موضوع خاص باصحاب الهوندا سيفيك او محبى امتلاكها
هذا الموضوع لكل من يملك او يريد امتلاك هوندا سيفيك الجيل الخامس من عام 92 الى 95
او sir من عام 96 الى 2000
عن طريق تبادل المعلومات عن السيارة وكل من يمتلك السيارة يؤلنا اة اخر الاخبار و اذا حب يشد العربية بتاعتة يدينا التفاصيل و الاسعار و كدة
ودة قصة الاستاذ handoussa اذا كان لا يمانع على لسانة حتى نستفيد منه
القصة//////////////////////////////////
انا واحد معايا هوندا سيفيك si موديل 93 شاريها من حوالى سنتين ب 54 الف من مرات سفير و كانت معظمها فبريقة و دفعت عمولة 1000 جنيه للى جابهالى و عملت تشيك عليها و عملت صيانتها صرفت حوالى 2000 جنيه و ركبتها 6 شهور زى الفل و قفلت العداد و طيران و سفر و مزاج لحد ما فى يوم وانا ماشى هوب لقيت شرار طالع من بطن العربية و التابلوة كل حاجة فيه نورت رحت واقف على جنب و ببص لاقيت طنبورة الكرنك و قعت من مكانها و الدنيا اتدغدغت " مع العلم انا كنت لسه مشيك على العربية علشان كنت مسافر و سافرت و جيت و الحكاة دى حصلت و انا ماشى على سرعة 20 يعنى من غير قرص " ده قضاء و قدر
قلت الحمد لله حصل خير كويس انى سليم و مش مشكلة جبت ونش و شلت العربية وديتها للميكانيكى وباتت عنده فى الورشة و تانى يوم اتصل بيا قالى العربية جابت صبابات و عاوزة مسار و خابور و طنبورة كرنك جديدة و بالمرة جوان وش سلندر و جوان غطاء التاكيهات و هنراجع عليها كلها طبعا انا بحسبة بسيطة لقيت ان الموضوع اقل واجب هيصرف 2000 جنيه
و بصفتى رجل هونداوى قديم و مش اول مرة اركب هوندا و لا اتعامل مع صنايعية ودى اول قاعدة احب اعلمهالكم الف باء تاء الصنايعية دول وباء ههههههههه يعنى لو فك حاجة عمرها ما هترجع تانى 100% واحسن صنايعى يرجعهالك من 90 ل 95 % و ده عن تجربة مع ناس كتييير و اكتر من عربية و بتدفع اكتر من اللى هو عاوزه اما المشكلة ان دى مسالة قدرات هو واحد ربنا مديله لحد رنج معين صعب يعلى عنه الا لو علم نفسه و دول قليلين اوى الا من رحم ربى :)
طبعا انا لو كنت صلحت كانت هتبقا تمام و هتمشى و هتجرى بس مش هيبقى نفس الاداء و انا متاكد من كده ده غير الراحة النفسية برده قلتله انا هسقط سيستم كامل راح باصصلى باستغراب و قالى انت اهبل ولا فلوسك كتير " اى والله حصل" انت يبنى ماتورك ده لسه بيلمع هترميه قلتله لأ هطلعه قطع غيار و هجيب واحد تانى
رحت متصل بحبايبى بتوع الهوندا يا جماعة حصلى كذا و عاوز اسقط انا كل اللى فى دماغى انى كنت هسقط حاجة من الاتنين يا type R b18c JDM كامل بحاجته بفتيس LSD او هسقط ماتور ال type S f22 كامل بحاجته و دول طبعا من اشهر المواتير اللى بتتسقط علشان الاداء و لكن الحلو ما يكملش :(:(:( ما لقتش اللى انا عاوزه بحالة جيدة مثلا نقول 90 % حتى كان معظم المواتير متهانة فقررت اسقط SIR و خلاص و ابقى من عامة الشعب :]:] و مع ذلك باءت محاولاى بالفشل يا اما الاقى ماتور ممتاز لكن مشتملاته ناقصة و انا اكررررررررررره م اعندى الترقيع يا افك الحاجة بايدى و اخدها مسمار مسمار يا لأ .. يا اما علشان الاستغلاليين يقولى لو هتاخد السيستم كامل بتاع العربية و انت اللى هتفكه يبقى 15000 الف بس علشان خاطر حاضرتك هههههههههههه هبل باين ميعرفوش ان انا اللى بنزلهم العربيات المتقطعة دى و هم بياخدوها مننا من الجمارك ههههههههه سبحان الله
المهم فى وسط ما انا عمال ادعبس يمين و شمالو روحت زرت اصدقائى القامى بتوع بورسعيد :) مجدى الدسوقى و محمود الظاظ و محسن الناغيا هببببببب عينى نطط و رقبتى اتلوحت لقيت حتت عربية هوندا EK4 موديل 98 واقفة عند مجدى الدسوقى لونا فضى اقسم بالله انا افتكرتها زيرو و كان لسا الجزار المفترى هيشرحهاو يشلحها قلتله ياعم مجدى انا تلزمنى حاجات من العربية دى قالى وانت مالك انت يلا مش موديل 93 قلتله هاخد السيستم بتاعها قالى لألألألألألألأللل دى زيرو يابا قلتله ملكش دعوة سيبنى بس :) المهم فتحت الكبوت صدمت من روعة المنظر لقيت حتت ماتور D15B كامل اوتوماتيك بس اقسم بالله ما فى اجدد من كده كانك بطلع ماتور من سحارته حاجة كده بربرق و نيكل و شكله virgin :) يعنى محدش علم عليه قلتله ياعم مجدى الماتور ده بتاعى بحاجته قالى بس ده مهره غالى قلتله و ماله المهم من هنا لهنا اتفقنا انى هاخده كامل ما عدا الريداتر و السربنتينة وهاخد اى حاجة تانية حتى القواعد بس جبت قواعد ال 93 لأن دى تختلف بعض الشىء و خدت كله كله ب 5500 بنقله بعرق و دخان العيال اللى فى المحل مع العلم ان الماتور ده اخوه كان فى الحرفيين عند سمبل ب 4000 و ال D16Y7 كان عنده برده ب 4500 برده شامل كل حاجة يعنى افهم من كده انى لبست 1500 زياده اااااااااااااااااه لبستهم و بجد اول مرة يتنصب عليا و اتبسط لأنى اخدت ماتور حالة بجد يعنى حاجة كده ماكنتش كملت 40000 كيلو فى العداد
المهم سقطه وتمام و شيكت و قعدت اسبوع اتابعه صيانة و شيك اب و اراجع الميه و كله كله لقينا الماتور تمام الحمد لله و الاداء كان مرضى هو طبعا معمليش complete satisfaction لأنى كنت ببص لحاجات اعلى منه بكتيير بس بجد مش ندمان لأنه ادائه لا يختلف عن ال الماتور ال JDM ZC اللى هو بالبلدى ال SI بل بالعكس كان الاداء افضل فى كل حاجة صوت و نعومة و جرى و تسارع و هدوووووووووووء وده عيب ابن تيييييييييييييييييييييييي يييت بجد كان فى ال SI مهما تعمل صوته خشن جاعورة بس كان ماتور بيقول انا اهو برده
اكمل معاكم بقى قصة الشاطر احمد و عربيته الهوندا :):):)
بعد ما تم تحويل العربية تماما الى complete JDM D15B System حصل بضعة الاصابات الطفيفة للسيارة من تجريح فى الدهان لكسر الزجاج الامامى فقلت انا عمرى ما اركب هوندا كده الناس تضحك عليا بعد ما الناس كانت متعودة تشوفنى راكب انضف عربيات هب سخنت قلت هشد العربية و هخليها شاااااااااااااااذة مش GAY انا عارف دماغكم :):):)
قعدت انا وواحد صديق كان لسه راجع من اليابان نتحاور مع بعض وهو كان مسقط type R زى اللى انا عاوزه بقوله ما تخليك جدع و تجيبلى واحد قالى يابنى انت لسه مخدتش ورق ماتورك اللى سقطه ده قلتله و ماله هاته و ملكش دعوة اقترح عليا اقتراح اجمد قالى بص انا شفت هنالك فى اليابان العيال ولاد المجنونة عاملين عمايل قلتله حقهم الدنيا مساعدهم قالى اه بس مش كده قالى انا شفت واحد مسقط ماتور 3200 6 سلندر بتاع اكوا فى طلقة و كان الماتور طالع من الكبوت وشكله اخر قلة الادب قلته ايوووووه ادينى قالى بس طبعا هنا فى مصر هتتفشخ فى كل كمين هيقولك ايه ده يا حبيبى ملقتش كبوت كبير شوية و لاده كش عليها وقالى هتتروق كل اما تيجى خارج ده غير العيال ولاد المؤذية اللى مكن يشدوا اى حاجة منه قلتله خلاص باااااااااءت بالفشل
قالى انت ممكن تسقط ال 2400 ال 6 سلندر و ده بيبقى بتاع اكورد قلتله حبيبى ايوا كداااااااا قالى بس هتواجه مشكلة اعوص الا وهى ازاى هتقعده فى الحوض لازم تعدل قتله لأ مت هنا لهنا قعدنا ندعبس ازاى يسقط لحد ما كلم ميكانيكى يابانى قله ينفع و هيبقى تمام و مش هنعل فى الحوض قلتله الراجل ده شكله بيشتغلنا يا عمنا و هيقلبن فى فلوس قالى لأ احنا هنطلع اصيع منه قالى احنا نشترى عربية من الJUNK من اى واحد باكستانى هناك تكون هوندا زى بتاعتك كده قولتلو تمام و بعدين قالى نوديهاله يسقطلها الماوتر و يدورها و تتجرب هناك و يتعمل ال check بتاعها و لما نطمن انها 100 % تتقطع نصين و تنزل مصر فى كونتينر و نفك و نركب و نشترى دماغنا
قلتله يابن اللعيبة فعلا صح كده و ده للى انا عملته بس لسه الحاجة ماوصلتش وانا مستنى على نار :):):) هتبقى قنبلة الموسم
فقلت على ما العربية تيجى اشد انا العربية و هنا بدات قصة كفاح شعب مصر الحقيقية مش المضروبة اللى كانوا بيدوهلنا فى المدارس :]:] و رحت فاكك العربية حتة حتة مع ان والله العظيم تلاتة ماكان فيها حاجة غلط حكة واحدة مافى غير شوية الخرابيش مكان التسقيط و رحت هب جاردها على الصاج خلتها فضى بدل الاحمر :]:] و رحت جايبلها جوز اكصدامات استيراد وش الطلقة و عملت كبوت زى بتاع ال mugen اللى فيه فتحة الفلتر بتاع الهواء و عملت الرفرفين ال type R المفتوحين و ضبطت الاداء و كنت عاوز اشيل فتحة السقف العادية و اركب بتاعة الكوبيه بس طلعت مختلفة ولازم اغير قشفة السقف فنفضت وش
ورحت عامل طقم الزوايد ال mugen ألاصليين و كذلك العتب و غيرت العفشة خلتها 5 خرم علشان جبت جنط 17 من اليابان كان تحفة و استخسرت ابيعه فركبته وبعد ما ضبطت الهيئة العامة للعربية بعت جبت بويا من دبى حمراء بتاعت ال ferrari scuderia و اللون ده زى بتاع الفورميلا وان كده اسمه الكودى Rosso scuderia وطبعا ليه رقم بس انا مش بقوله علشان مش عاوز حد يرش زىى .... انانى بقى و رحت مضبط و توكلت على الله و العربية اترشت و طلعت الحمد لله تحفة فنية و جبت الفوانيس الشكل الجديد اللنسز و الليدات اجدد شكل و طبعا غير شوية كماليات و حبشتكانات كده
طبعا انا من كلامى حسيتوا الموضوع بيييس و قشطة ويلا نشد بقه وكده هههههههههههه انا اقسم بالله عدت عليا ايام كنت هاين عليا انتحر و حوارات صنايعية بقى و اشتغالات و تسنج ده شوية و تطبطب على ده شوية و تقفش على دول شوية قعدت فى المناحية دى حوالى سنة و شهرين ايووووووة one year & 2 months ابويا كان هاين عليه يضربنى بالنار بشد عربية فى سنة قالى ده المصنع اللى بيعملها من a to z مش بياخد اسبوع تعملهالى انت فى سنة وهاتك بقى شد و جذب و مناوشات انتهت بخروج العربية مبهرة الانظار بعد ما خدت صحتى و شبابى و فلووووووووووووووسى انا صرفت فى الشدة دى حوالى 30 الف جنيه ايووووووو 30 grands ده غير الحاجت اللى انا جبتها و ماوصلتش و اللى مركبتهاش
يبقى حسابيا لو حسبنا العربية دى واقفة عليا بكام نقول 55 سعرها زائد العمولة و شوية مصاريف قبل الشدة تقدر بحوالى 4000 جنيه و نقول 30 الف بتوع الشدة يبقى احنا كده بالصلاة على النبى بنتكلم فى سيفيك اتكلفت ما يقارب 90 الف بلبل يعنى جنااااااااان رسمى و اول ما طلعتها وهى واقفة بتتغسل جه راجل كبيير عنده 63 سنة قالى يابنى انا شايف عربيتك دى من وهى كلاسيك لحد ما خلتها عروسة كده انا الحاج فلان الفلانى من اسكندرية و عاوز العربية دى قلتله معلش ياحج ما ببعش قعد يحاور و يناور معايا قلتله 100 الف و خدها قالى كتير اوى و بتاع قلتله انا مقدر عربيتى بكده لأنى انا اللى صارف يا تاخدها ب 50000 الف كلاسيك(فاضية يعنى من غير اى كماليات) و عوضى على الله فى البويا والسمكرة
قالى لأ انا عاوزهاكده المهم قعد يلف كام يوم كده لحد ماوصل لأبو واحد صاحبى و قعد يكلمه و اتصل بيا وروحتله قعد يقولى العربية دى لازمة الراجل و خلاص بقى اديهاله و هات واحدة تانية انت ياما جبت عربيات ووضبت قلتله لأ ياعم مجدى انا ورمت انا اول مرة اتمرمط فى شدة كده قالى معلش و ماله الراجل طالع من زمته 85 الف جنيه " والله العظيم حصل " والكلام ده كان قبل اجازة الصيف و اللى انا فهمته انه تاجر كبير فى اسكندرية و عاوزها علشان يترسم بيها و يلف بيها على الكورنيش ههههههههههههه عبيط باين بييى ذكرى شبابه :]:]:]
طبعا انا من الضغط وافقت مكرها بس كنت بتلكك للبيعة علشان تبوظ و فعلا هب الراجل قالى انا عاوزك تعملى كذا وكذا و تغيرلى كذا قلتله ليييه قالى انا عاوز كده و قالى هنفذ على 82 قلتله بص لو حطيت 90 دلوقتى والله ما بيعها وفضها بيعة بقه قالى استنى اصبر ومن هنا لهنا قلت والله ما بيعهاله و ركبتها وكل ده من غير ما اسقط الماتور ال 2400 كل ده و ال d15b فيها
واللى انا حابب اوصله ان كل واحد ادرى بمصاريفه و نا عارف انى لو نزلت بيها ابيعها او زى مايقول نية البيع تيجى اخرى هسمع فيها 55 الف ده ان مكانش 50 :]:]:]
بس ارجع واقول اللى ماوضبش سيفيك و ركب يبقى ماعش شبابه :]:]
بس برده اوحش حاجة اعين و دى صفة مميزة متاصلة فى معظم فئات الشعب المصرى و الغريبة اللى يحسدك هم اغنى ناس يعنى وكمان اصحابك واحد معاه BMW 330 model 2008 واحد تانى معاه Passat High Line model 2009 و اسمع كلامهم من ورايا شوف ابن ال ............... بحتت عربية متجيش تمن الفتيس عندنا هابل البلد و موقف الشباب و البنات على رجل ده يا راجل بيعدى بس تلاقى الشارع كله سخن و كله يبص و لو وقفها فى حتة كله يصور او يتفرج عليها
و كل ده ادى فى الاخر ان بليلة حبيتى اتحسدت و اتخرشمت على مدار شهرين انا ركبتهم فيها كل ما انزل اركبها الاقى خازوق طلعلى مخبوطة م حكوكة هواية الكبوت ريشها اتقطعت و هكذا فقررت انى اشدهاااااا تاااااااااااااااااااانى :]:]:]
طبعا بهزر لأ انا بس هصلح الاصابات الطفيفة و نازلها تانى مع تعيين ضابط حراسات خاصة يقف عليه ألا وهو الدعاء الى الله ان يكفينى شر العين و يرزق كل الناس بما تحب و ترضى و القنااااااااااااااااااااا ااااعة القنااااااااااااااااااااا ااااااعة
دة القصة
مستنى اراءكم و مشاركتكم :Oc_sun1[1]:
انا عن نفسى لسا بدور يرييت انا بجد عايز اجيب عربية هوندا سيفيك
و عايز ازبتها:Oc_sun1[1]:
اول سؤال
ازاى ازبتها ميين احسن الاناس فى مصر اى محافظة
المتور انا عايزة 170 hp
اة افضل الانواع؟ و مين الناس المحترمة البتبعها
و منيين اجيب بدى كيت و سعرة
و اة نظام التربو و اة تكلفتو كلها مع كل الاشياء التى تركب مع التربو؟؟؟؟؟؟؟
وان ولاهى اول ما اجيب العربية انشاء اللة هاديكو كل المعلومات
اة رأيكو؟؟؟؟؟؟؟؟؟؟؟؟؟؟؟
و شكرا مستنى رأيكم و مساعدكم ليا ان شاء اللة
