كيف تتصرف اذا انفجر اطار السيارة أثناء القيادة؟

**Mohamed_Rashad** · 07-09-2010 09:32 AM

السلام عليكم ورحمة الله وبركاته

اتمنى مشاركة الاخوة الاعضاء بمعلومات صحيحة لافادة الجميع ان شاء الله.

**MaZaGAngeE** · 07-09-2010 11:05 AM

بعد تجربتين من نفس النوع اللي حضرتك بتسأل عنه .... انفجار كاوتش خلفي في عربية دفع خلفي
التصرف كان بتاع ربنا و الهمني اني ادوس بنزين على الآخر عشان العربية تلم نفسها و قبضة حديدية على الطاره و بعد ما تعوض جزئيا الفرق المفاجئ بتاع السرعة و الاتجاه باخد يمين و بركن .. بس بقعد بتاع نص ساعة دراعاتي مش قادر احركهم من شدة مسكتي للطاره..
طبعا في المرتين كنت ماشي بين 110 و 120 و العربية بيجو 504 استيشن ...
و كنت ماشي على طريق الصعيد الزراعي في المرتين و مره منهم كان فيه شبوره تقيلة جدا بس ربنا سترها معايا

و حصلت معايا في البطة كاوتش خلفي برضه بس كنت ماشي هادي تقريبا بين 40 و 60 و محصلش قلق وقفت على طول من غير مشاكل و ده كان على طريق الكريمات

البيتلز معملتهاش خالص معايا ..

الحمدلله و ربنا ما يكتب على حد تحصل معاه على سرعة عالية و طريق ضيق بالذات

**Mostafa.Mahran** · 07-09-2010 11:45 AM

انت و نصيبك و الى ربنا هيلهمك بيه

**Mohamed_Rashad** · 07-09-2010 12:16 PM

المشاركة الأصلية كتبت بواسطة Eng.M Mahran

انت و نصيبك و الى ربنا هيلهمك بيه

Too dangerous
We should have proper steps saved in our minds all the time regarding how to act and how to make yourself used to react properly in such critical situations like that one.

**Mohamed_Rashad** · 07-09-2010 12:19 PM

المشاركة الأصلية كتبت بواسطة MaZaGAngeE

بعد تجربتين من نفس النوع اللي حضرتك بتسأل عنه .... انفجار كاوتش خلفي في عربية دفع خلفي
التصرف كان بتاع ربنا و الهمني اني ادوس بنزين على الآخر عشان العربية تلم نفسها و قبضة حديدية على الطاره و بعد ما تعوض جزئيا الفرق المفاجئ بتاع السرعة و الاتجاه باخد يمين و بركن .. بس بقعد بتاع نص ساعة دراعاتي مش قادر احركهم من شدة مسكتي للطاره..
طبعا في المرتين كنت ماشي بين 110 و 120 و العربية بيجو 504 استيشن ...
و كنت ماشي على طريق الصعيد الزراعي في المرتين و مره منهم كان فيه شبوره تقيلة جدا بس ربنا سترها معايا

و حصلت معايا في البطة كاوتش خلفي برضه بس كنت ماشي هادي تقريبا بين 40 و 60 و محصلش قلق وقفت على طول من غير مشاكل و ده كان على طريق الكريمات

البيتلز معملتهاش خالص معايا ..

الحمدلله و ربنا ما يكتب على حد تحصل معاه على سرعة عالية و طريق ضيق بالذات

قبضة حديدية على الطاره: Correct Action
ادوس بنزين على الآخر عشان العربية تلم نفسه: Incorrect action

**mohamedrabia** · 07-09-2010 12:24 PM

ادوس بنزين على الآخر عشان العربية تلم نفسها

اعتقد ان الكلام ده غريب المفروض اكلبش صح في الكارة بس لحد ما تقف العربية لوحدها ولا بنزين ولا فرامل ولا اي شي لان العربية هتحدف لوخدها وتقف بس اهم شي تقادي باقي السبارات وربنا يسترها علينا ةالاصعب والاخطر الانفجار الامامي

**Mostafa.Mahran** · 07-09-2010 12:42 PM

المشاركة الأصلية كتبت بواسطة mohamed_rashad

too dangerous
we should have proper steps saved in our minds all the time regarding how to act and how to make yourself used to react properly in such critical situations like that one.

صاحبى اتقلب بعربية bmw 320 علشان العجلة الى قدام يمين انفجرت
و كان عارف الكلام ده كله بس ساعتها انت و نصيبك

**Nistelrooy** · 07-09-2010 01:55 PM

ماحدش عارف وقتها الواحد ممكن يعمل اية ممكن من خضة الصوت اضغط فرامل جامد ..

وربنا يستر ..

**aymanay32** · 07-09-2010 02:45 PM

انا سمعت من محمد زميلى ان واحد صاحبة كان حاطت ايده جوة الدركسيون يعنى مريحها كدة و الكاوتش قدام انفجر قام الدركسيون لف بسرعة و بشدة كسر دراعة و العربية اتقلبت و كله سليم الا ذراعة اتكسر

العجلة اللى ورا امرها اهون من اللى قدام لذلك يجب دائما الاهتمام بالاطارين الاماميين

**MaZaGAngeE** · 07-09-2010 03:16 PM

المشاركة الأصلية كتبت بواسطة nistelrooy

ماحدش عارف وقتها الواحد ممكن يعمل اية ممكن من خضة الصوت اضغط فرامل جامد ..

وربنا يستر ..

اكبر غلط

و دست بنزين عشان سرعة العربية قلت فجأة مع ضغط قوي جدا على جنب واحد من جناب العربية و ده عشان يتعوض لازم ادوس بنزين على الآخر عشان أرجع للعربية لسرعة قريبة من السرعة اللي كانت ماشية بيها

ممكن يكون غلط بس ده اللي حصل معايا مرتين و ياربما يحصل تاني لا ليا و لا لأي حد منكم