-
مصر رايحه على فين
عربيتي بعملها عمره ولاول مره من 5 شهور من ساعة ما جبت العربية انزل شغلى الصبح مواصلات
انا فعلا ما كنتش متخيل الحاله المزريه اللي وصل ليها الشارع المصري والمواصلات حتى الناس
انا لا لاقى تاكس ولا ميكروباص ولا حته عارف اتشعبط في اتوبيس الناس ماشيه فى الشارع بتكلم نفسها وبتشتم في البلد وفى الحكومه وفى المرور وفى الدنيا كلها والله الناس بتكلم نفسها فعلا انا رحت شغلي من فيصل للتحرير في ساعتين مع العلم اني نازل من بيتي الساعه 7 الا تلت
بالشكل ده انا اتوقع ان مصر كمان سنه اللي رايح مشوار ينزل من بيته قبلها ب 4 ساعات
ربنا يرحمنا برحمته ويتورب علينا بأه ويارب العربية تخلص بسرعه عشان يومين كمان وهاطق
-
أنا لما فكرت أعمل زيك كده و أنزل مواصلات كنت هاتقلب فى ميكروباص هههههههه
-
انتبه من فضلك مصر ترجع الى الخلف
انتبه من فضلك مصر ترجع الى الخلف
انتبه من فضلك مصر ترجع الى الخلف
تك تك تك بوووووووووووم
لو فضلت كده حاتبقى دى النتيجة !
-
أبوس ايدكم..انا مش ناقص كآبة..مش ممكن يبقى ما فيش حاجة كويسة في البلد دي..لازم يبقى في أمل..ده حتى الرسول صلى الله عليه وسلم قال "الخير في وفي امتي ...(إلى آخر الحديث)"
-
يا جماعه كل اما اسمع كده افتكر مقوله شهيره في احد افلام الجاسوسيه المصريه وكأنه كان بيقصد بلد تانيه!!!!!!!!!!!!!!!!!!!!!!!!!!
"هي ده مصر يا عبله"
-
مصر رايحة فين ...
مصر رايحة آخر فيصل من الجيزة ...لو عايز ممكن تستناها هناك ..الساعة 10 سنة 3010
-
رايحة تجيب فول من اول طريق الى يروح مايرجعش
-
أنا رحت سفاجا من كام شهر ولفت نظري حاجه لطيفه أوي :)
إن ماحدش هناك بيدوس فرامل إلا لما يكون عاوز يدوس فرامل :)
يعني ماحدش بيدوس فرامل عشان الشارع وقف ولا عشان في حد زنق عليه ولا أي حاجه من الكلام ده، هناك هاتدوس فرامل عشان تقف في المكان اللي إنت عاوزه أو عشان تهدي قبل ما تخش على تقاطع :)
شئ جميل، مش كده؟
-
مصر ........ يا مصر ......... ألحقوني يا جماعة مصر مش بترد :mad:
غياب التخطيط الحكومي ......... زيادة سكانية رهيبة .......... تكدس سكاني رهيب في مكان ضيق ......... أنتشار الجهل و التخلف .............. عدم وجود تخطيط نهائي ,,,, لا للمستقبل و لا الحاضر ...... و الشعب بيأكل في بعضه و ربنا يستر
-
أنا عن نفسي بدأت أقتنع ان البلد دي ما فيش منها رجا
خلاص
Content Relevant URLs by
vBSEO 3.6.0 PL2