الكوناك معلق ساعدونننيييييييي

**totosaga** · 08-09-2010 02:36 AM

انا عربيتي ساجا اوتوماتك وعملت بيها 85 كم لحد دلوقتي العربية ما شاء الله تمام ولكن حصل معايا النهارده موقف زبالة الصراحة اسف في اللفظ لانه عمللي احراج كتير ووترني اللي حصل اني كنت بحاول ادور العربية لقيت المفتاح مش راضي يتحرك نهائي لفيته نفس الكلام من هنا لهنا مافيش اكتر من تلت ساعة لحد ما لقيت ميكانيكي جه وقعد يعافر بتاع ربع ساعة لحد ما دارت الحمد لله يا ليت تقوللي اعمل ايه يا اسود البروتون وعاوز اعرف ايه مواعيد التوكيل في بقية رمضان وكمان مواعيد التوكيل في العيد بعد اذنك طبعا وانا من اسكندرية على فكرة وشكرا مقدما

**Tarek Gen 2** · 08-09-2010 03:28 AM

انت اوتوماتيك صح ؟؟

**eng.m7md.ali** · 08-09-2010 04:23 AM

اعتقد بسبب الدريكسيون
يعني ممكن تكون بطلت العربية والدركسيون مكسور

**be7ee** · 08-09-2010 06:53 AM

في الغالب ممكن يكون يا دركسيون مقفول يا انت كنت سايب الجير علي حاجة غير ال p

**spiderloking** · 08-09-2010 07:20 AM

المشاركة الأصلية كتبت بواسطة be7ee

في الغالب ممكن يكون يا دركسيون مقفول يا انت كنت سايب الجير علي حاجة غير ال p

الكلام ده مظبوط انا بتحصل معايا متقلقش خالص بتحصل لما بكون كاسر الدركسيون علي الاخر و الدركسيون يكون مقفول او لما تكون حاطت العربيه علي غيار غير ال p او ال n العربيه عمرها ما هتدور و في حاله لما الدركسيون يكون مقفول حرك الدركسيون حته صغيره و بعدين حرك المفتاح و ابدأ دور هتلاقيه بتدور معاك

**spiderloking** · 08-09-2010 07:23 AM

عاوز اقول نصيحه لأي حد يا جماعه حاولوا مش تدوروا العربيه ايلا لما لمبة الاير باج تطفي علشان ده غلط علي العربيه و ساعات ممكن مش تدور معاك من اول مره يعني اول ما تفتح الكونتاكت سيب العربيه حوالي 5 ثواني و بعدين ابدأ دور العربيه مش اول ما تحط المفتاح تقوم مدور علي طول علشان غلط ياريت يا جماعه كلوا ياخد بالو من اللحته ديه

**totosaga** · 08-09-2010 02:41 PM

طمنتوني يا رجالة والف شكر الصراحة

**mrwho1982** · 08-09-2010 03:07 PM

احسن وحوش بروتون

للعلم القسم ده بجد شغال زي الفل

الي الامام وحوش بروتون

**Nistelrooy** · 08-09-2010 04:58 PM

المشاركة الأصلية كتبت بواسطة spiderloking

عاوز اقول نصيحه لأي حد يا جماعه حاولوا مش تدوروا العربيه ايلا لما لمبة الاير باج تطفي علشان ده غلط علي العربيه و ساعات ممكن مش تدور معاك من اول مره يعني اول ما تفتح الكونتاكت سيب العربيه حوالي 5 ثواني و بعدين ابدأ دور العربيه مش اول ما تحط المفتاح تقوم مدور علي طول علشان غلط ياريت يا جماعه كلوا ياخد بالو من اللحته ديه

شكرا ع المعلومة دي ..