بنزين 95 والأداء المتميز (وائل عطية)
كنت عايز آخد رأيكم في موضوع كده
أول مااشتريت عربيتي (فورد فوكاس) كنت باستعمل بنزين 92 لغاية مافي مرة اتزنقت ودخلت بنزينة في 6 أكتوبر وماكانش عندهم 92 فاضطريت أفول العربية بنزين 90 ومشيت وأنا خايف، وتابعت العربية كويس جداً خوفاً من حدوث أصوات غريبة أو انخفاض في الأداء بس لقيت إن مفيش فرق ملموس خالص، وفي مرة قابلت سبعاوي وجرب العربية وكان فيها بنزين 90 وكانت عاجباه
المهم استحليت الموضوع وكملت ببنزين 90 لحد لما مؤخراً بدأت ألاحظ انخفاض في الأداء وصوت تسقيف خفيف ، فقررت إني أفول العربية بنزين 95 كنوع من التنظيف كأني جبت منظف لدورة الوقود، وبعدين أبقى أكمل بنزين 92 ، بس الحقيقة اتفاجأت بالأداء وبحلاوة العربية ..والله بدون مبالغة حاسس إنها بقت عربية تانية، انطلاقها من الثبات وتسارعها على الطريق فرق جامد ومش ممكن تقول إن دي عربية أوتوماتيك !!
إيه رأيكم أكمل باستعمال بنزين 95 خصوصاً إني فولت بيه كام مرة وفرق الفلوس مش عالي قوي
ولا أرجع لبنزين 92 ؟