مشورة ضرورية يا جماعة

**drmomoking** · 07-09-2010 11:33 AM

عندى صوت خشونة عالى اوى وعامل زى صوت حكة كدة فى العجل الامامى او ونة عالية لدرجة انى ساعات بحسها فى الدركسيون وانا ماشى

الغريب ان الصوت دة كان موجود من فترة بس اقل بكتير فلما سالت عفشجى وبعد الكشف على العفشة قالى ممكن تكون صفيحة التيل المهم الصوت زاد جامد بعدها وانا كدة كدة روحت اغير التيل فقلت للراجل قام مركبش صفيحة التيل اصلا وقالى هيا اللى كانت عملا الصوت

المهم و الغريب انى امبارح و انا مروح و النهاردة الصبح الصوت ظهر تانى وعالى بردة بس الغريب انو مش بيظهر اول لما امشى لازم مشوار الاول مش اقل من 2-3 كيلو وبعدين يبدا خفيف ويفضل يزيد ولو ركنت شوية 10 دقايق مثلا ومشيت بعدها الاقية راح وشوية و يرجع

وبيظهر اوى لو وانا ماشى كسرت الدركسيون سنة صغيرة اوى يمين او شمال والصوت يعلا جامد

يطلع اية دة ارجو المساعدة و الاهتمام لانى لو رحت للميكانيكى ممكن الصوت ما يظهرش لانو مش دايم هوا شبة دايم انما ساعات بيروح او بيكون خفيف اوى و بيظهر على السرعات فوق 30 كيلو ومش حاسس انى بسمعو على سرعات اقل من كدة

**drmomoking** · 07-09-2010 01:08 PM

فين وحوش المنتدى

اى حد يرد عليا

**mohamed_selim** · 07-09-2010 01:18 PM

كان عندى حاج سبه كده و الميكانيكى قالى صرة العجله (القلب اللى فيى الرومان بلى غالبا) و لما غيرتها الدنيا ظبطت

**karimfahmy99** · 07-09-2010 01:33 PM

ممكن يكون بلى العجل و الاحسن العربية تترفع و تدور العربية و تعشق و الميكانيكى يسمع الصوت هيعرف اية بالظبط

**drmomoking** · 07-09-2010 01:59 PM

الفكرة ان العربية اوتو مش عارف يتكشف عليها ازاى؟؟؟؟؟؟؟؟؟؟؟؟؟؟؟؟؟؟

**mohamed_selim** · 07-09-2010 03:17 PM

الميكانيكى رفع العربيه و قعد يلعب فى العجله يلفها و يهزها و بعدين قالى انها الصره
ماحتاجش يدورها

**drmomoking** · 08-09-2010 10:47 AM

الحمد لله عرفنا سبب المشكلة الجلدة بتاعة المستر كانت عاوزة تتشحم ولما كانت العربية بتمشى كان المستر بيقفش على التيل فى الفردة اليمين وهوا دة اللى كان عامل الصوت وشكرا لكل من اهتم و شارك

**karimfahmy99** · 08-09-2010 10:50 AM

المشاركة الأصلية كتبت بواسطة drmomoking

الحمد لله عرفنا سبب المشكلة الجلدة بتاعة المستر كانت عاوزة تتشحم ولما كانت العربية بتمشى كان المستر بيقفش على التيل فى الفردة اليمين وهوا دة اللى كان عامل الصوت وشكرا لكل من اهتم و شارك

مبروك عليك حل المشكلة

**drmomoking** · 08-09-2010 11:05 AM

المشاركة الأصلية كتبت بواسطة karimfahmy99

مبروك عليك حل المشكلة

الله يبارك فيك يا فندم و شاكر اهتمامك

**karimfahmy99** · 08-09-2010 11:07 AM

لا شكر على واجب احنا اخوات و محدش هنا بيبخل باى معلومة يعرفها عن اخواتة . عيد سعيد

الموضوع: مشورة ضرورية يا جماعة

LinkBack

أدوات الموضوع

عرض

المواضيع المتشابهه

مساعدة ضرورية

مساعدة ضرورية

مساعدة ضرورية

هل الحاجات ده ضرورية

إستشارة ضرورية

الكلمات الدلالية لهذا الموضوع

المفضلات

المفضلات

ضوابط المشاركة