انا بحكم شغلى فى سنوات فى مجال الجوالات-واخيرا فى فودافون...
لاحظت الاتى-الناس اول ما بيقبضوا المرتب جرى كارت شحن كبير ب100-ويبتدوا يغيروا الموبايلات ويشتروا الاحدث-حتى الاطفال تدى للطفل فلوس-جرى يروح يشترى كارت شحن.حتى الناس القادمة من المحافظات للعمل بالقاهرة-اول اما يقبضوا جرى على الموبايلات-ايه الحكاية-دة حتى البواب -اى تبس ولا مصلحة تجيلة -هوب على طول كارت شحن.انا نظرتى غلط للموضوع!وايه رايكم.
اقتباس:
المشاركة الأصلية كتبت بواسطة i_Am_Legend
شعب استهلاكى واسف فى اللفظ "سفيه" بيصرف على كل شئ ملوش اى قيمة وبعدين يشتكى انه مش لاقى ياكل طول مانت ماشى تلاقى الناس مبتعملش حاجة الا انها تتكلم فى التليفون كانهم رجال اعمال بيعقدوا صفقات او وزير فى الحكمة وتلاقيه كله رغى فى كلام فاضى ممكن يتاجل
دايما بسال نفسي
لو الكلام مهم اوى كده اومال الناس دى كانت بتعمل ايه قبل الموبيل
واللى يغيظ اكتر ان فى ناس كتير كل شوية لازم تغير الموبيل وتجيب احدث...انا بنزل الاقى البواب ماسك موبيل احدث من اللى معايا :)
واظن اى حد بيسافر دول متقدمة مش بسهولة حتلاقى التليفونات ظاهرة زى عندنا والناس مبتستخدمهاش الا فى الضرورة...اخويا عايش فى امريكا وكل مينزل اجازة ينزل من غير موبيله..طبعا انا انا لو نسبت الموبيل فى البيت ممكن ارجع من الشغل اجيبه:dzey:
فعلا البلد كلها اصبحت رجال اعمال
لدرجه ان الناس بتعدى الشارع ومش باصه على العربيات وهى بتتكلم فى الموبايل
شفت اهميه المكالمه وصلت لايه
اللى معاه موبايل اول ما يجيله فلوس يحدثه واول ما يجيله فلوس تانى يجيب الاحدث
وشركات الموبايل شغاله علينا الله ينور
مش هايلاقوا شعب مستهلك زينا
وتهنئه للصين ومصنعى الموبايل و شركات المحمول التلاته
والله يا باشا عندك حق-وفى حاجة كمان ...معظم البوابين -بيشتروا منى كارت الشحن بتمنة ويبيعوه للناس بزيادة 50 قرش او جنيه-وخاصة بالليل بيبيعوا الكارت ب11 جنيه-والكارت ب100 ب105-ودة كلام العملاء-بيقولو لى كدة.كلة بيعمل مصلحة على كلة.
لو حسبت مرتب كل واحد هتلاقيه 25 % بيروح على المكالمات فى مصر
واحنا بنحب الكلام الكتير ازيك والاخبار واخبار محمد اية وتسال على العيله واحد واحد والجيران
وفى اخر المكالمه مع السلامة خلي بالك من نفسك وابقى سلملى على محمد وكل السلامات اللى نعرفها
بره بيقفلو على طول مفيش كلام كتير قول الموضوع اللى عندك الموضوع خلص خلص اقفل
i have to go now ويقفل
قدامنا 100 سنة علشان نتعلم منهم السلوك الجيد ونقدر فى خلال ايام نتعلم السلوك السئ
دة اسمة هبل بعيد عنك :10D5C8w1107:
المسابقات المستفزة اللى عالتليفزيونات كترت قوى اليومين دول
ودة بسبب الهبل والسزاجة بتاعة الناس اللى بتتصل
ماهو لومكانوش لاقين حد بيتصل مكنتش كترت بالمنظر المستفز دة :H_angry[1]:
والمستفيد من الهبل بتاعنا دة شركات الأتصالات :dzey:
الشعب بتاعنا دة غلبان قوى واولهم انا.لازم الناس تفوق بقى.
هو مش سلوك وحش ولا حاجة .. هو الناس بتسئل على بعضها و دى حاجة مش موجودة برا ..اقتباس:
المشاركة الأصلية كتبت بواسطة hazoom2006
سلوك جميل .. يحتاج لتقويم مش أكتر
اقتباس:
المشاركة الأصلية كتبت بواسطة seiffoz
بيقولو حكاوى وخصوصا البنات اختصى الصغيره بتمسك التليفون بالساعات ولما بشوفها بزعقلها
استخدام سئ للتكنولوجيا طبعا
بره بيستخدمو كل حاجة فى مكانها المظبوط
احنا بنستخدم كل حاجة فى اى حاجة
أستنزاف لموارد وثروات المولطن المصري...........بدل ماتتوجه الأستثمارات لصناعات وزراعة وتنمية.............بتتوجه لكل ماهو أستهلاكي يمكن الأستغناء عنه أو ترشيده علي الأقل
لو سمحت كارت شحن ب50 علشان اعيد على الناس وكل سنة وانت طيب-لو سمحت كارت شحن ب100-علشان اعيد على الناس وكل سنة وانت طيب.دة اللى انا سمعتة من عشرات الناس-فى كام ساعة بس.انا اكتشفت ان معدل استهلاكى انا شخصيا لا يقل عن 250 جنيه فى الشهر-شاملة مكالمات وانترنت-انت معدل استهلاكك كام-