ايه ياشباب هيونداى
انا معايا الينترا 97 خليجى
وعايز شويه قطع الغيار ده
وعايز اعرف اسعارها استيراد وجديد
1- مساعد امامى يمين
2- مرايا كهرباء يمين وشمال
3- اكصدام امامى وخلفى
4-سبرتينه تكيف
وشكرا لرجاله المنتدى
مقدما
عرض للطباعة
ايه ياشباب هيونداى
انا معايا الينترا 97 خليجى
وعايز شويه قطع الغيار ده
وعايز اعرف اسعارها استيراد وجديد
1- مساعد امامى يمين
2- مرايا كهرباء يمين وشمال
3- اكصدام امامى وخلفى
4-سبرتينه تكيف
وشكرا لرجاله المنتدى
مقدما
انزل شارع دمشق واسأل عند نافع ناشد. هو غالي شويه بس قطع الغيار نضيفه
شكرا يمان محدش يعرف اسعار قطع الغيار تعملها ف حدود كام
انا كنت داخل اسأل علي العربيه دي وكل المواضيع اللي لاقيتها للأسف أسئله بدون ردود
يا ريت الله يكرمك تقولنا اخبارها ايه معاك وصيانتها عاديه ولا معقده
كربيراتير ولا انجكشن
متوسط سعر العربيه كام
قطع الغيار اللي تعرفها ومتوفره ولا لأ ، وتقييمك للعربيه بالكامل يا رييييت
شكراً جزيلاً
شوف يمان ان لسه قريب اتعلم واتثقف واعرف معلومات ومعرفه عن السيارات بدأت منذ دخولى هذا المنتدى تمام يعنى من سنه كده والعربيه بقالها معنا 4 سنين اشترينها مستعمله
كانت عامله حوالى 75 الف كيلو لانه صاحبها كان بيسافر علطول تمام المشكله اننا مكنش عندنا خبر ف العربيات فكانت كل حاجه شويه محتاجه تتغير فاحنا شبه غيرنا كل حاجه ف العربيه طبعا عدا الموتور لانه بقوته وجبار بمعنى الكلمه
هذه نبذه صغير المهم كانت قطع الغياره بتعاتها متوافره واسعارها الى حدا ما كويسه
وهى 1600 انيجكشن بس موترها ماشاء الله جبار وثابتها جميل وهى بتاعت الوالد بعد منا جبت لوجان لكت هيونداى تفوق ع موتور لوجان بمراحل بامانه
بس انا بقى نقصلى قطع الغيار الى طالبها فوق ده سالفه الذكر هجيبها ان شاء الله واظبطها وارشها رشه نظافه من بره خارجيه عدا السقف لانه فابريكه
بس فعايز حد يرد على ويقولى اسعار هذه القطع وحبذا مكان مضمون اشترى منه
وشكرا مقدما ويارب اكون اقدرت افيدك
شكرا للإفاده ، ويا ريت لو جمعت أسعار أي قطع غيار تفيدنا بيها وهل لاقيتها بسهوله ولا الدنيا صعبه
وأكيد لو عرفت الموتور ده نازل في موديلات ايه تانيه هيريحك في البحث عن قطع غيار الموتور
ان شاء الله لو فيه جديد هعرفك علطول فين وحوش يفيدونى فين القى القطع ده واسعارها
بص ياسيدى
دى شوية حاجات من الحرفيين ديسمبر 2010
طلمبة مياه 175
قاعدة موتور شمال 225
قاعدة موتور قدام 125
سير كاتينة ايطالى 140
سير تكييف - باور - دينامو 30
بليتين شداد 300
تيل فرامل امامى 80
فلتر بنزين 60
فلتر زيت فتيس 90
عربية كويسة جدا بس خسارة قطع غيارها مش متوفرة عشان هى نفسها نادرة----------بس كنت عاوز اعرف هو موتورها لو حبيت اغيرة بموتور استيراد ياترى يركب مكانة موتور هونداى ايةفى حالة انى ما لقيتش موتورها الاصلى
موتور فيرنا ياباشا او ماتور الينترا الشيب القديم او ماتور سونتا القديم ال 2000 سى سى بس انا لسه بدور ع القطع غيار ونفسى القى ميكانيكى كويس يفهم فيها
على فكرة قطع الغيار متوفرة فى التوفقييه وارخص من كدة
انا محتاج محلات قطع غير معروف باسعار انا مستر الفرامل عندى بينزل الزيت بتاع العجله الشمال والدبارياج مش عايز يجيب غيار مش عارف اعمل ايه ياريت لو حد عارف ميكانيكى شاطر ف العربيه ده يقولى كل الى روحتهم مش فاهمين فيها حاجه
ده وصف و اقتباس جبته ليك من الموضوع ده
http://www.nilemotors.net/Nile/90320-a-6.html#post3872713070
بتمشى كأنك رايح كورنيش ماسبيرو
و بعدين لغاية اما توصل لكوبرى روض الفرج تعمل يوتيرن و تطلعه تنزل في اول شارع الوحدة , هتلاقى الورشة على ايدك اليمين بعد اما تنزل علطول , بيت رقم 15
وده موبايله 0101520762
--
شكرا ياباشا
بص يا باشا
طبعا كان بودى انى اقرا رسالتك دى من زمان بس للاسف مقرتهاش الا و انا بابيع عربيتى :E_braces[1]:
و طبعا مش بابيعها عشان هى وحشة !!!!
العربية دى بجد ممكن اقول فيها اشعار لانها معايا بقالها سنتين و زعلان جدا عشان بابيعها بس للاسف محتاج فلوسها
بالنسبة للمساعدين عندك اختيارين :
الاول تشتريهم كورى جديد ماركة ماندو و دول يعملوا 650 الطقم
- او تشتريهم مونرو و دول يعملوا 900 او 950 جنية و بتاخد عليهم ضمان سنة
و طبعا يارييييييت ما تشتريش مساعدين استيراد خالص حتى لو بنص التمن
اما بالنسبة للمرايات و الاكصدامات فا انا مغيرتهمش عندى و الحمد لله ده غير ان المرايات عندى كمان مش كهرباء بس ممكن اقولك تشتريهم منين
و شكرا
pro_samir باشا
- بالنسبة للعربية دى فهى تحفة مالهاش بحل بشرط تكون عربية مش متهانة لانها نزلت فى بدايات الانجكشن و طبعا الصنايعية عندنا فى مصر الموضوع ده كان جديد عليهم و الفتى كان كتير .
بس لو لقيت عربية حالتها كويسة متترددش
مشكلتها فى حالتين بس:
- الناس اللى بتبيع قطع غيارها محدودة بس قطع غيارها موجودة جديد(الكورى اصلى ) و استيراد
- اعادة البيع بتاعها صعب عشان العربية عندنا مش منتشرة و الناس متخيلة ان مالهاش قطع غيار
- فيه اشاعة على العربية بتقول انها بتسخن و ده غلللللللللللللللللللط مووووووووووت و ده راجع لانها مالهاش شبكة من ادام (الكبوت قافل على الاكصدام) لكن الفتى عندنا مفيش اكتر و اسهل منه
- العربية بصفة عامة حمالة قاسية و زلطة و اصيلة جدا و ناعمة جدا و واسعة جدا و ثبات هايل على الطريق شرط تقفل الزجاج و انت سايق(انا كنت باجيب بيها 180 على طريق مرسى مطروح و اضطريت مرة انى افرمل جامد و رغم كده العربية كمان مع الفرامل كانت ثابته جدا و معومتش)
- تكييفها حلو جدا و من جوه فعلا شيك بالمقارنة بالانترا 2002-2006 (2002 من جوه وحشة قوى)
- طبعا موتورها جبار (اللى لقيته احسن منها بصراحة كانت التويوتا موديل 2005 ال1300سم) .
mmmmgogommmm باشا
مانتش محتاج تعمل كده خالص
العربية بجد موتورها شديد و موجود فى كل مكان
فيه اكتر من 2 ممكن تلاقى عندهم موتور كامل فى الحرفيين
- و طبعا لو حابب تنزل بورسعيد هتلاقى العربية دى هناك زى اللانسر عندنا كده
منتشرة هناك جدا هى و المازدا الفاميلى لو تسمع عنها.
و شكرا
بص يا سيدى
انا طبعا عربيتى اوتوماتيك بس هاحاول انى اساعدك عندك اختيارين :
1- ممكن تروح الاول لواحد بتاع فرامل بس و تخليه يكشف لك على الفرامل بالكامل و يغير لك البايظ و ده للاسف اللى باتعامل معاه مش من القاهرة بس ممكن انت تسأل عن واحد بس متخصص فى الفرامل و هو فعلا هيفيدك
2- فيه ميكانيكى انا باصلح عنده عربيتى بقاله سنتين و هو فعلا شاطر و حتى لو مكنش شاطر فهو اكيد بقى شاطر فى عربيتى بالذات :F_eyeb1[1]: و هو راجل محترم بصراحة و فيه كمان ميزة ان قطع الغيار عندك فى الحرفيين يعنى مش هتتعب اللى بايظ هتغيره و لو حابب ابعت لك رقم تليفونه
دى بعض اسعار قطع الغيار اللى انا اشتريتها بنفسى :
- جوز فوانيس اشارة كورى اصلى 150 جنيه
- كارتيرة رفرف امامى كورى 85 جنيه الواحدة
- 2 بلية كاتينة ثابتة و متحركة كورى (محفور عليها علامة هيونداى) 200 جنيه
- فلتر بنزين 60 جنيه
- فلتر فتيس اوتوماتيك (90-100) جنيه عشان مش فاكر اوى بالظبط
- سير كاتينة ايطالى 120 جنيه
- طقم بوجيهات سن 16 واحد شمعة gnk و ده كان تمنه 45 جنيه
- فلتر زيت الموتور ده ممكن تلاقيه فى البنزينة عشان فلتر هونداى العادى بيركب عليها و ده تمنه فى حدود 25
و ان شاء الله اجيبلوكوا بقية الاسعار و تاريخ الشراء بالظبط لانى مسجل كل ده عندى على الكمبيوتر بتاعى
نستكمل باقى اسعار قطع غيار الانترا 97
- 2 كوبلن ماركة yac تايوانى 220 جنيه و فى منه كمان يابانى بس كان غالى شويه (15 ابريل 2010)
و على العموم المشكلة مش فى الكوبلن المشكلة فى الكوتشة اللى بتحمى الكوبلن لانى دورت عليها فى الحرفيين عشان الاقيها جديد لكن مكنتش زى الاصليه بس لقيت الكاوتشة الاصليه استيراد و كانت فعلا جديدة بس كانت ب 50 جنيه
- 2 مقص كورى اصلى 650 جنيه
- 2 طنبورة كورى اصلى 425 جنيه
- 2 بلى عجل امامى اصلى 220 جنيه
- 2 شداد ميزان كورى 110 جنيه
- بيض دركسيون 100 جنيه
- طقم تيل فرامل frixa و ده تمنه 80 جنيه
- ماسورة مياه حديد (من الرادياتير للموتور) 120 جنيه و دى قليلة فعلا.
- رادياتير جديد كورى اصلى ماركة hcc و ده تمنه 625 جنيه.
- مروحة رادياتير + موتور مروحة ماركة hcc برده و كان تمنهم 200 جنيه
-اكرة باب شمال داخلية ماركة mobis و تمنها 40 جنيه
- قاعدة موتور كاملة ( اللى موجودة اسفل فلتر الهواء ) كورى اصلى ماركة mobis تمنها 275( و دى برده قليلة شوية )
و على فكرة الكاوتش الى بيركب فى القاعدة ليه غيار جديد يعنى مش لازم تغير القاعدة كلها لو الحديد بتاع القاعدة سليم
بس انا اشتريت قاعدة كاملة عشان الغيار الكاوتش بتاع القاعدة دى بالذات كان مصرى و شكله كان هيبوظ تانى يوم
لكن قاعدتين الموتور اللى راكبين على القنطرة موجود منهم غيار كاوتش و كورى كمان
و على فكرة الاسعار دى تقريبا ما زادتش
على فكرة يا جماعة
انا معايا الكتالوج بتاعها كمان لو حد حابب يسأل عن اى حاجة فى الكتالوج
بس يا ريت اللى عايز يسال قبل ما العربية تتباع
و شكرا
شكرا ياباشا انا استفد من سعتك كثير ياريت لو تبعتلى نمرتك ع الخاص
شكرا جزيلا أستاذ ابو السعود
العفو يا جماعة انا معملتش حاجة
و ياريت اللى انا كتبته يكون فيه الافادة
أحمد أبو السعود