سؤال في روتر الانترنت محتاج مساعدة يا شباب

**medociv** · 07-09-2010 12:55 PM

السلام عليكم ورحمة الله وبركاته
انا يا جماعة مشتركتش قبل كده في ال dsl في مصر انا كنت مشترك في الامارات مع اتصلات والروتر بتاعهم انا كنت جايبوه Wireless وهو ماركة ازتك.
سؤالي : انا عايز اشترك في الدي اس ال في مصر باذن الله فهل الروتر بتاع اتصالات الامارات ينفع في مصر يعني السيستم واحد ولا الشركة مثلا بتجبر الزبون على واحد تبيعهولوه ولا النظام في مصر غير الامارات
معلش انا معنديش خيرة خالص في الدي اس ال في مصر
-برضه ايه افضل شركة اشترك معاهم ؟ هل تي اي داتا ولا اتصالات ولا ايه بالظبط؟
ومتشكرين جدا يا شباب

**ASHAALAN** · 07-09-2010 02:26 PM

مفيش إجبار على أي نوع router أو حاجة، انتا ممكن تاخد router منهم أو تجيب أي نوع.
بالنسبة لشركات مش شايف فرء كبير بينهم. يمكن بس فودافون & لنك.نت هما أفضل خدمة عملاء بس TEDATA سمعت إن خدمة العملاء وحشة قوي

**ASL** · 07-09-2010 10:14 PM

الراوتر هايشتغل عادى ومش هايكون فيه اى مشكله
وكل الشركات هنا زى بعض فى مستوى واحد
لكن النت هنا بيختلف تابع للمنطقه اللى انت هاتنزل فيها يعنى ممكن مثلا اتصالات تكون قويه فى مكان وضعيفه فى مكان تانى وتى اي داتا وغيرهم كده
فا نصيحتى اسال حد لما تنزل على الشركه اللى هو فيها وشوف البينجات عنده اخبارها ايه واساله اخبار النت عنده ايه
واللى تشوف الفيد باك بتاعته كويسه اشترك عنده

وتيجى بالف سلامه

**tananybasha** · 08-09-2010 01:02 AM

انت هتشترك تبع شركة من شركات الأتصالات
و لا هتشترك على خط ثابت
على العموم اى رواتر شغال على اى حتة فى العالم هتغير شريحتة بس

**أحمد كمال** · 08-09-2010 01:59 AM

المشاركة الأصلية كتبت بواسطة tananybasha

انت هتشترك تبع شركة من شركات الأتصالات
و لا هتشترك على خط ثابت
على العموم اى رواتر شغال على اى حتة فى العالم هتغير شريحتة بس

هو ليتكلم على dsl مش 3G

**أبومعاذ** · 08-09-2010 09:17 AM

بعض شركات الانترنت بتغير الـfirmware بتاع الراوتر اللي بتنزله بحيث يشتغل مع الـ settings بتاعتها هي بس ...حضرتك ممكن تجيب الراوتر معاك و تجربه في مصر اشتغل اوك مشتغلش تجيب واحد من هنا