الموضوع: البنك ابن التييييت كريدي اجريكول

المشاركة الأصلية كتبت بواسطة esam_comm

السلام عليكم
انا باختصار واصل لمرحله اني ممكن اصور قتيل بسبب البنك ابن تلاتين تيييت اللي اسمه كريدي اجريكول هاحكي لكم القصه من الاول واحده واحده علشان تقولولي اعمل ايه

انا كنت فاتح حساب في البنك المصري الامريكي من زمان وجيه غيرو اسمه وخلوه كريدي اجريكول المهم كان مرتبي بيتحول عليه انا حطيت فلوس وعملت فيزا يعني بياخدوا جزء من الفلوس يعملوه وديعه وبضمان الوديعه بيعملوا فيزا ليها ليمت اقل من الوديعه لحد كده كويس ومافيش مشاكل

جيت كنت مسافر فجاءه في خلال اسبوع لازم اسافر روحت قولتلهم ياجماعه انا عايز اكسر الوديعه واديكم الفيزا قالولي ماينفعش لازم توقف الفيزا وبعدها بثلاثه شهور تاخد الوديعه وقالي ممكن تسحب الليمت المتاح ليك من الفيزا وتعمل طلب الغاء للفيزا وطلب كسر وديعه وتسديد فلوس الفيزا لحد كده تمام المهم عملت كل اللي قالي عليه الموظف واستلم مني الفيزا وقصها بالمقص والطلب بتاع كسر الوديعه تمام بعدها بيومين سافرت المهم بعد 6 شهور رجعت كان المفروض ليا حوالي 1200 جنيه بعد كل الحوارات لما نزلت روحت اسحب الفلوس قالولي مالكش فلوس روحت خدمه العملاء ووجدت المفاجاءه عليا اكتر من الف جنيه طب ازاي بعد تدوير وحوارات لقو ا الطلب بتاع الغاء الفيزا

انما الطلب بتاع كسر الوديعه مالقهوش وقالولي هات الايصال بتاعه المهم روحت ادور في البيت علي الايصال ده مالقتهوش وانا مابرميش ورق وبصراحه مش فاكر اني اخدت وصل بالكلام ده المهم رجعت البنك سالت الموظف عايز ايصال شبه اللي بتسالني عليه علشان اعرف انا بدور علي ايه قالي يافندم انا ماقولتلقش ان في وصل بالكلام ده بصراحه انا شتمته وقولت له انت كداب لانه بعتني يعني قالي روح هات وصل يثبت الكلام بتاعك وهو اصلا مافيش وصل وده طلب يتكتب علي ورقه
وبيتقدم المهم دخلت للمدير وقالي الظاهر ان الطلب بتاع اغلاق الوديعه ضاع ومامشيش وكان لازم تتابعه قولتله طب اعمل ايه دلوقتي قالي استعوض ربنا في الفوس اللي كانت ليك والفلوس الفوايد بتاعه البنك هانقول انك كنت مسافر والحوار اللي حصل ده قولت ماشي وانا دمي محروق بعد كده سافرت تاني فوجئت لاقيت زوجتي بتقولي البنك باعتلك رساله وبيقول الحد الادني للفيزا اللي المفروض يدفع 2000 جنيه قبل 15سبتمبر طب انا اعمل ايه

الفيزا بتاعتهم اللي مابتموتش دي يعني بجد من بعد ماكان ليا فلوس يطلع عليا اكتر من 2000 جنيه يعني خساره اكثر 3000 والمصيبه اني هادفع من جيبي ده المفروض يعني فاانا نازل الشهر الجاي وبصراحه مش عارف اعمل ايه لو حد عنده خبره مع البنوك ياريت يفيدني انا دمي محروق وحاسس اني حقي ضايع وبفكر ارفع عليهم قضيه حتي لو هادفع فلوس بس افش غلبي لاني هانفجر

ابعت ايمايل بمشكلتك دى للهيد كوارتز بتاعهم فى امريكا
واكتب انك بتحتفظ بحقك فى الرجوع عليهم بالمقاضاه والتعويض المناسب
حتولع الدنيا هنا من فوق وشوف النتيجه

ال debit cards زي Visa Electron و MasterCard Electronic ما بتشتغلش عالنت .... و الكلام ده في أي بنك

الكلام دا غلط 100%
اما فيزة muslima دى prepaid card معلمولة علشان تشتغل على النت و atn بس هما نايمين على روحهم و مبيدخلوش الاسامى على الكارت (يعنى تشترى الكارت و تملى application و بعدين مفروض يدخلوا الاسم من على الapplication على الcomputer علشان لما تيجى تستخدم الكارت على الانترنت يشتغل )!!!!!
بنك تعبان جداااااا

المشاركة الأصلية كتبت بواسطة msafa

معلش انا عندي رأي مختلف

انا متمرمط في موضوع الفيز دا بقالي كذا سنة و كانت معايا واحدة من اكثر فيز مصر وجاهة اللي هي داينر كلوب و صباحة بريستيج يعني تأمين و خصومات و صالة كبار الزوار و حاجات كده

المهم، لازم تكون حذر جدا جدا في موضوع الفيزا اي كان البنك لأنها ليها تريكات كتيرة
وبعدين آخر قرار وصلتله انك لما تقفلها بركة فلوسك هتزيد


و كل سنة وانت طيب

اة والله فعلا ان خدت القرار دة خلاص لانى من يوم ما عملتها وانا مش حاسس ببركة فى الفلوس نهائى

المشاركة الأصلية كتبت بواسطة ahmed samy

مش هاتوصل لحاجة طبعا

الإليكترون للاستخدام الباشر face to face و لا تصلح للإنترنت العيب مش في البنك

ال اش اس بى سلى - ما بيطلعش فى مصر بطاقة فيزا للنت - سالتهم ليه قالوا علشان وجع الدماغ - هم بنك محترم واعتقد انهم فى مصرنا المحروسه لقوا الموضوع حيدخل فى متاهات النت والنصب قالوا خلينا بعيد احسن- بس بره مصر بصراحه الكارت بتاعهم محترم من كل الجهات