الموضوع: سؤال أتمني الأجابه عليه

والله ياجماعه انا شاب عندي 26 سنه وشغال في السعوديه بقالي 2 سنتين وعايز اعمل مشروع في مصر
وفكرت أشتري عربيه أسبرانزا A516 وأشغلها في شركه سياحة او بترول او ماشابه وطبعاً هتكون بعقد سنوي وطبعا هيكون متأمن عليها
أتمني تفيدوني برأيكم ومن له تجربه في نفس الموضوع اذا كانت ناجحه ام لا رجاء أفادتي
وجزاكم الله عني خير الجزاء

رجاء الأهتمام من أستاذ وائل عطيه حيت أن رأيه يهمني كثيرا لآني منذ أشتراكي في هذا المنتدي وانا استفيد من معلوماته القيمه

لو مرتاح هناك ما ترجعش مفيش حد مرتاح في الغربه انا عارف و مجرب بس لو بتلاقي مقابل لتعبك يبقي خليك هناك احسن لحد ما تكون مبلغ محترم و تيجي تفتح مشروع بلاش تحط فلوسك في حاجه ماشيه علي الارض معرضه انها ما بين ثانيه و التانيه انها تروح منك (يعني لما تجيب العربيه و فرضا ان شركه وافقت انها تاجرها منك حتاجرها بكام و يا تري الفلوس دي حتساعدك انك تفتح بيت؟؟و يا تري انت اللي حتسوق العربيه ولا حد غيرك ؟؟و لو حد غيرك تضمن انه حيحافظ علي عربيه مش بتاعه و ما بيصرفش عليها مليم؟ و لو انت اللي بتسوقها و و اثق من نفسك حتبقي واثق من الناس اللي سايقين حواليك؟؟ و يا تري لو جيت و حبيت تتجوز او تخطب حتقول ايه لاهل العروسه حتقولهم بتشتغل ايه؟؟)انا مش بهبطك بس انا بتكلم معاك بصراحه يمكن تكون النقط دي غايبه عن دماغك بس نقط كلها منطقيه و مفروضه ف الحل بالنسبالك يا اما تشتغل هناك و تحوش مبلغ معقول تقدر تبتدي بيه بدايه معقوله يا اما تخليك هناك و اكيد في يوم ربنا حيوفقق و تكبر بس نصيحه بلاش تتسرع و صلي صلاه استخاره قبل ما تنوي علي اي شئ