فكرة لمكافحة احتراف التسول: قائمة بالمتسولين المحترفين

**elassar2010** · 22-02-2009 04:44 PM

هى فكرة حلوة طبعا بس انا شايف ان الى بيشحت فى الشارع دة بيكون بيستعبط ومش عاجز ولا حاجة
لو كل واحد دور حولية فى الشغل او المنطقة السكنية بتاعتة هيلاقى ناس محترمة وشغالة بس مرتبها ضعيف بس مش بيتسولوا ويتحيلوا عليك دول يستهلوا الزكاة فعلا هما اولى بيها لانهم مش مقضينها شحاتة وخلاص

**smsmbakr** · 22-02-2009 05:07 PM

المشاركة الأصلية كتبت بواسطة mohmd76

عشان اريحكم البلد كلها مليانة كثير قوى قوى قوى
ولسة ياما هانشوف كثييييييييييييييييييييييي ييييير

كتييييييييير جدااااااااا

**bee** · 22-02-2009 05:16 PM

المشاركة الأصلية كتبت بواسطة Abdallah

فى واحدة فى بلورسعيد دايما بتبقا واقفة عند عربية دالاس او هاى بورجر بتاع الاكل, وهيا بتديك ورقة بانها خرساء وطبعا بتاخد الى فيه النصيب, اعتقد انها فى المكان دة بقالها حوالى 3 سنوات.

واحدة عجوزة فى بورسعيد بتمشى على كافتيرات طرح البحر كل يوم و واحد تانى بيمشى يحطلك فول سودانى على الطرابيزة رخامة كدة.

واحد فى المنصورة بيقف دايما بعكاز يبيع مناديل او بفوطة صفراء فى اشارة الهابى لاند مع انه مش معاق ولا حاجة.

ايه ده يا معلم ما شاء الله بورسعيد والمنصورة ..
طب خد دي ..
فيه واحده بتقعد قدام مستشفى السلاب في جزيرة الورد ..
وواحده تانيه قدام باب حديقة شجرة الدر في المشاية بس من الناحية التانية من الطريق

**eng.octooo** · 22-02-2009 10:44 PM

انا والله كنت ماشى فى اكتوبر عندنا مع اصحابى ولقينا واحدة قالتلنا انا مش لاقية اكل وجوزى طلقنى وحوارات كدة ومامعييش حق المواصلات لبلدنا هاتولى 120 ج مواصلاتى وخد الساعة بتاعتى رهن (طبعا الساعة ماتساويش 10 ج ) طبعا صعبت علينا لانها مش شكل وحد شحاتة وماخدناش منها الساعة وجمعنا من بعض واديناها الفلوس (كنا والله هاندخل السينما بيهم ومادخلناش وقضيناها فى النادىبس النصيب .)
المهم وبعدين رايحين نركب المواصلات علشان نروح لقيناها رايحة تركب عربية بيجو 504 بتاعتاها وساقتها ومشيت بس كانت نظيفة ومتلمعة ومعاها عيال شحاتين صغيرين فى العربية وجايبالهم موز وفاكهة وداخلة ولالا على بالها )

**M.Osman** · 22-02-2009 10:52 PM

المشاركة الأصلية كتبت بواسطة abou_ruqi

هام جدا للاسكندرانية

واحد صاحبي كان راكب تاكسي وكان واقف في اشارة المعسكر الروماني وشارع ابو قير ، وكان في الست العجوزة الشحاتة اللي بتلبس اسود اللي مستعمرة الاشارة دي

فالسواق قال لصاحبي : عارف الست دي ؟ عندها عمارة في (كليوباترا)
صحبي : لا يا راجل متقولش كده ؟
السواق : يا باشا زي ما باقولك ! عندها عمارة وانا ساكن عندها !!!

هاها هاها هاها .... على فكرة انا كمان شامن عندها

بهزر طبعا!

**mazagngi2010** · 22-02-2009 11:06 PM

فى كوبرى ناهيا للمشاه اللى على الشمال وانت طالع من ناهيا واحد عجوز وقاعد فارد ايده طول اليوم وواحد برضه قاللى ان عنده عماره!!!!
وعند التابعى الدمياطى اللى فى فيصل عامل نظافه غتيييييييت مبيكنسش الا الحته دى طول اليوم واتفضل ياباشا وكده

**abou_ruqi** · 23-02-2009 12:13 AM

أه فكرتني
كان في اسكندرية برضه قدام نادي الإتحاد من ناحية الترام بعد 12 بالليل بيقعد واحد من بتوع البيض اللي وقع
ودلوقتي نقل نشاطه قدام جرين بلازا وبيوقع منه البيض دلوقتي في أي وقت

بس أنا عند ملحوظة
العيال دي من الغباء اللي موردتش على حد , لأنه رامي كارتونة بيض وجنبها 7 أو 8 بيضات , المفروض يكسر تلاتين بيضة حمولة الكارتونة علشان ماتفهمش أنه نصاب !!!
بس ربك مع الموظفين الغلابة اصحاب القلوب الرحيمة , فعماه عن أنه يسبكها

**mohmd76** · 23-02-2009 12:29 AM

المهم عمى راح العجمى يصيف لقى الست دى مع ولادها واخدين شمسية وماجرين شقة وبيصيفوا وكانت لبسة لبس شيك جدااااااااااا جداااااااااااا
وولادها مايوهات

يا الهى هههههههههههه

اصدق هذا واكثر من هذا بكثير جدا

**mohmd76** · 23-02-2009 12:34 AM

تذكرت هذه بعد قراءة عدة مواضيع
كنت اتدرب فى بنك ما لمدة 30 يوم
المهم كنت فى الصاله لانى كنت اتجول فى كل الوظائف المهم كنت فى الصالة مع السادة المودعين ووجدت رجلا عجوز وكبير شكله وحالته تدل على فقر مرعب وتكاد تعطيه بعض من اموالك لان الشكل بجد فقر مرعب جدا وبحكم عملى فى التدريب كنت اتجول كثيرا ووجدت الرجل اقترب من الشباك امام الصراف ووجدته يسالها
هل تريد ايداع هذه الاموال فى الحساب الذى

بالدولار ام بالاسترلينى