الموضوع: البنك ابن التييييت كريدي اجريكول

المشاركة الأصلية كتبت بواسطة esam_comm

والله حضرتك لو تعرف انا متضايق اد ايه مش هاتصدق المشكله مش الفلوس بدليل اني سيبتلهم باقي الفلوس اللي في الوديعه وخلاص لاء ده مش مكفيهم ده بيحسبو فوائد علي الفيزا اللي متكنسله من شهر يوليو 2007 تخيل وانا اصلا اللي ليا فلوس بس الظاهر الانسان اللي بيكبر دماغه ويجي علي نفسه زي حالاتي علشان وجع الدماغ يستاهل اكتر من كده مليون مره بس انا نازلهم الشهر الجاي ولو هاصرف مليون جنيه علشان اضرهم هاعملها ولو رسيت علي اعلان في الجرايد لحسن انا اتنفخت وهاطق من جنابي والله شوف حضرتك الموقف ده
تخيل لما موظف خدمه عملاء يقولك هات الايصال بتاع طلب كسر الوديعه ويخليني اروح البيت من المهندسين للشيخ زايد واتخانق مع زوجتي لانها ضيعت الايصال ده ولما رجعت قولت له وريني واحد زيه علشان اعرف انا بدور عليه تخيل حضرتك يقولي انا اصلا ماقولتلقش انه في ايصال ده عباره عن طلب بيتكتب ومالوش ايصال يعني الافندي كان بيمشيني من البنك وخلاص ده انا دمي محروووق حرقه

انا اسمع عن حاجه اسمها التفتيش فى البنك المركزى - اعتقد لو شكوى من الحركات الزباله دى يمكن حد يتحرك - بس انا اعتقد البنك ده وراه حد سانده - لانه مش شايف له اى نشاط ومع ذلك مستمر - ؟؟؟؟

معلش - هو لو كل واحد قال لدايره معارفه ووصاهم هم كمان ينشروا البنك المقرف ده - اعتقد شويه وحيتيجى ضرفه ان شاء الله

انا كمان افتكرت حاجه تدل على انهم شوية لصوص- لما كان البنك باسمه القديم الفلوس كانت فى حساب جار استثمارى - يعنى كان له فوايد- لما قلبوا وانا مسافر - وسبت المبلغ ده - رجعت بعد سنتين ابص الاقى ما فيش ولا مليم فوايد ووبجاحه شديده بيخصموا مصاريف بنكيه ؟؟؟؟؟
قلت لهم ايه الهبل ده قالوا اصل الحساب كان متحول عليه مرتب- قلت له هو مين اللى فتح الحساب مش انا ؟؟؟؟
صحيح الشركه الهابله هى اللى طلبت وقت ما كان لسه على الاسم القديم اننا نفتح حساب - لكن ده ما يرتبش لها اى حقوف على حسابى !!!!!!!!!!!!!
حتى بعدها قابلت محاسب الشركه وقلت له على قرفى معاهم- قالى تصدق بايه انا - وهو راجل كبير فى السن- لو فاضى لاروح ارقع كل عيل منهم قلمين واقفل حساب الشركه - ده الاهلى سوستيه حفيوا ورايا -بس صاحب الشركه يظهر له معرفه منهم علشان كده مطول باله عليهم

يا جماعه بجد لازم ناخد كلنا موقف من البنك ده واي حد بيقدم خدمه بالشكل السيء المقرف ده لان انا في شغلي المفروض اني بنفذه علي اكمل وجه فابنتظر اني اتلقي خدمه علي اكمل وجه بخلاف انهم بياخدوا مصاريف اداريه مقابل هذه الخدمات ومابيقدموهاش بشكل كويس بجد شويه نصابين طبعا مش افراد انا بتكلم علي سياسه بنك

المشاركة الأصلية كتبت بواسطة msafa

معلش انا عندي رأي مختلف

انا متمرمط في موضوع الفيز دا بقالي كذا سنة و كانت معايا واحدة من اكثر فيز مصر وجاهة اللي هي داينر كلوب و صباحة بريستيج يعني تأمين و خصومات و صالة كبار الزوار و حاجات كده

المهم، لازم تكون حذر جدا جدا في موضوع الفيزا اي كان البنك لأنها ليها تريكات كتيرة
وبعدين آخر قرار وصلتله انك لما تقفلها بركة فلوسك هتزيد


و كل سنة وانت طيب

ياباش مهندس تريكات ايه بس الكلام ده في مصر المفروض ان الفيزا دي حاجه تسهلك الحياه يعني حاجه للراحه مش وجع دماغ ومقالب من بتاعه البنوك المصريه دي
وكل سنه وحضرتك طيب