مستغرب ليه السياحه باظت؟؟؟
ليه بيقولوا علينا عالم تالت؟؟
ليه مبيقلعوناش من رجليهم في بلادهم ؟؟؟؟
اتفرج وانت تعرف فضيحتنا
[youtube]http://www.youtube.com/watch?v=2u19cP9Gd9k[/youtube]
مستغرب ليه السياحه باظت؟؟؟
ليه بيقولوا علينا عالم تالت؟؟
ليه مبيقلعوناش من رجليهم في بلادهم ؟؟؟؟
اتفرج وانت تعرف فضيحتنا
[youtube]http://www.youtube.com/watch?v=2u19cP9Gd9k[/youtube]
الله يفضخك يا بولونيزتييييي
لأ وبيصور في جامعة الدول انضف شارع في مصر
يا نهار اسود علي الفضايح ده احنا مفضوحين
أحسن
يمكن تتظبط لما حد من برة يقولهم
انما أحنا .... أحنا ولاد .....
أحنا نتكلم !!
تييييييييييييييييت
ايه الفضايح دى؟؟؟؟؟؟؟؟؟؟؟؟
يانهار اسود ؟؟؟؟؟؟؟؟ انت عارف لما كنت فى ايطاليا كنت لما بعدى الشارع مش ببص بقا على اشارات ولا حاجة اجرى وسط العربيات كانك فى مصر والملفت للنظر ان كل اللى بيعملوا كده المصريين بس اللى كانوا معايا فى الاشارة
تحيا مصر
الراجل مقالش حاجة غلط بصراحة
وده فعلا من دلائل إن بلدنا ملهاش في التخطيط ولا في التنفيذ ولا في أي حاجة.
وانا من أكتر المؤيدين لنظام العقوبات عشان شعبنا ميمشيش غير بالطريقة دي لغاية مايتعلم الأدب لوحده.
في أكيد ناس محترمة وفي ناس بتحاول تبقى محترمة بقدر الإمكان, إنما الاغلبية مهياش عدلة.
وانا نفسي حاجات كتير قوي تتغير في النظام ده.
أولا وقبل أي حاجة لازم يكون فيه ضمير عند بتوع المرور وللاسف دي أصعب حاجة تتعمل.
موضوع الرشاوي ده شغال نار..لازم يتحل..ومش حيتحل من نفسه.
لازم يكون عندنا امتحان سواقة عدل واللي يسقط يسقط واللي ينجح ينجح مش نظام البزرميط بتاعنا, مش اعمل حرف s وركن على جنب.
الطريق لازم يكون ليه هيبته..ده الطريق العام في أي مكان ماينفعش تعمل فيه 1/100 من اللي بيحصل هنا. طرق بتتحول بقدرة قادر من 4 حارات ل حارتين وتلاقيك برده قاعد تفادي في الناس وشغال عالكلاكس عشان يوسعوا.
الرصيف لازم يرجع يتمشي عليه مش يتحط عليه بضاعة المحلات وكراسي القهاوي.
الشارع يتصلح بالجباية اللي اسمها ضرايب ورسوم والذي منه. ماينفعش شوارع رئيسية وتبقى ماشي تحسس فيه عشان النقر
الجراجات بتاعت العمارات - بذات في المناطق الشعبية - لازم تتفتح للسكان اجباري مش صاحب العمارة يستولى عليها ويحولها لمخزن يبيعه
يفط المرور لازم تتعلق قبل ماحد يوقفك ويديك عكس اتجاه من غير يافطة, افرض إنت أول مرة تيجي هنا.
التعليم التعليم التعليم - ماينفعش يبقى في المدارس وفي ال مرور كمان...زي ما قلت في الأول لازم تتعلم وتمتحن على كل حاجة بما فيها الركنة والإشارات والخطوط. ماتبقاش مجرد تحصيل حاصل
لازم السيرفيس يترقب أكتر من كده مليون مرة - مش لازم نستنى لما مدير الأمن ينزل يشدهم..دي لازم تتعمل يوميا..
المواصلات العامة تنضف وتكتر..كل مرة اشوف فيها أتوبيس متهالك ماشي جمبي باقعد ادعي علي كان السبب واحمد ربنا عالستر.
لازم لازم يطبق نظام النقط وعل كل مش اللي ملوش ظَهر بس.
بلاش مرورنا يحسسنا إنه عايش في العصر الجاهلي ويمسك فالحاجات اللي ولا تودي ولا تجيب زي الفيميه الخفيف ولون العربية اللي يفرق على درجة وملصقات ومش عارف إيه ويشوف شغلته والحاجات الاهم مليون مرة زي الرخص, اليفط اللي مش موجودة, الفيميه الكامل اللي ماتعرفش إيه اللي بيحصل جوَّه, العربيات اللي بتمشي من غير نور بالليل أو بنور يعمي و ناس عمالة تحرق فشوارع وتتسابق والصوت وما إلى ذلك. مش لازم حد يموت عشان ييجوا يلموا السباق - صلاح سالم وجامعة الدول وغيرهم .
ولو قعدت أكتب مش حخلص والمرور عنده مليون اقتراح بس هو ينفذ واحد فيهم بس صح..
وانا نفسي يشغلوا دوريات راكبة أو أي مكان اسمها ومش لازم تبقى عربيات زي امريكا وغيرهم..كفاية موتسكلات شرطة تمشي تشوف التهريج اللي بيحصل في الشارع بعيد عن اللجان والذي منه - كلام في الموبيل وافراح وكلاكسات وغيره.
وأهم حاجة عايز اقول عليها ومن أكتر الحاجات اللي بتنرفز الناس فعلا التفرقة..لو غلط تتحاسب مش عشان بابي ولا مامي ولا أنكل مين.
أحنا فضيحتنا بجلاجل مجلجلة بحناجل .........
من الآخر شعب متخلف كاره للنظام و القواعد ......... و حكومة نائمة في البالوظة .... و أمناء شرطة أقل وصف لهم أنهم ....* و لا بلاش ....
موضوع السرعة و أنا الأول ....... مبدأ كل الناس ...... و علشان كدا بنلاقي متخلفين كتير
الطريق اللي سرعته 100 عايز يمشي على 150
وواحد تاني يقولك ليه أروح ألف من اليو ترن ( المنعطف ) لما ممكن أخطف الحتة دي و أهوه الطريق فاضي و مفيش حد
يلا قلبتوه علينا المواجع ,,,,,,,,,,,,,, و تحيا ج ع ع ........ و البزرميط المصري الأصيل
الراجل ده مش محايد .. ده منحاز لمصر ..
مصر فيها أنيل من التقرير ١٠٠ مرة