الموضوع: سؤال عن أحسن كاسيت usb , cd mp3 , aux

عندك بايونيير 4150 sd
و ده فيه كل اللى انت عايزه ده

و 5250 برضه غالبا فيع مكان لكارت ميمورى
بس ده اعلى من ال4150

ودى صوره لل4150

http://www.pioneer-latin.com/downloa...0sd_huonly.jpg

مظبطنى علطول كده يا بييتل .. ربنا يخليك لينا يا زعيم

طيب و اسعارهم كام الموديلين دول ؟؟ لحسن حاسسهم عاليين اوى !

حبيبى يا محنش .... ربنا يخليك يا بوب
بص انا مش فاكر الاسعار اوى بصراحه
بس فاكر ان ال4150
كان بيلعب فى رنج ال 800
و ال5250 فى رنج ال 1000 او 1100

و اى حاجه ان معاك ان شاء الله
و كل سنه و انت طيب يا زعيم

والله ربنا يخليك ... راجل قمه الزوق حقيقى :)

و انت بالصحه و السلامه يا بيتل

طب حاجه اخيره و هامشى علطول ...
هو سؤال اهبل الحقيقه و حاسه بيريل وهو بيتقال !
انا عرفت منك انك معاك 2150..هو فيه راديو ولا لأ؟ وياترى فصل معاك او اتاخر كده فى مطب او نقره او الجو ده ؟ لأنى مستوى من الحركه دى فى الكاسيت الأوديو اللى معايا ناو

و تقبل خالص تحياتى ..

ربنا يخليك يا كبير ده من ذوقك والله
هههههههههه
لا ولا اهبل ولا حاجه
بس هو فيه راديو اكيد

بالنسبه للتقطيع و الكلام ده
انا الاول كنت شغال بالسى ديهات
و كان تمام اوى و مكنش فى اى حاجه الحمد لله
ساعات بس لما تاخد نفره جامده اوى و انت ماسر بسرعه ممكن مش دايما
بس بتلقيه عمل كده مفصلس بس الصوت قطه و يرجع تانى
بس ده لكا تكون حاجه جامده

و كمان اللى بيركبه لازم يثبته كويس عشان الجهاز ميتحركش و يعد يقرفك

بس بعد كده بقيت على طول شغال بالفلاشه

اصيع بصراحه
بدل ما كل شويه تشيل و تحط و سى ديهات
و تاخد عليها اغانى من اى حد

تحياتى

والله يا سيدنا الفكره فى الكواليتى ... هل جوده الفلاشه زى السى دى ؟؟

لو زى بعض يبقى اكيد هافضّل الفلاشه ..

و تسلم على ردك يا كبيرنا :))

ال 2 زى بعض
لان السى دى بيشغل الاغنيه
على حسب ال rate
بتاعها
يعنى 192
350
128
نفس اللى الفلاشه بتعمله
يعنى ال 2 نقاؤهم
جى من نقاء التراك نفسه
وصلت كده .....

حبيب هارتى

كده اصلى جدا .. دى حاجه جامده تنين ! انا كنت باحسب ان مهما كان لايعلى على نقاء السى دى !!
يظهر ان الواحد قديم حبتين تلاته

دانت عملت واجب شديد مع واحد بيشوف أ ب صوتيات

تسلم يا كبير .. و متقلقش ممكن شويه كده و ارجع ادوشك تانى :)