نضف عربيتك باقل وقت ومجهود وتكلفة

**maka** · 09-09-2010 03:36 AM

المشاركة الأصلية كتبت بواسطة elakawy

بس برضه غسيل المحطة بيكون احسن بس والله فكرة حلوة

هو الغسيل من بره مش صعب لو معك خرطوم مية + ان العربية متكونش واسخة من بره اوى

لكن المشكلة كلها فى الهوفر الداخلى لازم هتعمله فى البنزينة

**khaled_bibo** · 09-09-2010 03:44 AM

لكن المشكلة كلها فى الهوفر الداخلى لازم هتعمله فى البنزينة

مش شرط ممكن نجيب مكنسه تشتغل على الولاعه بس يكون شفطها حلو

**maka** · 09-09-2010 04:02 AM

المشاركة الأصلية كتبت بواسطة khaled_bibo

مش شرط ممكن نجيب مكنسه تشتغل على الولاعه بس يكون شفطها حلو

جابت واحدة من كارفور بطيئة ومملة و قوة شفطها اقل بكثير جدا من قوة شفط مكنسة البنزينة

من الاخر مكنسة البنزينة سريعة و قوية

**khaled_bibo** · 09-09-2010 04:06 AM

انا عن نفسي بوديها لأي مغسله و اقوله يعملي الارضيه بس و اديلوا 5 جنيه و ارجع اغسلها من بره تحت البيت

**devilishtigers** · 09-09-2010 05:01 AM

المشاركة الأصلية كتبت بواسطة snakeson2

علي فكرة لما تغسل العربية بايدك بتاخد بالك من حاجات كتير يعني مش ممكن تنضفها اي كلام وكمان لو فية اي خربوش جديد هتبقي عارف مكانة وبتبقي حاسس بالعربية كويس جدا وكمان هتوفر وقت ومجهود كبير وفلوس كمان

والله عندك حق

**A.Elsheikh.01** · 09-09-2010 05:45 AM

هتوقف حالنا كده يا استاذ
ههههههههههههههههههههههههه
فكره ممتازه حتى ممكن اطبقها عندى علشان اوفر فى الميه والمكن

**x512** · 09-09-2010 06:15 AM

هي فكره حلوه فعلا بس مش اي صابون سايل هيطلع الوساخات ...خصوصا لو في الشتا...بس برضو ممكن تضيف علي اللي حضرتك قولتو بوليش و كومباوند هيخلي العربيه تبرق بعد الغسيل

**HishamShafai** · 09-09-2010 06:27 AM

[justify] [/justify][justify][/justify][justify][/justify][justify]

كل عام و أنتم بخير جميعا و عيد سعيد, أنا كنت لحد من سنة تقريبا أحب أغسل العربية بنفسى , لغاية ما جه مجموعة شباب و قالولى إحنا نغسل لك العربية مقابل مبلغ شهرى قلت و ماله و أهو أريح نفسى و نشجع الشباب على الرزق الحلال و كانت غلطة عمرى قلة ضمير و قلة أدب ممكن يمر 10 أيام محدش فيهم يمسحها ويوم 25 فى الشهر تلاقيه بيخبط عليك عايز الفلوس ، وإذا تكرم وغسلها أى كلام لاحظت إنه بيعمل مصايب يعنى يادوب كهنة مبلولة ماء و صابون وخلاص بدون شطف و أزعق له و أفهمه إن كدة غلط و لا حياة لمن تنادى و من ساعة ماستلمها بدأت ألاحظ الخدوش تظهر و ده طبعا ناتج إنه بيستعمل كهنة مش نظيفة أو بها رمل و مرة بعد الغسيل لاقيت الزجاج لامؤاخذة وسخ وعليه خطوط و دوائر قعدت 3 ساعات أنظف فيه و استعملت إريال و بنزين و صابون و منظف زجاج لحد ما طلع بالعافية و أعتقد إن الكهنة كانت متعاصة شحم أو زيت معدنى , المهم بعد أن طلع عينى والزجاج خليته بيلمع قابلنى و هو فاشخ ضبه ويقوللى , ها إيه رأيك يا باشا العربية زى الفل منورة ها ها , نزلت و كنت ناوى أضربه و قعدت أفهمه أصول غسيل العربيات و رجوته ألا يلمس العربية مرة أخرى و مفيش مشكلة يجى ياخد الشهرية بس مالوش دعوة بيها , وبرضه مش عايز يسمع الكلام , لازم يضع عليها لمساته السحرية و لما أشتكى له و أقول ملاحظاتى يتعجب و يقول بجد أنا مش عارف الناس كلها بتشتكى منى ليه ؟ بجد أنا قربت أتشل و آخر حاجة إنه جاى من يومين تفتكروا عايز إيه حزر فزر بس إمسك أعصابك ... البيه عايز العيدية ,,, أعصابى ياجماعة قولولى إزاى أخلص من العالم دى الواحد خايف يزعلهم جامد أحسن ينتقموا من العربية.

[/justify]

**abo_hosni** · 09-09-2010 10:13 AM

أنا عمري ما غسلت عربيتي في بنزينة أو كار كير و كنت راضي عنها. دايماً بعد ما أخرج من المغسلة أعيد على حتت معينة في العربية و شايف أني أنا أحسن واحد يغسل عربيتي
باغسل العربية في الجراج اللي تحت البيت برة و جوة و دواسات و كاوتش و كله. و لما أحب أنضفها من تحت باطلعها برة الجراج و أطلع الخرطوم المحترم أبو بزبوز نحاس (بوز عملته عند المخرطة) و هاتك يا ضغط عالي
حتى البوليش و الواكس بنفسي في الجراج

صباح الفل A.Elsheikh.01

**ibrahimsaad** · 09-09-2010 12:41 PM

انا شخصيا بقوم الصبح بدرى واغسل العربيه بنفسى بخرطوم مياه وصابون لانى رحت قبل كده المغسله لكن الاقيهم بيسيبوا ميه فى المذانق والاماكن الصعبه اضطر انى انشفها بنفسى لكن كده انا عارف انا باعمل ايه باخدم نفسى بنفسى

لكن المشكله بقى هى نظرات الناس لى لانهم اكيد بيقولوا فى نفسهم دكتور ومستخسر يوديها المغسله اكيد بخيل

لكن برده باديهم الطرشه وماحدش ليه عندى حاجه الاجانب بيخدموا نفسهم بنفسهم وبيركبوا عجل مش عربيه مافيش حد فيهم بيتكسف اشمعنى احنا يعنى