انا مش عارف اضحك ولا احزن من الفديو ده عن الارشاد السياحى

**MOSHAKS** · 08-09-2010 12:29 PM

انا كنت بتفرج على حلقة عمرو اديب عن الارشاد السياحى بجد حلقة مسخرة انا مش عارف اضحك ولا احزن من اللى وصلنا ليه ومعلومات مش عارفنها عن البلد اللى عايشين فيها
اتفرجوا وقوقوا رأيكو
YouTube - ‫ط¹ظ…ط±ظˆ ط§ط¯ظٹط¨ ظٹط·ط§ظ„ط¨ ظ…طµط± ط¨ظ…ط´ط§ظ‡ط¯ط© طھظ‚ط±ظٹط± ط§ظ„ط¥ط±ط´ط§ط¯ ط§ظ„ط³ظٹط§ط.ظٹ‬&lrm;

**mr_vampire** · 08-09-2010 04:41 PM

مستفز جدا وهو ده وضع طبيعي لاغلبية شباب مصر عشان الضياع اللي هما حاسينه. وبعدين قاعدين يتريقو ويضحكو. انتوووووووووو اصلا معاكو ايه ولا تعليمكو ايه ووصلتو للي وصلتوله ازاااااااااااااااااي. طبعااااااااااا بتعليمكو العالي وخبراتكو الفذة.

**elfashn** · 08-09-2010 06:20 PM

الفيديو ده كان لطلبه لسه متخرجين من معهد سياحة وفنادق فى الاقصر او تقريبا اسوان مش فاكر. كانو متقدمين لامتحان نقابة المرشدين السياحيين . المعاهد دى بفلوس والنجاح فيه شبه اجبارى فبالتالى لازم تلاقى متخلفين عقليا عايزين يبقو سفراء لمصر ويسوقو سمعتها اكتر واكتر.المهم ان الناس دى مش انعكاس للمرشد السياحى المصرى ولا حاجه لآن المرشد المصرى احسن مرشد فى العالم بشهادة السائحين بس يقصدو المرشد الى تخرج من كلية السياحة والفنادق ودرس 4 سنين مش الى دفعلو قرشين وراح درس سنتين محضرش فيهم غير اسبوع

**MOSHAKS** · 08-09-2010 10:02 PM

مهى ديه المصيبة انه بينجح بفلوسه ومش فاهم حاجه وعلى فكرة اغلب التعليم فى مصر كده المشكله فى دول انه وجهة للبلد ومفروض يبئا عارف عنها زى مهو عارف عن اهل بيته بالظبط والا ميشتغلش الشغلانة ديه بدل ميحرج نفسه من سؤال من احد السياح

وايه موضوع هرم سنفرو ده اللى فى الجيزة؟

**Ahmed_Elkhateb** · 09-09-2010 04:26 PM

يا جماعة عااااااادى حتى لو طلع مش فاهم حاجه عمرو ما هيعرف يشتغل غير لما يتدرب فى شركة ولما ينزل يدرب هيبقى بروفيشنل

انا مجرب الموضوع ده كتير لآنى شغال فى شركة سياحة وصحابى بيتخرجو من المعهد اللى مصطفى النحاس فيهم كويسين وفيهم اللى بيدربو وبنزلهم فى الشركة عندنا مع المرشدين يحتكو ويدربو ويشوفو وعمرو اديييييييييب انا مش بحبببببببو

**Ayman-Ahmed** · 09-09-2010 05:23 PM

بصوا يا جماعة بحكم اننى مرشد سياحى وبشوف كتير من النوع ده من المرشدين اللى واخدين المهنة لم فلوس او صورة مع بنت حلوة -شقرا او يا سلام لو واحدة تسفروا او تفتحله هنا محل او بازار.

وفى نوع اللى بيحاول يحصل على الكارنيه عشان بس السلطة اللى ورا الكارنية او بمعنى ادق الوضع الاجتماعى وسط الناس ووسط اصحابه.

وانا اعرف زملاء فى المهنة خريجين معاهد وشهادات معادلة ومرشدين اساتذة واقوياء وهما دول على فكرة احد اسباب ان المرشد المصرى هو الافضل على العالم ل3 سنين متوالية.

ولو فرضنا انهم نجحوا بفلوسهم.دول لا يمكن هينجحوا فى المهنة او حتى يقعدوا فيها لاكتر من 6 اشهر.لان اول ما يتعرفوا فى الشركات من مستوى قليل ولغة مفيش واتيكيت معدوم بتبقى فرصتهم فى الشغل تكاد تنعدم.

وعلى فكرة الفيديو ده كان فى موضوع عنه هنا من فترة برده.