هل من اقتراحات لخرطوم الراجع للتـنـك

السلام عليكم ورحمة الله
معايا ريجاتا 85 خرطوم الراجع للتنك مرمي ف الحوض بدون توصيل من ساعة مجبت العربية
فولت التنك بنزين فلقيت بنزين تحت العربية بشكل غريب اتضح انة من خرطوم الراجع اللى عملتة انى قفلت الخرطوم بمسمار كحل مؤقت
رحت للميكانيكى قالى ملوش مكان ف الكربراتير فخلية زى مهو كدة
قلت لة طب والحل مفيش اي حل ؟ فقال لا هو كدة مسدود تمام
بفكر افك التـنـك وافك الخرطوم يعنى ألغي الخرطوم اساسا من التنك هل دة يبقى فية مشكلة للعربية ؟
علما انة صعب اننا نعدل ف الكربراتير علشان نركبة . فهل من اقتراحات ؟

عن نفسى هسيب الوضع كما هو علية ملوش لزمة افكة من التانك و يمكن تغير فى يوم الكاربيراتير و يكون لية مكان تركبة فية . سيبة على كدة

اقتباس:

---

المشاركة الأصلية كتبت بواسطة karimfahmy99

عن نفسى هسيب الوضع كما هو علية ملوش لزمة افكة من التانك و يمكن تغير فى يوم الكاربيراتير و يكون لية مكان تركبة فية . سيبة على كدة

---

انا قلقان بس من الخرطوم ليهرب بنزين تانى وشكلي مش هفول تانى
مش واثق فى المسمار اللى سديت بية الخرطوم . هل يعمل مشكلة موضوع انى سديت الخرطوم دة بمسمار ؟

خرطوم الراجع بيرجع البنزين الزيادة عن احتياج الكاربراتير تاني لتنك البنزين

و بالتالي هو مش جاي من التانك

و انما هو طالع من الطلمبة ومفروض يرجع للتانك

و غلط انة يتطبب و يتساب كدة علشان ممكن يضرب في اي وقت و خطر جدا انة يسرب بنزين فوق الموتور اللي فية كهرباء و بوجيهات و اسلاك

الميكانيكي بتاعك كفتجي و بيتدلع

الراجع عمرة مايركب في كاربراتير و مش شغلانة بتاع كاربراتيرات

مفروض فية ماسورة بنزين راجع راكبة من حوض الموتور ترجع الراجع للتنك

لو الماسورة دي م موجودة عندك اعملها

و دي شغلة ميكانيكي

اقتباس:

---

المشاركة الأصلية كتبت بواسطة adham

خرطوم الراجع بيرجع البنزين الزيادة عن احتياج الكاربراتير تاني لتنك البنزين

و بالتالي هو مش جاي من التانك

و انما هو طالع من الطلمبة ومفروض يرجع للتانك

و غلط انة يتطبب و يتساب كدة علشان ممكن يضرب في اي وقت و خطر جدا انة يسرب بنزين فوق الموتور اللي فية كهرباء و بوجيهات و اسلاك

الميكانيكي بتاعك كفتجي و بيتدلع

الراجع عمرة مايركب في كاربراتير و مش شغلانة بتاع كاربراتيرات

مفروض فية ماسورة بنزين راجع راكبة من حوض الموتور ترجع الراجع للتنك

لو الماسورة دي م موجودة عندك اعملها

و دي شغلة ميكانيكي

---

اشكرك استاذ ادهم على اقتراحك الجيد ولكنى احب ان اوضح
الجراب او " المكرونة " بحسب كلام الصنيعية جاي منها 2 خرطوم بنزين
واحد واصل بطرمبة البنزين وهى طبيعي المغذى الرئيسى للسيارة
الخرطوم التانى جاي من التنك المفروض يركب ف الكربراتير
بس الميكانيكى قالى ان مكانة مغلق فى الكربراتير ومش هينفع نركبة
الخرطوم لو حد شفط منة بيطلع بنزين .. ولو حد نفخ فية بتسمع صوت فى التنك فأية رأي حضرتك ؟
اما من ناحية انة كوفتجى ففعلا علما انة الميكانيكى رقم 3 يعنى تالت واحد اغيرة
علما انة غالى كمان طلب 40 ج تكلفة تركيب سلك دبرياج !!!! على اساس انى هندى اديت لة 20 ج ومشيت

الخرطومين من التنك

اقتباس:

---

المشاركة الأصلية كتبت بواسطة nicegypt

انا قلقان بس من الخرطوم ليهرب بنزين تانى وشكلي مش هفول تانى
مش واثق فى المسمار اللى سديت بية الخرطوم . هل يعمل مشكلة موضوع انى سديت الخرطوم دة بمسمار ؟

---

اولا الراجع بيبقى من الكاربيراتير مش من الرداخ . لية عشان لو الرداخ ادا بنزين زيادة و عوامة الكاربيراتير قفلت يرجع البنزين ع التنك و العربية متشرقش . و فى فعلا كاربيراتيرات بيكون فيها الراجع مقفول .

خللى المسمار زى ما هو و حط كولية على الخرطوم و اربطة . كدة احسن حل لا المسمار هينطر و لا هيخر

انا كنت فاكر ان الخرطوم جاي من راجع الكاربراتير

دلوقتي فهمت قصدك ان الكاربراتير مالوش راجع و ان خرطوم الراجع اللي مفروض راجع للتنك هو اللي متطبب

و بالتالي مافيش اي مشكلة لأنة ماعليهوش ضغط

طببة كويس و سيبة ملغي مافيش منة اي مشكلة

اقتباس:

---

المشاركة الأصلية كتبت بواسطة adham

انا كنت فاكر ان الخرطوم جاي من راجع الكاربراتير

دلوقتي فهمت قصدك ان الكاربراتير مالوش راجع و ان خرطوم الراجع اللي مفروض راجع للتنك هو اللي متطبب

و بالتالي مافيش اي مشكلة لأنة ماعليهوش ضغط

طببة كويس و سيبة ملغي مافيش منة اي مشكلة

---

تمام .. اشكرك استاذى .
هل لو حبيت اشغل الخرطوم دة كراجع دى شغلة بتاع كربراتير ؟ولا الملغي اللى ف الكربراتير مينفعش نفتحة تانى ؟
الفرق بس ان العربية مش هتشرق بعد كدة ام سيؤثر فى شيئ ؟
مش عارف اية سبب انهم لاغينها كل مقول لميكانيكى يقولى كدة احسن .. ازاي احسن مش عارف

اقتباس:

---

المشاركة الأصلية كتبت بواسطة nicegypt

تمام .. اشكرك استاذى .
هل لو حبيت اشغل الخرطوم دة كراجع دى شغلة بتاع كربراتير ؟ولا الملغي اللى ف الكربراتير مينفعش نفتحة تانى ؟
الفرق بس ان العربية مش هتشرق بعد كدة ام سيؤثر فى شيئ ؟
مش عارف اية سبب انهم لاغينها كل مقول لميكانيكى يقولى كدة احسن .. ازاي احسن مش عارف

---

ماهو لو كانت مهمة للدرجة مكنتش الشركة المنتجة للكاربيراتير لغتة . المقصود انها مش ذات اهمية . و المسؤول الاول عن شرقان العربية العوامة مش خرطوم الراجع . و اعتقد ممكن تشغلها لو عاوز دى شغلة بتاع كاربراتيرات هيفتح و يحط خابور نحاس تركب فية الخرطوم . بس ملوش لزمة . زى ما قلتلك سيب المسمار و حط كولية للامان بس

فيه كاربراتيرات ليها راجع عن طريق ان لما العوامة تقفل البنزين يخرج من خرطوم تاني من جسم الكاربراتير و يرجع عالتنك تاني
وكاربراتيرات لما العوامة تقفل الطلمبة تلاقي ضغط مقاوم يفتح فيها بلف راجع داخلي و يلغي الضغط البنزين الخارج منها او يرجعة تاني كأنها دورة داخلية غاية ما يقل الضغط نتيجه استهلاك الكاربراتير يقفل البلف و ترجع الطلمبة تضخ تاني للكاربراتير

الكاربراتير لوتصميمة معمول ان مافيهوش راجع و لا شيخ صنايعية الكاربراتيرات يعرف يخترعلة راجع و لا ينفع يخرم و لا يفتكس خروج راجع منة

اقتباس:

---

المشاركة الأصلية كتبت بواسطة adham

فيه كاربراتيرات ليها راجع عن طريق ان لما العوامة تقفل البنزين يخرج من خرطوم تاني من جسم الكاربراتير و يرجع عالتنك تاني
وكاربراتيرات لما العوامة تقفل الطلمبة تلاقي ضغط مقاوم يفتح فيها بلف راجع داخلي و يلغي الضغط البنزين الخارج منها او يرجعة تاني كأنها دورة داخلية غاية ما يقل الضغط نتيجه استهلاك الكاربراتير يقفل البلف و ترجع الطلمبة تضخ تاني للكاربراتير

الكاربراتير لوتصميمة معمول ان مافيهوش راجع و لا شيخ صنايعية الكاربراتيرات يعرف يخترعلة راجع و لا ينفع يخرم و لا يفتكس خروج راجع منة

---

توضيح . اى رداخ اتعمل فى الدنيا لازم يكون فى بلف راجع دى قاعدة عامة .

تانى حاجة لو مكان خرطوم الراجع دا مصبوب و مقفول ممكن يتفتح تانى و دى عملتها فى كاربيراتير السيات فى شبرا و مكنش ليها لزمة بس كانت افتكاسة منى و طيش شباب و عدم خبرة كافية لان كلهم قالوا ملهاش لزمة بس كبرت فى دماغى فعملتها .

بس زى ما قلت و بقول تانى من خبرتى ملهاش لزمة

الراجع ممكن يكون من الرداخ (طلمبة البنزين) مش من الكاربراتير

اقتباس:

---

المشاركة الأصلية كتبت بواسطة adham

الراجع ممكن يكون من الرداخ (طلمبة البنزين) مش من الكاربراتير

---

يمكن فى حاجة زى كدة بس انا مشفتهاش الحقيقة . الله اعلم