سؤال للفتيات (الفرح) ؟

**SeiffoZ** · 08-09-2010 03:51 AM

بلا فرح بلا نيلة ... بلا جواز بلا نيلة ...

الأفراح بس هى العروسة عايزاها عشان تلبسلى فستان أبيض و تقعد ترقص قدام الناس و تغيظ إللى لسه متجوز أنا أهه لابسة فستان أبيض .. كأنه نوع من أنواع الإحتياجات للأنثى إنها تلبس فستان أبيض ... و ده مافيش بنت بتعارضه .. و أم العروسة عمرها ما ترضى إن ما يكونش فى فرح ..

بس هو حاجة تعبانة .. إنت مالك يا أخى انا إتجوزت ولا لأ!!! أنا حر !! أخد الفلوس أسافر , احرقها .. أوزعها .. حقى!

**rodyA113** · 08-09-2010 03:57 AM

بصراحه الفرح مهم ده يوم ...بس بجد لو خيرت بين الفرح والعمره مثلا لا العمره او الحج مش ضامنه ونفسي ابدا حياتي كده وممكن استغني عن اي حاجه ..اروح ماليزيا بعدها في اي وقت... وممكن امسك العصيا من النص اعمل فرح عائلي ظريف المهم يكون جنبي الناس اللي بيحبوني وافرح ويفرحوا معايا ده يوم في العمرواروح برده المكان اللي انا عيزاه .و لو ضاقت ده قررانا احنا الإتنين لو قررنا السفر برده نعمل حاجه عائليه ونسافر مفيهاش حاجه ونتصور والبس فستاني وكله المهم اننا سوا واهلينا فرحنين بينا

**moody1** · 08-09-2010 04:23 AM

طيب حضرتك لو نقاشنا الموضوع من زاوية ايه اللى ممكن يتعمل فاى وقت و ايه اللى لو معادها فات مينفعش تتعمل

الفرح حاجة ضرورية ديه مرة فالعمر و كفاية انك بيبقى معاك شريط الفيديو يعنى كذكرى لايام السعادة!!!!!!!!!

انما رحلة لباريس او ماليزيا او لندن اوحتى شرم ممكن تعملها فاى وقت سواء عندك 20 او30 او 40

مالاخر
الفرح يعنى حاجة واحدة بتتعمل مرة واحدة وضرورى تتعمل

**SeiffoZ** · 08-09-2010 04:39 AM

المشاركة الأصلية كتبت بواسطة ainshouka

اخواتى متجوزين من زمااااااااان ولا واحدة منهم بصوا على شريط الفرح حتى

وعلشان كده انا بقيت مقتنع انه ملوش اى لازمة

دا غير طبعا انه من الناحية الدينية وكم الفاسد اللى بتكون فيه

هو يتعمل فى الجامع وبس كده ويتاخد كام صورة للعريسين وكفاية

هو إيه الفاسد إللى فى الأفراح ؟؟؟؟

**hazoom2006** · 08-09-2010 04:42 AM

هو يقصد الرقص والاغانى وكده يعنى

من راى بلا فرح بلا جواز بلا طلاق

حلو اوى كده يا عم الحج

**yahiahelaly** · 08-09-2010 04:46 AM

المشاركة الأصلية كتبت بواسطة baskota

لالالالالالالالالالالالال الالالالالالا
الا الفرح
العب فى اى اوبشن تانى الا الفرح
الرحلة ممكن تتأجل وتعملها فى اى وقت تانى لما ربنا يرزق ويبقا فى فلوس
لكن مهما جالك فلوس بعد كده
هتعمل فرح بعدها ازاى ؟؟؟
فى حاجات مينفعش نسبتدلها لان مش هيكون فى فرصة لتكرارها
ماليزيا تتعوض لكن الفرح لأ
وايه المانع انى افرح انا واهلى
اللى مالوش خير فى اهله مالوش خير فى حد

اؤيدك وبشده
+9999999999

**ainshouka** · 08-09-2010 04:53 AM

المشاركة الأصلية كتبت بواسطة seiffoz

هو إيه الفاسد إللى فى الأفراح ؟؟؟؟

المشاركة الأصلية كتبت بواسطة hazoom2006

هو يقصد الرقص والاغانى وكده يعنى

دا غير ان الناس يقعدوا يبصوا على مراتك وهى بترقص والاختلاط بيكون بطريقة مبالغ فيها اوى

انا من صغرى من زمان كنت كاره موضوع الفرح دا عشان حاجة تانية خالص
عشان انا اصحابى معدودين اوى وقليلين جدا جدا جدا لدرجة انى كنت خايف ان منظرى يبقى وحش وهو مفيش حد معايا والاقى اهل العروسة واصحابها بالكووووووووووووووم :-)

**ahmedsamir5edr** · 08-09-2010 04:58 AM

المشاركة الأصلية كتبت بواسطة BASKOTA

لالالالالالالالالالالالال الالالالالالا
الا الفرح
العب فى اى اوبشن تانى الا الفرح
الرحلة ممكن تتأجل وتعملها فى اى وقت تانى لما ربنا يرزق ويبقا فى فلوس
لكن مهما جالك فلوس بعد كده
هتعمل فرح بعدها ازاى ؟؟؟
فى حاجات مينفعش نسبتدلها لان مش هيكون فى فرصة لتكرارها
ماليزيا تتعوض لكن الفرح لأ
وايه المانع انى افرح انا واهلى
اللى مالوش خير فى اهله مالوش خير فى حد

Over

**blazer** · 08-09-2010 05:04 AM

المشاركة الأصلية كتبت بواسطة ainshouka

دا غير ان الناس يقعدوا يبصوا على مراتك وهى بترقص والاختلاط بيكون بطريقة مبالغ فيها اوى

ترقص !
ترقص مين ياعم الحج
انا باذن الله
اخرها تقوم تقف تسقف

انما لا هيبقى فيه رقص ولا اكل بالشوكه

ولا البوس اللى بيحصل دا
مش عارف ازاى واحد يبوس مراته ولو حتى على جبهتها ادام الناس

-

الموضوع: سؤال للفتيات (الفرح) ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

دموع الفرح ...!!!

فرصه للفتيات و الشباب

الفرح الاسلامي

اعمل الفرح فين

تكاليف الفرح .. نار نااااار

الكلمات الدلالية لهذا الموضوع

المفضلات

المفضلات

ضوابط المشاركة