السلام عليكم
كنت عايز اروح افريكانوا بارك طريق اسكندريه الصحراوى
فهل حد راحها يقولى على المميزات والعيوب بتعتها؟؟؟؟؟
وشكرااااااااااااااااا
السلام عليكم
كنت عايز اروح افريكانوا بارك طريق اسكندريه الصحراوى
فهل حد راحها يقولى على المميزات والعيوب بتعتها؟؟؟؟؟
وشكرااااااااااااااااا
وانا معاك ياريت لو حد عنده معلومات وافية عنها يفيدنا علشان عايز افسح الاولاد وزهقت من دريم بارك والازهر بارك وغيرها في الانتظار؟؟؟؟؟؟
أنا رحتها الشتاء قبل اللى فات
رسم دخول السيارة 200 جنيه أى كان عدد الأفراد اللى جواها يعنى لو عيله رايحه فى عربيتين ممكن يركنوا واحده بره ويدخلوا كلهم فى واحده
انت بتمشى فى طريق متحددلك وكل شوية بتقف فى منطقة مخصصة لحيوانات معينة بتنزل من عربيتك وتتعامل مع الحيوانات تأكلها وتتصور معاها من غير اى سور بينك وبينها ودى أجمل حاجة فيها وانت مش ملزم بوقت معين تخرج فيه يعنى ممكن تقضى اليوم براحتك بس هى طبعا لازم تتراح بالنهار
فى اخر الرحله فى باركنج بتركن عربيتك وتنزل منطقة مطاعم وكافيهات ومتحف زواحف
فى كمان مع التذكرة بيكون ليك تذكرة رحله بالمركب بتركب مركب وبتمشى بيك فى حاجات زى انهار وبحيرة وبتتفرج على حيوانات كتير
عموما يعنى هى فسحة حلوه جدا ودى شوية صور عشان تعرف اكتر
http://img38.imageshack.us/img38/5060/img0038xk.jpg
http://a.imageshack.us/img834/6816/img0055m.jpg
http://a.imageshack.us/img3/1931/img0073tj.jpg
http://a.imageshack.us/img195/7953/img0078ws.jpg
http://a.imageshack.us/img13/9929/img0045fz.jpg
http://yfrog.com/12img0038xkj
شكرا علي ردك وايه ياعم انت شايل الاسد كده عادي انت من عائلة الحلو
طب هو ممكن اخد معاي الاكل بتاعي ولا لا؟
وهي فين بالظبط علي اتلطريق الصحرواي؟؟
وشكرا
شكرااا يا باشا على الرد والاهتمام بس عندى سؤال كمان
انا سمعت ان فى حاجه جوه بتدخل بالعربيه جوه قفص حديد وانت فى عربيتك بطلع عليك قرود واسود
هل الكلام ده مظبوط ولو صح القرود ده مش بيخربشوا العربيه او يكسرو المريات و كده؟؟؟؟؟
وجاااامده صوره الاسد
ومتشكر جدااااا على الصور
وكل سنه وانت بخير
انا دخلت علي الموقع بتاع القرية علي النت وهو
www.africanopark.com
بس ملقتيش طريقة للاتصال بيهم علشان الحجز والاستعلام وشفت صور القرية جميلة جدا وفيه مدينة ملاهي مائية والعاب للاطفال ياريت حد يقولنا اسعار مدينة الالعاب المائية والعاب الاطفال كام
وكمان دخلت علي المنتديات الكل بيشكر فيها بس بيقولوا الاحسن تاخد اكللك معاك علشان الاسعار جو في المطاعم نار
جميله أوي
الأسد ده أقل حاجة عندى :C_laugh[1]: ده شبل صغنن جميل مبيعملش حاجة انا حتى مراتى شالته
طبعا تاخد اكلك وسندوتشاتك معاك
هى قبل اسكندرية ب 40 كيلو تقريبا هى قبل قرية الأسد بشويه على شمالك وانت رايح اسكندرية طبعا منصحش حد يدخل قرية الأسد لانها بقت وحشه جدا ومتدخلهاش الا لو عايز تشترى فطير مشلتت بلدى وكمان مبقاش حلو زى زمان
فى منطقة بتدخل بالعربية وتقفل الشبابيك وبيطلقوا عليك القرود طبعا هما عسل بس بيبهدلوا العربية ولو سودانايه وقعت تحت مساحه العربيه ممكن قرد يرفعهالك عشان ياخدها وممكن تتطلع فى ايده وطبعا بيلحوسوا زجاج العربيه كله وجسمها كمان بس فى الاخر فى الباركنج فى عيال بيغسلوا العربيات تدى الواد 5 جند يروقهالك
وفى منطقة زيها بيكون فيها أسود وضباع
طبعا طول ما انت جوه ممكن تعيد الجوله كذا مره براحتك
ودى شوية صور للقرود وهما مبهدلين العربية والضبع
والأسود كان فى تلاته نايمين بيقيلوا على يمينى وواحد على شمالى فكنت مش مركز انى أصور كنت خايف يهجموا على العربية :L_bhuhhh[1]:
http://a.imageshack.us/img413/7117/img0064fl.jpg
http://a.imageshack.us/img40/264/img0066oi.jpg
http://a.imageshack.us/img43/7773/img0049jp.jpg
جامدة اوي اوي اوي اوي