الموضوع: هل استكمل موضوع 130 سنة سيارات؟

وياريت الفتره الزمنيه بين كل حلقه وحلقه تكون اسبوع..علشان الناس كلها تلحق تقراه..ويكون فيه وقت كافي ان احنا نشارك فيه
فكمل وربنا معاك ان شاء الله

يا باشا حتى لو فرضنا إن الناس قالت لأ (مش حيحصل !! :)) برضه لازم تكمل
أولا لأنه موضوع مهم و ضروري في منتدى سيارات متخصص
ثانيا فيه أصلا أعضاء لسه مشتركتش حقها علينا ( يعني عليك يا باشا ما دام إنت اللي تصديت للمهمة :)) انها تلاقي موضوع زاي ده بدل المعلومات المتناثرة المذكورة في مواضيع كتير في سياق الرد على أشخاص بعينيهم
في إنتظار المزيد

معقولة يا م/ خالد إنت بتسأل تكلم و لا لأ
طبعا دوس يا باشا إحنا عايزين الحلقات كلها لغن أسلوبك ممتع كالعادة

والله احلى حاجة عجبتنى انك بتسألنا يا استاذنا السبعاوى تكتب اية و تكمل فى موضوع ولا لأ

انا عن نفسى رأيى الشخصى المتواضع جداً (لأ)
عشان كفاية ماضى وتاريخ .... الدنيا بتتغير اوى دلوقتى و كل يوم بيفرق فى كل قطعة بتتحط فى عربية الايام دى و فى تغيرات بتحصل و الناس مش واخدة بالها منها

احنا محتاجين اللى يفيدنا فى اللحظة اللى بنعيشها .. نجيب اية ومايضحكش علينا
الناس مش عايزة تضرب على قفاها فى العربيات كمان
خمس سنين من عمر العربية كفاية اوى اوى اننا نتابعها اكتر من كدة هنيالهم اللى كانوا عايشين فى العصر اللى فات بعربياتهم اللى ماتتعوضش

عايزين نبتدى من حيث انتهى الاخرون

كفاية تدريس Basic وفى Asp ماحدش يعرف حاجة عنها
كفاية كلام عن سىسى واحصنة ..وفى بلاوى فى العربيات بتطعلك فجأة تاخد اللى فى جيبك كلة و ممكن تدينك بقية الشهر

احنا محتاجينك اوى يا سبعاوى فى إرشادنا لآيجاد وسيلة مواصلات كريمة مابتنصبش بيها علينا