بجد الله ينور عليك يا توت
عرض للطباعة
بجد الله ينور عليك يا توت
انا لسة جايب العبوة دى من كارفور ب 4 جنية ونص واستعملتها وهى فعلا جميلة جدا واحسن من استخدام بريل
شكرا لصاحب الموضوع على النصيحة
مــــــــوضـــوع روعـــــــــه بجد بجد بجــــــد.....جامد جدا ....والتطبيق سهل ...
ماشاء الله على اسلوب حضرتك>>أســــــــتــاذ http://img227.imageshack.us/img227/2939/thumbsupph0.gif......وان شاء الله هخلى دا اسلوبى فى تنظيف العربيه ...
بجد الف شكر ياباشا....وربنا يباركلك يـــــــارب ...ويجعله فى ميــــزان حساناتـــك إن شـاء الله
موضوع جميل و شرح جميل بسيط
شكرآ جزيلآ
أخـــى تــــــــــــــــوت
الله ينور عليك
موضوع جميل جدا وبراق ولامع ونظيف :k50:
اليوم كنت فى كارفور
ولاقيته معروض
بـــ4,5 جنيه
والله يابلاش
بس عندى تساؤل سيادتك قلت عدم التعرض للشمس لفترة قد ايه؟؟؟
ولا سيادتك تقصد العربية تكون باردة؟
تسلم ع الموضوع
الف شكر ياباشا موضوع مفيد ومنتج رخيص
موضوع جميل
مشكووور
موضوع جميل جدا ... تسلم على النصائح الغالية
تسلم ايدك يا باشا فعلا موضوع يهم كتير مننا جزاك الله عنا كل خير
1000 يا معلم على المعلومات الجامدة
السلام عليكم:
جزاك الله خيرااا علي المجهود الاكثر من رائع
بس ليه سؤال بسيط وهو
هل غسيل السياره عند محطه البنزينه في ماكينه الغسيل (الفرشه )
يؤثر علي لون العربيه عالما انا لسه العربيه مو 2008 وخايف ان يروح اللون بتاعها لانه لون ميتالك وهو لون حلو وعايز احافط عليه
وشكرااا
موضوع جميل جدا وشكرا للمعلومات .. ربنا مايحرمناش من حضرتك يا أ/ توت
موضوع مفيد جدا و ١٠٠٠ شكر
شكرا يا توت على الموضوع الجميل اوي اوي ده
تسلم ايديك
ميرسي جدا يا باشا علي المعلومات دي
اهم حاجه فعلا انه يحافظ على اللمعه الي فالعربيه
شكرااااااااااااااااااا
الف شكر يا استاذ توت انا استعملته النهاردة والحقيقة مش قادر احكم لان العربية لسه زيرو ودهانها لسه بيبرق بس انا استعملته علشان طبقة الشمع تحافظ على الدهان والف شكر مرة تانية
حلو نجربه عشان أنا بحب أغسل عربيتىبنفسى عشان تبقى بمزاج
بارك الله فيك يا استاذ توت
بجد موضوع مفيد و قيم جدا
المشكله ان بنت زيي اكيد مش ينفع تقف تغسل العربيه في الشارع
و اكيد البواب مش هيفهم الكلام و الخطوات دي و مش هينفذها بالحرف اكيد
مش عارفه الحل ايه ساعتها
بس برضه الموضوع مفيد جدا و ان شخصيا استفدت منه اوي
لاني باحس ان اهم من تظبيط العربيه و كل الحاجات دي الاهتمام بنضافتها و رونقها
ميرسي لحضرتك اوي
جزاك الله خيراً
و الله أنا بستخدم الشامبو العادى ( الكيس بـخمسين قرش ) ههههههههه
و بردو بيجيب نتيجة حلوة و بيشيل الدهون هههههههههههههه
إن شاء الله هاسأل على رابيدو و أجيبه
شكرا على مجهودك الرائع
1000 شكر على الموضوع الجميل دى ياباشا .
لو ليكى أخ أصغر ممكن تديله خمساية "رشوة يعنى"و هو
حيقوم بالواجب
دلوقتى فى واحد صاحبى بيجيب كل أنواع الملمعات لما سألته بيجيبهم منين قالى التالى "متستعملش أى حاجة و خلاص لازم تكون أصلى و مضمونة عشان متخليش الدوكو يطقطق عشان أنا جبت شامبو عربيات قبل كدا بوظلى السقف"
دا الى قالوا ليه حبيت أقولهلكوا عشان مسترخصش فى حاجة ممكن تبوظ الدوكو
أولا أهلا بيك في الموضوع و شكرا على النصيحة
و لكن الشامبو موضع الكلام من النوع الأصلي و له شركة كبيرة تقف ورائه و تصدر منتجاتها إلى أوروبا بالاضافة أن الصناعة بتم بالاشتراك مع شركة أوروبية
و أنا مجرب الشامبو ده لمدة سنتين و تلميعه ممتاز و رائع و لا يوجد أي بهتان في الصاج نهائي بل العكس.
مش لازم الحاجة تكون غالية علشان تثق فيها
و مش لازم نشتري أمريكاني علشان يبقى حلو
ده رقم الشركة يا باشا
4595841 4595842
و طبعا تطلب 03 في الأول علشان المصنع في أسكندرية
العنوان
المنطقة الصناعية الرابعة ... القطاع الرابع ... قطعة رقم 21
الأسكندرية
info@adcoegypt.com
www.adcoegypt.com
السلام عليكم ...
في أخ رد في الموضوع ده و قال ان في فوط للعربية ( فيبر ) و أنواع جلد ألمانى أصلى / و صناعى ممكن حد يقلنا أمكان موجود فيها الفوط دى و شكلها أيه علشان الواحد ما يتغش ....و هل هى موجودة برضو في كارفور ........... ؟؟؟؟؟
و قال كمان في حاجة لتلميع الكاوتش أسمها ( Stp ) بتتباع فين و بكام و شكل العبوة لو ممكن ؟؟؟؟
و شكرا جدا ......
انا لقيت الموضوع ده عن صناعة شامبو غسيل للسيارات علشان الى يحب يجرب .....منقول طبعا
1. شامبو غسيل السيارت
بالنسبة لموضوع شامبو السيارات
هو في الحقيقة ليس شامبو بالمعنى المفهوم- لأن من يسمع كلمة شامبو يرتبط ذهنه مباشرة بالصابون و الفقاعات و الرغوة العاليه
لكن في المادة المستخدمة في غسيل السيارات فهناك شيء آخر- و المادة التي سأقدمها لك الآن هي ألمانية الصنع 100% و تستخدم في غسيل السيارات حيث أن من المفترض أن للسيارات مواد خاصة للغسيل و ليس كما هو شائع عند معظم الناس – شوية صابون سائل و أقلب- !
المهم
تصنيع الماده هو بسيط و سهل للغاية- و يمكن أن ترى هذه المادة – ان كنت في مصر- موجوده عند محلات السيارات- ليست للعرض ولكنهم يغسلون بها السيارات – في المعارض الموجوده في المهندسين و مصر الجديده و المعادي بالقاهره- وهي ماده مشابهه تماما لما سأقوله لك الآن
التركيب و طريقة التصنيع:
1- عجينه سوفت
2- سميسول ( مارلوفين)
3- ماء
هذه هي مكونات تصنيع الماده الخاصة بغسيل السيارات- لكن- كيف يكون الخلط؟
نبدأ بالعجينه السوفت
العجينه السوفت هي ماده كيماويه تشبه إلى حد كبير العجين المستخدم في صناعة الخبز و لها نفس القوام و لونها أصفر فاتح
لا تسألني مما تتركب هذه العجينه لسببين
السبب الأول : أني لا أعرف مما تتركب لأنها تأتي من الخارج و تباع في مصر على هذا الحال
السبب الثاني: هو انك حتى لو عرفت تركيبها فمن الصعب أو من المستحيل لك أن تقوم بتصنيعها أنت شخصيا، وإلا لما تم استيرادها من الخارج
وهذه العجينه تباع في محلات الكيماويات الموجوده في شارع الجيش بالقاهره- و عندما تذهب إلى بائع الكيماويات تقول له – أريد عجينه سوفت- هذا هو اسمها- لأن هناك من ينكسف من أن يقول للبائع أريد عجينه سوفت باللفظ كما قلت- لأن من لا يعرفها يخاف وهو يشتريها أو يعتقد أنه يسأل على شيء غير موجود أو أن البائع سيضحك عليه مثلا !!!
المهم
سعر الكيلو جرام منها كان 25 جنيها من حوالي 6 شهور- و الآن لا أعلم سعرها بالضبط- لأن هناك أحتمال أن يكون سعرها قد ارتفع نتيجة لأرتفاع أسعار النقل- المهم أن سعرها رخيص الثمن مقارنة للكمية التي تدخل منها في صناعة 1 لتر من شامبو السيارات
حيث يدخل منها في صناعة 1 لتر من شامبو السيارات 150 جرام فقط
يعني الكيلو جرام من العجينه السوفت يقوم بعمل حوالي 6.5 لتر من شامبو السيارات
بالنسبة للسميسول:
طبعا هو ماده معروفة للجميع وهو الماده اللازمة لعمل لزوجة للمحلول ويعمل على المحافظة على قوام التركيبة وله اسم آخر في السوق وهو – مارلوفين-
وتكون نسبته بالنسبة للتر الواحد من الشامبو هي 50 مللي
وباقي التركيبة يكون ماء عادي لكنه ماء ساخن- حيث أن العجينه السوفت لا تذوب إلا في الماء الساخن كما سنوضح
طريقة التصنيع:
1- نحضر العجينة السوقت و نقوم بوزن 150 جرام منها
2- نحضر كمية معروفة من الماء و لتكن نصف لتر- 500 مل- و نضعهم في حلة أو صفيحة أو أي شيء يمكن أن نسخن داخله و نضع هذه الكمية من الماء على النار
3- بعد أن تضع الماء على النار- نضيف ال 150 جرام من العجينه السوفت إلى الماء و نقلب لمده 3 دقائق- لاحظ أنه عندما يدفيء الماء تبدأ العجينة في أن تفك من بعضها و تبدأ في الانتشار في الماء- ما عليك إلى أن تقلب العجينه في الماء وهي على نار هادئه حتى تلاحظ أن العجينه و الماء أصبحوا شيء واحد- هذا ليس معناه أن العجينة ستتحول إلى ماء بالطبع- لكن ما أقصده أن الماء بفعل العجينه سيتحول إلى سائل ثقيل القوام نسبيا و كأنك مثلا عملت عصير جوافه في الخلاط- هذا ما أقصده
ملاحظة هامة: لا تذوب العجينه السوفت إلا في الماء الساخن- فلو وضعتها في ماء بارد لن تذوب- ولهذا نقوم بإذابتها في الماء الساخن- لا تقلق الموضوع ليس معقد أبدا- ما عليك إلا أن تضع ال 150 جرام في الماء على النار و تقلب – وبمجرد ان تقلب ستجد العجينه فكت من بعضها و حصلت على القوام المطلوب الذي شرحته لك-
استحملني أصلي بكرر الكلام كتيرhttp://www.arab-eng.org/vb/images/smilies/biggrin.gif
4- الآن معنا 150 جرام عجينه سوفت مذابين في 500 مل من الماء- اتفقنا؟
ماذا سنفعل بعدها؟
أقولك
سنحضر 450 جرام من الماء و نضيفهم إلى هذه الكمنية من الماء + العجينه التي نتجت من الخطوة رقم 3 كما شرحنا- و نقلبهم معا5- ناتج 4 + 5 أصبح 950 مل وليس لتر
يبقى ايه اللي فاضل؟
أكيد السميسول
نقوم على الفور بإضافة 50 مل من السميسول للخليط، وبهذا أصبح عندك 1 لتر من شامبو السيارات جاهز للإستخدام
6- طبعا يجب أن نعمل منظر للماده ولا نتركها هكذا- كيف؟
ضع قليلا من اللون الأصفر على الماده- ثم أضف إليها رائحة برتقال
س: هل يمكن أن نضع عليها لون مختلف عن اللون الاصفر؟
ج- ممكن- لكن لاحظ أن العجينه السوفت في الاساس لونها مقارب للأصفرار، فلا داعي من وضع لون آخر يعمل تداخل مع اللون الاصفر و يعطي لنا ماده ليس لها منظر- لأن المنظر هام جدا في عمليه البيع و انت تعلم هذا جيداس: هل يمكن أن نضع عليها رائحة غير رائحة البرتقال؟
ج- ممكن- لكن الماده لونها أصفر- يعني هتضع عليها رائحة بطيخ مثلا؟
وبهذا يكون لديك 1 لتر من شامبو السيارات
وطريقة صناعة طن كامل يكون بنفس الطريقة
والله الموفق
الله ينور عليك والله من زمان كنت بدور على الصابون اللى بيستخدموه فى البنزينه اللى عامل زى الجييل لاكن طرقتك كويسه وموفره ان شاء الله هجرب وقولكم على رئيى
شكراااااااااااااااااااااا ا
شكرا جزيلا يا استاذ توت عنخ امون معلومة اول مرة اعرفها بجد جزاك الله خيرا ويا ريت تعلمنا عن المنتجات المفيدة والرخيصة اللي في كارفور
شكرا يا باشا على الموضوع الجامد
الله عليك يا باشا:S_thum1[1]::S_thum1[1]::S_thum1[1]::S_thum1[1]:
موضوع جميل ومشكور علية
شكرا على المولومات الرائعة
بارك الله فيــــك