الموضوع: فكرة لمكافحة احتراف التسول: قائمة بالمتسولين المحترفين

خطرت لى هذة الفكرة التى يمكنها ان تدعم النشاط الإجتماعى لمنتدانا،
إيه رأيكم نحاول نعمل قائمة بكل من نعرف من محترفى التسول ونحاول ننشرها على كل معارفنا

كل واحد مننا يعرف محترف تسول او اكثر يكتب شكله ومكانه ونعمل قائمة بيهم وكل فترة نعمل عليها Update وننشرها على كل من نعرف داعين لعدم تشجيعهم على ممارسة التسول الإحترافى

انا هابدأ باثنين اعرفهم:

فيه واحد متسول عجوز قصير القامة واقف دائما فى مطلع كوبرى اكتوبر من البطل احمد عبد العزيز، ومش بيقول حاجة لكن على طول يحط يده على فمه كأنه بيطلب أكل، كذا مرة تعمدت انى ابص فى عينيه مباشرة، شفت فيهم كما كنت متوقع عينين صقر، عينين قاسية جدا تجيبك من فوقك لتحتك وفيهما قدر كبير من الذكاء لا يتناسب نهائيا مع هذا المظهر العاجز الذى يدعيه اخينا

وفيه واحدة متسولة بتقف فى الطريق الواصل بين المنطقة الحرة بمدينة نصر وبين جامع السلام وشارع ذاكر حسين، رغم ان المنطقة دى شبه مقفرة والسيارت تمر بها بسرعة لكن الست دى من معالم المنطقة، لا ترى منها سوى ملاية سوداء وواقفة على طول على شمال الطريق فى الإتجاه من منطقة المدافن والمنطقة الحرة الى جامع السلام 24 ساعة فى اليوم كأنها عمود مزروع هناك

ارجو من كل من يعرف المزيد من محترفى التسول يضيفهم لهذة القائمة

المشاركة الأصلية كتبت بواسطة abou_ruqi

هام جدا للاسكندرانية

واحد صاحبي كان راكب تاكسي وكان واقف في اشارة المعسكر الروماني وشارع ابو قير ، وكان في الست العجوزة الشحاتة اللي بتلبس اسود اللي مستعمرة الاشارة دي

فالسواق قال لصاحبي : عارف الست دي ؟ عندها عمارة في (كليوباترا)
صحبي : لا يا راجل متقولش كده ؟
السواق : يا باشا زي ما باقولك ! عندها عمارة وانا ساكن عندها !!!

بمناسبة الموضوع دة احنا فى جامع قريب من بتنا وكان فية واحدة عالطول قاعدة على الباب بتتسول وعمى عارفها وعارف شكلها طبعا لانة بيصلى فية
المهم عمى راح العجمى يصيف لقى الست دى مع ولادها واخدين شمسية وماجرين شقة وبيصيفوا وكانت لبسة لبس شيك جدااااااااااا جداااااااااااا
وولادها مايوهات