زيادات في العربية

**Shiref_mohamed** · 12-03-2008 11:28 AM

من كام يوم كنت بنظف حوض الموتور (غسلته بايدي ) بالمياه والصابون بس بحذر وخليته فلة اصل صاحبها عمره ما غسل حوض الموتور ولاحظت شويه حاجات
1- في بتاع مدور كده فوق الرشاشات طالع منه بوز كده المفروض يكون فيه خرطوم بيركب عليه بس انا لاقيته مش راكب عليه حاجة قمت باصص على عربية واحد صاحبي ملقيتش فيها البتاع ده خالص اصلا
2- المانفول الى راكب عليه الخرطوم بتاع فلتر الهوا والى عليه البوابة بتاعة البنزين بصيت فيه من ورا من ناحيه سدر العربية لاقيت برضه فيه بوز راكب فيه حتت خرطوم صغيرة ومتسيحة من الأخر (مقفولة) وبرضه مش عارف ديه بتاعت ايه فكنت عاوز حد يقولى دول وظيفتهم ايه وايه تأثيرهم على الموتور وكمان ارجعهم ولا لا لأنى بصراحة بفكر اشوفهم بتوع ايه عشان اوصلهم تاني عشان انا مش بحب الحاجة الى ملعوب فيها كتير وشكرا واسف على الإطالة

**Shiref_mohamed** · 12-03-2008 11:49 AM

ايه يا جماعة محدش عارف ايه ده ولا ايه

**noni67** · 12-03-2008 12:47 PM

البتاع ده اسمة Egr وموجود فى العربيات اللانوس ال S وال Se ما فيهاش
هانزل اصورهالك تحت دلوقتى واطلع ابعت لك الصور علشان تعرف كل ده بتاع ايه

**MMamdouh** · 12-03-2008 01:00 PM

المشاركة الأصلية كتبت بواسطة shosho

من كام يوم كنت بنظف حوض الموتور (غسلته بايدي ) بالمياه والصابون بس بحذر وخليته فلة اصل صاحبها عمره ما غسل حوض الموتور ولاحظت شويه حاجات
1- في بتاع مدور كده فوق الرشاشات طالع منه بوز كده المفروض يكون فيه خرطوم بيركب عليه بس انا لاقيته مش راكب عليه حاجة قمت باصص على عربية واحد صاحبي ملقيتش فيها البتاع ده خالص اصلا
2- المانفول الى راكب عليه الخرطوم بتاع فلتر الهوا والى عليه البوابة بتاعة البنزين بصيت فيه من ورا من ناحيه سدر العربية لاقيت برضه فيه بوز راكب فيه حتت خرطوم صغيرة ومتسيحة من الأخر (مقفولة) وبرضه مش عارف ديه بتاعت ايه فكنت عاوز حد يقولى دول وظيفتهم ايه وايه تأثيرهم على الموتور وكمان ارجعهم ولا لا لأنى بصراحة بفكر اشوفهم بتوع ايه عشان اوصلهم تاني عشان انا مش بحب الحاجة الى ملعوب فيها كتير وشكرا واسف على الإطالة

القطعة المعدنية دى الEGR فعلا زى ما قال ناصر

و الفروض فيه خرطوم خارج منها و رايح على سيلونويد راكب جنب شنكل الموتور اللى ورا البوبينة

اما الحتة المسدودة فى المنافولد فا دى طبيعية

MMamdouh

**noni67** · 12-03-2008 01:00 PM

عندك صور للمحرك بالكامل وال Egr اللى قلت لك عليه وكمان صورة خرطوم فلتر الهواء علشان تعرفنى فين الفتحة المسدودة عندك
هتلاقى ان الegr متوصل بالسولنايت خلف البوبيينة اتمنى اكون قدرت افيدك

**Shiref_mohamed** · 12-03-2008 01:10 PM

فيه اسطوانة كده راكب عليها البتاعة المدورة الى راكب عليها سلك دواسة البنزين بس من ناحية ورا من قدام رقم الشاسيه بالظبط هيا ديه الى فيها فتحة المفروض يكون راكب فيها خرطوم بس مقفولة بخرطوم متسيح من اخره