حد ممكن يساعدني عاوز اقسط النترا بس اسلامي حد عارف معرض موزع
عرض للطباعة
حد ممكن يساعدني عاوز اقسط النترا بس اسلامي حد عارف معرض موزع
شوف يا جميل أنا مقسط إسلامي (الإنتر 2010) مع بنك البركة (التمويل المصري السعودي سابقا )
والحمد لله هما ناس محترمين
لو عاوز مساعدة أنا ممكن أديك رقم الراجل اللي عمل معايا الديل وهو هيساعدك isA
السلام عليكم و رحمة الله و بركاته
بص حضرتك فيه الشركة العالمية المتحدة للتجارة
دول بيقسطوا تقسيط مباشر مع الشركة بدون بنك بنسبة مرابحة 9%
بدون فوائد على التأخير و لكن في حالة التأخير بيتخذوا اجراءاتهم القانونية و بيحملوا المصاريف القانونية على المشتري
التأمين مش إجباري و ده شئ كويس بالنسبه للي عايز معاملة اسلامية ولكن بيزودوا 1% كمان اذا كنت مش هتأمن
دي معلوماتي عنهم ولو حضرتك ليك اي استفسارات تانية
دي ارقام تليفوناتهم
24538762 - 24538754 - 24538068
فى يا أخى بنك أبو ظبى الاسلامى بيعمل مرابحة ولو من الاسكندرية أنا أعرف واحد هو الى خلصلى عربيتى
طبعاً كلكوا هتهاجموني عشان اللي انا هقوله ده... بس مفيش حاجة اسمها تقسيط اسلامي مدام فيه مليم زيادة على تمن العربية كاش
يسموه نسبة مرابحة... يسموه قسط... يسموه فايدة... كله في الاخر اسمه "استغلال انك معاكش تمن السلعة لتحقيق برح أكبر"... ربا يعني
انا مشتري عربيتي بالقسط بس ضميري مش مرتاح... وبقول يا رب اغفرلي عشان انا كنت مضطر اعمل كده.. وناوي ان شاء الله دي تكون اخر مرة اشتري سلعة استهلاكية بالقسط.. ممكن عقار او حاجة انما عربيات لأ... وانا شايف انه الواحد يستغفر ويقول انا مضطر احسن ما نقول نظام اسلامي ولسان حالنا بيقول ان احنا استغفر الله ضحكنا على الاسلام.. ومش هقول اكتر من كده
انا مش منتظر ردود على كلامي... ومش متابع الموضوع اصلاً ومش هتابع الردود عليه وممكن الادارة تتفضل تحذف مشاركتي لو الكلام مش عاجب أي حد.. وممكن تحذفوا عضويتي كلها لو عايزين.. وارجو عدم مراسلتي على الخاص بأي شيئ له علاقة بالمشاركة دي... ولكم مني جزيل التوقير والاحترام ومتأسف مقدماً لو كلامي اهان حد
اتفضلوا يا اخواني متسمعوش كلامي انا
http://www.facebook.com/video/video.php?v=1609037387358
لا طبعا فيه تقسيط اسلامى........
بس واضح انكم فاهمين التقسيط الاسلامى غلط ............الزياده فى السعر او الفايده او نسبه المرابحه او الزياده فى حالة البيع بالقسط...حلااااااااااااااا اااااااااااااااااااااااا اااااااااااال .......الحرام هو بيع ما لا تملك
البيع بالتقسيط يكون حراما اذا كان الذى يبيع لا يملك.......فقط............................. انما وضع زياده على السعر فى حال التقسيط حلااااااااااااااااااااااا اااااال............
يعنى كمان مش ناوى تقرا ردود يعنى تقول كلمتين وعلينا ان احنا نقول امين ومعندكش اى استعداد تفهم قفلت المحل ومشيت يعنى...........
عموما كلامك غلط.....انت فاهم التقسيط الاسلامى غلط..................ربنا يهديك ويجعلك تسمع اكتر ماتتكلم........ويجعلك من الذين يستمعون القول فيتبعون احسنه............
بالنسبة للشروط أنا مش عارف لأني شغال في شركة عملا اتفاقيه مع البنك علشان كدة هما بس بيحتاجو مننا (HR letter )
أما الفايدة فهيا تقريبا (٦.٢ %) بس ده برضو مش عارف أه نظامه للأفراد
و لازم ضامن لوهتدفع مقدم أقل من ٥٠ % من تمن العربية
التأمين إجباري بس هو إسلامي لأنو بيشتريلك العربية مش بيديلك فلوس تشتريها
ولو عاوز تعرف أكتر أنا تحت أمرك
ربنا يكرمك ويوفقك للخير isA
و في بنك ناصر الاجتماعي اسمع ان القسط بتاعه اسلامي لانه بيشتري العربيه و بعدين يبعهالك و الله اعلم
انا متفق معاك جدا و كلامك مظبوط طبعا فيه فرق كبير بين ان بنك يقرضك ثمن العربية و ترد الفلوس بفايدة (ده عين الربا)
و بين ان معرض او مكان يبيعلك العربية اللي هوا بيمتلكها و في حوزته بس بيع بالأجل مع وضع زيادة في ثمن العربية نظير البيع بالأجل و دي معامله تجارية اسلامية اقرها العلماء