مشكلة العضو (تجربتى مع عبداللطيف جميل اسكندرية)

**pharmaman84** · 08-09-2010 05:12 PM

الحاجة الغريبة ان كل المعارض بيدو اولوية للتقسيط عن الكاش وده معناه ان زبون التقسيط بيتقلب وسهل سرقته من المعرض والبنك عشانه محتاج ( ولا حول ولا قوة الا بالله )

**Ahmed.TV** · 08-09-2010 05:53 PM

استاذ مجاهد انا كنت بعت لحضرتك فى موضوع قبل كدا عشان لو عايز اساعدك وكلمتلك ناس فى مودرن
ياريت تكلمنى عشان لو عايز العربية اقولك تروح لمين فى معرض مودرن اللى فى اسكندرية وهما حيقوموا معاك باللازم بس عشان مكدبش عليك بعد العيد
بس اللى حتروح تقابلهم دول عندهم مصدقية حيعطوك معاد مظبوط , وكمان حتروح لهم من طرف ناس معرفة
فياريت تكلمنى عشان انسق معاك
ورقم موبيلى موجود فى موضوع الشماسات
وتحت امرك فى اى استفسار
بس كلمنى على وجه السرعة عشان فى ناس مستنين منى تليفون عشان موضوعك
واوعى تزعل نفسك ومتعرفش ربنا رايدلك الخير فين
وتقبل تحياتى

**megahed124** · 09-09-2010 10:32 AM

المشاركة الأصلية كتبت بواسطة pharmaman84

الحاجة الغريبة ان كل المعارض بيدو اولوية للتقسيط عن الكاش وده معناه ان زبون التقسيط بيتقلب وسهل سرقته من المعرض والبنك عشانه محتاج ( ولا حول ولا قوة الا بالله )

طب وده عدل ده ظلم لينا كلنا بين

**megahed124** · 09-09-2010 10:36 AM

المشاركة الأصلية كتبت بواسطة mhraslan

ده تهريج بصراحه - اسلوب غير لائق بالمره ولا باسم نيسان ولا باسم عبد اللطيف جميل - مستحيل ده يحصل فى اى دوله فى العالم وبصراحه المفروض الموضوع يصل لاعلى المستويات ومن رايى مراسله شركه عبداللطيف جميل الام فى السعوديه لاتخاذ اللازم لضمان عدم تكرر مثل هذهالمهازل مره اخرى كفايه بقى كفااااااااااااايه - الغريب ان الواحد يدفع فلوس ويتعكنن انا فعلا مستغرب

شكرا لاهتمامك استاذ mhraslan بس فعلا حاجه تعكنن و انا من واقع تجربتى مع الناس دى مانصجش اى حد انه يتعامل معاهم و لازم كلنا نتكاتف لان اللى حصل معايا النهارده ممكن يحصل مع غيرى بكره

**megahed124** · 09-09-2010 10:43 AM

المشاركة الأصلية كتبت بواسطة ahmed.tv

استاذ مجاهد انا كنت بعت لحضرتك فى موضوع قبل كدا عشان لو عايز اساعدك وكلمتلك ناس فى مودرن
ياريت تكلمنى عشان لو عايز العربية اقولك تروح لمين فى معرض مودرن اللى فى اسكندرية وهما حيقوموا معاك باللازم بس عشان مكدبش عليك بعد العيد
بس اللى حتروح تقابلهم دول عندهم مصدقية حيعطوك معاد مظبوط , وكمان حتروح لهم من طرف ناس معرفة
فياريت تكلمنى عشان انسق معاك
ورقم موبيلى موجود فى موضوع الشماسات
وتحت امرك فى اى استفسار
بس كلمنى على وجه السرعة عشان فى ناس مستنين منى تليفون عشان موضوعك
واوعى تزعل نفسك ومتعرفش ربنا رايدلك الخير فين
وتقبل تحياتى

استاذنا الكبير انا كلمت حضرتك الساعه 10 الصبح تقريبا انا تليفونى اخره 88 و الحمد لله على كل شئ و كل تأخيره و فيها خيره

**khela** · 10-09-2010 12:04 AM

بصراحة انا مستغرب من شكوتك جدا لانى اشتريت عربيتى من عندهم فى شهر 2 الى فات (هم عند داون تاون ) مش كدة برضة ...وشارى عربيتى كاش والعربية جاتلى فى يومين من القاهرة بعد محجزتها دة حتى انا الى اتلكعت فى استلامها حوالى اسبوع وادونى ورقها مع الاستلام واخدت نمر مؤقتة ب70جم لمدة يوم واحد وطلع معايا مندوب رخص العربية بسرعة معايا والناس كانت معايا فى قمة الاحترام وكانوا فاتحين جديد ويهمهم يعملوا سمعه كويسة لان مرعى ومودرن طبعا اكبر موزعين لنيسان فى الاسكندريه اعتقد مدير المعرض كان اسمه احمد والبائع اسمة مصطفى فمشعارف الناس دى اتغيرت ولا اية عموما ارجع للادارة فى القاهرة وهما يحققوا فى الموضوع وعنوانهم 115ش رمسيس القاهرة

**egypt0777** · 10-09-2010 02:39 AM

انت حتغلب نفسك ليه

اتصل بنيسان مصر و اشتكى منهم ... نيسان مصر عندها خدمه عملاء ممتازه و بيهمها راى العميل

**megahed124** · 10-09-2010 12:02 PM

على فكره بقى يا جماعه اللى حصل معايا حصل مع اخ تانى معرفه و برده سحب الحجز و بيشتكى من المعامله اللى وى الزفت

**HOSSAM_GABRE** · 11-09-2010 06:45 AM

طبعا الله يكون فى عونك فى اللى حصل معاك ولكن انا برده ملزم انى اقول اللى حصل معايا , لانى انا كمت حاجز عندهم يوم 28/8 لون اسود سوبر صالون , واستلمت تقريبا فى يوم 7-9 ولكن بعد تغيير اللون وعن تجربة شخصية لقيت ان عبد اللطيف جميل الناس اللى فيه محترمة جدا , وانا جايب العربية ارخص 1500 جنية عن اى مكان تانى سواء مرعى او الطارق والتزم معايا بالسعر على الرغم من الطلب الجامد اللى ظهر , العربية ب 100 الف عند الطارق ومرعى وما فيش تنزيل جنية لان العربية كان عليها طلب جامد وكل اللى فى السوق مسحوب , لان لما اخرونى بصراحة دورت فى اماكن تانية واكتشفت ان اللى حصل فى الفترة الاخيرة كانت مشكلة خارجة عن ارادتهم بجد
لان مصنع نيسان كان اجازة فى اول شهر اغسطس
وبعد ما اشتغل كان فيه طلب جامد قوى على العربية
وسمعت ان فيه طلبية كبيرة من وزارة الداخلية كانت مطلوبة من المصنع
انا طبعا كنت حتركن لبعد العيد اسبوعين او تلاتة وكنت طبعا حكون مضايق لكن ربنا سهل بالعربية الدهبى , تقريبا كانت بتاعة واحد وورق البنك بتاعة اترفض او لسه ما خلصشى , وجت نصيبى الحمد لله واكتشفت فى الاخر ان اللون فعلا عملى جدا عن الاسود , وكمان جميل قوى
انا كمان كنت نبهتهم ان هما ما عندهومشى نمر تجارية والناس مشكورين جابوهالى مع استلام العربية , يعنى بيستجيبوا ومقابلتهم ممتازة جدا
دى طبعا تجربتى الشخصية , وربنا يوفق الجميع