حد يعرف ايه اجراءات نقل الملكية وبتتكلف كام لعربية 28 موديل 83 مع العلم اني معايا توكيل بيع وشراء وادارة
عرض للطباعة
حد يعرف ايه اجراءات نقل الملكية وبتتكلف كام لعربية 28 موديل 83 مع العلم اني معايا توكيل بيع وشراء وادارة
بتروح مكتب الشهر العقاري ومعاك التوكيل ورخصة العربية ( لو الرخصة منتهية بتجيب شهادة بيانات من المرور )
وفي مكتب الشهر العقاري بتعمل عقد بيع للسيارة لنفسك بموجب التوكيل اللي معاك اعتقد ان الرسوم ممكن تكون في حدود 200 جنيه لآن موديل العربية قديم بس مش عارف بالضبط كام لأن لها حسبة عندهم والعقد دة صالح لمدة شهر لو انت وقعت مشتري اما لو ما وقعتش مشتري يبقي لمدة سنة
وبتاخد العقد والرخصة وتروح المرور اللي انا تابع له ( حسب مكان اقامتك في البطاقة )
بتعمل فحص للعربية والطفاية وتعمل تأمين وشهادة مخالفات وتشتري النمازج بتاعة الرخصة سواء كانت سنة او 3 سنوات وتملاها وتدفع الرسوم والضريبة ( مش ح تزيد عن 60 جنية في السنة لل 128 ) والتأمين بحوالي 70 جنية للسنة وشوية ورق بحوالي 40 جنية اللي هو النمازج وخلافة
وبعدين تسلم النمر ( اللوحات ) القديمة وتاخد نمر جديدة من المرور
المشكلة ان المرور مافيهوش نمر... فيها ازمة رهيبة ... عشان كدة ما تسلمش النمر بتاعتك الا لما تتأكد ان عندهم نمر
نصيحة روح الصبح بدري قبل 9
ومبروك مقدما
بالنسبة لرسوم الشهر العقاري فأعتقد في حدود 100ج و ليس 200,
بالنسبة لعمل الفحص فبيتم شراء نماذج نقل الملكية و التجديد في حدود 40 ج زي ما احمد قال و بعد الفحص علشان تستكمل باقي الإجراءات لازم بتاخد رقم من مخزن النمر على نموذج الفحص ,
و هنا المشكلة لأن مفيش نمر و لازم تروح المرور الساعة 7 ص و ده حقيقى و هتلاقي المرور قافل بس علشان تأخد دور مع الناس اللى عايزة نمرة ,
يإما تشوف واسطة للأسف علشان تاخد النمرة ,
بعد ما تاخد نمرة على نموذج الفحص بتروح للشباك و تقدم الاوراق و لما الأوراق بتخلص بيديلك ايصال و بيقولك روح لمخزن النمر علشان تسلم النمر القديمة و تستلم نمر جديدة و بعدين تستلم الرخصة.
رسوم الشهر العقاري في عربيتي 128 موديل 1986 كانت 125 جنيه بالظبط
جزاكم الله خيرا
على المعلومات التفصيلية
شكرا