الكوعه
مره يقولك ركب كتاوت نور عالي علي مروحة التبريد
مره يقولك شوف صباع الحراره
مره كل ده و مفيش نتيجه
لأ و كل اللي فات ده عن تجارب مع الناس اللي حكوا عنها
ممكن حد يدلني علي ايه الصح بالضبط
( الحراره مع التكييف بتزيد ببطء مع الزحمه انا مش عايزها تزيد و تثبت لأن فيه مروحتين شغالين اصلا مروعة الرادياتير و مروحة التكييف)
___________________________________________
معلش حاجه تانيه المروحه بتاعة الرادياتير كانت بتشتغل صح 92-86 دلوقتي بتشتغل عند 95 و تقفل 92 فبتشتغل فتره قصيره جدا حوالي 8 ثواني و بالتالي العربيه بتعلي شويه و تلاقي المروحه اشتغلت فتره طويله تنزل ل 90 تاني ده اسمه ايه تخريف ترموستات و لا ايه؟
و من يومين كنت علي كوبري اكتوبر و الدنيا زحمه جدا و كنت مشغل التكييف لقيت العربيه سخونتها بتعلي و طفيت التكييف بعد ما وصلت الحراره ل 100 او اكتر و فضلت كده رغم ان المروحه شغاله علي طول و منزلتش الحراره الا لما اتحركت بعد الزحمه و رجعت لطبيعتها تاني!!!!
اغير الترموستات و لا ايه؟ و لا اعمل ايه بالضبط؟؟؟؟
العربيه 2115 ( سمارا المعدله) موديل 2007 روسي

**hemaatea** · 08-09-2010 10:12 PM

يا نهار ابيض يومين و لا واحد رد؟؟؟؟؟؟؟؟؟؟؟؟؟؟؟؟؟؟؟؟؟

**nimo.mimo** · 08-09-2010 10:30 PM

لما بتسخن المروحة بتاخد حوالى أقل من دقيقة و تخفض الحرارة و لا بتقعد أكثر
لو بتاخد دقيقة و توطى الحرارة فدوة إجراء عادى

أما بالنسبة لموضوع الزحمة فأنا بفكر أعمل فى عربيتى إن شاء الله مفتاح يشغل المروحة على طول لو واقف فى زحمة الظهر عشان تبقى العربية باردة لغاية لما أطلع السريع بعدسن أفصله و أسيبها على الترموستات الأوتوماتيك.

هذا و الله أعلم.

**geco** · 09-09-2010 03:56 AM

للاسف عندى مشكلها زى اللى عندك تقريبا بس انا عندى الحرارة ثابته على 99 سواء فى تكييف او مطفى وعربيتى 2107 انجكشن سنه 2007 وسمعت اراء كتير وللاسف يومين فى التوكيل وماعرفوش حاجه لدرجه ان كل القطع اللى كنا بنشك انها بايظه كنا بنبدلها بغيرها من مخزن التوكيل للتجربه حتى الكنترول ومحدش عرف يحلها لغايه دلوقتى وانا دايخ بيها
لو انا وصلت لحل هاكتب لك هنا

**ahsara** · 09-09-2010 06:40 PM

شوف الريداتير سليم ولا لأ

**geco** · 10-09-2010 02:12 PM

المشاركة الأصلية كتبت بواسطة ahsara

شوف الريداتير سليم ولا لأ

غيرت اتنين ريداتير وبرضه مفيش حل

**hemaatea** · 13-09-2010 09:16 AM

بصوا بقي انا لقيت لما بشغل التكييف بيفضل يعلي لحد الدرجه 102 و بعدين الحراره تنزل تاني لغاية 96و تعلي لحد 102 و تنزل الظاهر ان العربيه دي بتوصل للدرجه المناسبه ليها و بعدين تقفل الميه السخنه اللي داخله للموتور و بالتالي بيبرد و الله اعلم