هل جربت وسألت نفسك

هل جربت تسوق عربيه غير عربيتك

وبعدها رجعت تسوق عربيتك وسألت نفسك
1 = عربيتك احسن ولا اوحش
2 = قلت الحمد
3 = قلت لازم اغير حاجات فى عربيتى بعد ما قرانت بالعربيه الاخرى
(( تاخد هوا للفرامل وتعليها // تظبط الدبرياش تعليه او توطيه ....الخ))
4 = قلت عربيتى كويسه بس اروشه زى العربيه اللى ركبتها
(( اكسسوارات // انوار .... الخ ))

==========
ثانيا وباكثر تحديدا وتخصص

هل جربت تسوق نفس نوع عربيتك
وبعدها رجعت لعربيتك وحسيت -- بالاضافه لما سبق بالاعلى -- ان عربيتك عجيبه وغريبه
؟؟؟؟؟؟؟؟!!!!!!!!!!!!!!!!!



منتظر عرض تجاربكم

نفسى الاقى حد اعرفه شخصيا معاه نوبيرا وان

انا نفسي اجرب عربيه زي عربيتي عشان اشوف الشعور عامل ازاي

انا يوم ما سوقت عربيه غير عربيه والدي كانت الشاهين اللي في مدرسه المرور...وحمدت ربنا علي اللي انا فيه من نعمه..برغم ان عربيه والدي موديل 89-90 بس ناعمه جدا و سهله في سواقتها

اقتباس:

---

المشاركة الأصلية كتبت بواسطة n.a.j.d

انا نفسي اجرب عربيه زي عربيتي عشان اشوف الشعور عامل ازاي

---

===
انا كتبت الموضوع ده بعد ما ركبت عربيه جوز اختى
وسقتها وكان هو جنبى ورحنا مشوار بالليل ورجعنا
لانه مش بيحب السواقه بالليل

والفرق بين عربيتى وعربيته سنه
عربيته 2008م = 16000 كيلو متر
عربيتى 2077م = 95000 كيلو متر

وكان الانطباع كالاتى

فرامله ممتاز عن اللى عندى وقلت انا محتاج اظبط الفرامل زيه
الدركسيون عندى اخف واحسن على حساب بوش خفيف عندى وهو لأ
بس انا الدركسيون احسن بالنسبه لى
انا باستعمل مرايه صالون عريضه ومحدبه باستغنى بيها عن المرايه اليمين وبالنسبه
لى هو مفروض يجيب واحده زيها عنده

...الخ



اغرب ما فى الموضوع انى لما رجعت سقت عربيتي مباشره حسيت كانى بسوق عربيه مختلفه وكانها مش عربيتى او عربيتي ومتغير فيها حاجه بس الشعور مستمرش شويه صغيرين وراح

حلوة الفكرة والخلاصة (ارض بما قسم الله لك تكن اغني الناس)

تماام ياباشا
موضوعك حلو اوي

اقتباس:

---

المشاركة الأصلية كتبت بواسطة n.a.j.d

تماام ياباشا
موضوعك حلو اوي

---

=========
شكرا لذوقك

ويا ريت رأى حضرتك أو تجربتك

عندما أجرب عربية غيري ( الحديث ) أحس بالفرق الشاسع بين الجديد والقديم ( عربيتي ) ,, وأصبر نفسي بمقولة " حمارتك العرجاء ولا سؤال اللئيم "

الحمد لله جربت كتيير و انواع متشابهة

اول حاجة بتحصل فى دماغك و انت سايق عملية مقارنة فاستنتاج فوعود نفسى بالتعديل و التطوير تتلاشى مع مشاغل الحياة و الروتين اليومى

واحد صاحبي جاب عربيه زي عربيتي ح جربها واشوف لفرق

انا اخر مره سوقت عربيه غير عربيتى كانت رينو كليو الشكل الجديد

بصراحه وبدون مبالغه عربيتى افضل فى مميزات كتيييييييير اهم بالنسبالى من الشكل ملقتهاش فى الكليو وموجوده فى عربيتى الفقيره
بصراحه نزلت منها وركبت عربيتى وقولت الحمد لله

الفرق الى كان مضايقنى جداااااااااا هو ان دواستها ضيقه وصغيره واكتر من مره ادوس دبرياج الاقى الفرامل بتتداس معاه من ضيق المسافه بين الدواسات
فكرتنى بالسيات ههههههههههههههههه بس عشان انا حريف سواقه سيات بعد 5 دقائق عرفت اتعامل مع الدواسات
ولكن الصالون ضيق على عكس عربيتى

ومنكرش ان فيها مميزات ولكن لصالح الرفاهيه فقط مش اساسيات

اقتباس:

---

المشاركة الأصلية كتبت بواسطة misoalex

انا اخر مره سوقت عربيه غير عربيتى كانت رينو كليو الشكل الجديد

بصراحه وبدون مبالغه عربيتى افضل فى مميزات كتيييييييير اهم بالنسبالى من الشكل ملقتهاش فى الكليو وموجوده فى عربيتى الفقيره
بصراحه نزلت منها وركبت عربيتى وقولت الحمد لله

الفرق الى كان مضايقنى جداااااااااا هو ان دواستها ضيقه وصغيره واكتر من مره ادوس دبرياج الاقى الفرامل بتتداس معاه من ضيق المسافه بين الدواسات
فكرتنى بالسيات ههههههههههههههههه بس عشان انا حريف سواقه سيات بعد 5 دقائق عرفت اتعامل مع الدواسات
ولكن الصالون ضيق على عكس عربيتى

ومنكرش ان فيها مميزات ولكن لصالح الرفاهيه فقط مش اساسيات

---

=========
ربنا يبارك لك فيها
وهى دى الميزه -فالاعجاب بالشكل الخارجى الجديد ...لكن التجربه خلت حضرتك تحمد ربنا على عربيتك


والحاجه التانيه اكيد حضرتك فكرت انك تزود عربيتك بالرفاهيهات -او على الاقل بعضها - اللى موجود فى كليو الجديده

اقتباس:

---

المشاركة الأصلية كتبت بواسطة n.a.j.d

واحد صاحبي جاب عربيه زي عربيتي ح جربها واشوف لفرق

---

دة انتا دعواتك مستجيبة بقى

الحمدلله رب العالمين
والله ياباشا لما اكون نفسي بحاجه ربنا ببعتهالي زي العربيه دي متلا وحاجات كتيره
نحمد الله ع كل شي

انا معظم العربيات اللى سقتها مش بتاعتى كانت ايجار و طبعا كلها عربيات جديدة طبعا كنت مبصدق انى اخلص مصلحتى لانى مش باجر غير لما بكون مسافر بيها و لا تتخيلوا خوفى عليها علشان مش بتاعتى يعنى لو رجعت بالليل اتصل بصاحبها فورا و اديها له حتى لو ميعاده لسة بكرة

أخر عربية لسة مجربها كانت عربيت خالتى مرسيدس e280 موديل 2008 سقتها مشوار لحد مارينا ورجعت ....

لما جيت اسوق عربيتى (الفيرنا) حسيت بلا مبالغة انى قاعد ع الكابينية فى الحمام !!

اقتباس:

---

المشاركة الأصلية كتبت بواسطة د.محمود صلاح

عندما أجرب عربية غيري ( الحديث ) أحس بالفرق الشاسع بين الجديد والقديم ( عربيتي ) ,, وأصبر نفسي بمقولة " حمارتك العرجاء ولا سؤال اللئيم "

---

بالظبط كدة هيا دة الخلاصة

اقتباس:

---

المشاركة الأصلية كتبت بواسطة ashouhdy

أخر عربية لسة مجربها كانت عربيت خالتى مرسيدس e280 موديل 2008 سقتها مشوار لحد مارينا ورجعت ....

لما جيت اسوق عربيتى (الفيرنا) حسيت بلا مبالغة انى قاعد ع الكابينية فى الحمام !!

---

==========
ههههههههههههه

زمان ركبت لاند كروزر
الاحساس انها كراسيها كراسي صالون
وعربيتي كراسيها كراسي خشب

بس برضه الحمد لله انى عندى كرسي خشب - اقصد عربيتى -

اقتباس:

---

المشاركة الأصلية كتبت بواسطة abokoko

=========
ربنا يبارك لك فيها
وهى دى الميزه -فالاعجاب بالشكل الخارجى الجديد ...لكن التجربه خلت حضرتك تحمد ربنا على عربيتك


والحاجه التانيه اكيد حضرتك فكرت انك تزود عربيتك بالرفاهيهات -او على الاقل بعضها - اللى موجود فى كليو الجديده

---

يارب يباركلى فيها ويبعدنى عن المكانيكيه والسمكريه والعفشجيه ودى ضريبه القديم طبعا

وفعلا الرفاهيه ممكن تزود عربيتك بيها لو انت غاوى لكن بعضها مش ممكن لان تكلفته بتمنها تغير عربيتك للاسف ده الوضع عندنا عكس بره الدنيا رخيصه لان العربيات ارخص من تمن قطع الغيار وده انا شفته بعينى والله محدش حكالى

وفعلا حمارتك الى بتجرى (بما اننا بنتكلم على 4 عجلات ) ولا سؤال اللئيم :E_braces[1]:

والله السؤال ده جه على الوجيعة لدرجة ان شارعنا فيه 3 عربيات 125 زىى وكل يوم اهدى اقول يمكن يكون صاحبها فيها استاذن واجربها ههههههههه
الحمد لله انا بحب عربيتى بس المشكلة انها اول عربية ليا واول عربية اركبها اكتر من ساعتين فممبقاش عارف الفرق يعنى الدركسيون تقيل علشان هيا زى اللادا تقيلة ولا علبة الدركسيون عايزه زيت - طب هوا صوت الموتور اساسا عالى ولا عايزه ظبط تاكيهات غير انى طبعا اكتشفت ان فيه حاجات لاهى فى العربية ولا بايظة ده عيب فى سواقتى المفروض اظبطه

جربت أسوء عربية الوالد - octavia a4
بصراحة مدخلتش دماغي, أولا اوتوماتيك ثانيًا مش عارف اشوف منها وابعادها مختلفة عن بتاعتي
ثالثا فيها جهاز تعويض للمعاقين, ماتعرفش تدوس على دواسة غير لما رجلك تخبط فيه.
فـبقول الحمدلله علي معايا.

سؤال 2 محصليش.

أنا بقى تجربتي كانت مع عربية أختي الاكسنت 99 عشان لسة عامل حادثة ليلة الوقفة، ومش عاوز أقول وأحكي طبعاً .
أنا كنت بسوقها كتير زمان أبل مشتر عربتي كورلا 2000 بس بقالي كتير مسؤتهاش بس أول ماجيت أقعد عل كرسي بدء الاحساس اللي مش تمام واللي هو إن العربية ده هتتعبني أخر تعب وخصوصاً اني وخذ مسافر بيها وكمان تكييفها مش شغال وعفشة مراجيح ساعتها قلت الله يرحمك يا تويوتتي.
بس عشان كلمة الحق العربية موتورها قوي 1500 على بودي خفيف جارية جداً بس أنا كان أخري بيها 100 بس كنت بجمع بيها بسرعة جداً لحد ال-100 وبعد كدة stop .

اقتباس:

---

المشاركة الأصلية كتبت بواسطة mahmos2000

أنا بقى تجربتي كانت مع عربية أختي الاكسنت 99 عشان لسة عامل حادثة ليلة الوقفة، ومش عاوز أقول وأحكي طبعاً .
أنا كنت بسوقها كتير زمان أبل مشتر عربتي كورلا 2000 بس بقالي كتير مسؤتهاش بس أول ماجيت أقعد عل كرسي بدء الاحساس اللي مش تمام واللي هو إن العربية ده هتتعبني أخر تعب وخصوصاً اني وخذ مسافر بيها وكمان تكييفها مش شغال وعفشة مراجيح ساعتها قلت الله يرحمك يا تويوتتي.
بس عشان كلمة الحق العربية موتورها قوي 1500 على بودي خفيف جارية جداً بس أنا كان أخري بيها 100 بس كنت بجمع بيها بسرعة جداً لحد ال-100 وبعد كدة stop .

---

العربية اللي حيلتي باااااااااااازت .............بس الف حمد و الف شكر لييك يا رب اني لسة بخير

((())))---==============

الف حمد لله على سلامتك
وربنا يرجع لك عربيتك على خير

والاكسنت والفيرنا بيتقال عليهم نفس الكلام موتور كبير على جسم خفيف وبالتالى تجميع سريع فى البدايه فقط ......وكمان بيتقال موتور غير معمر ..والله اعلم
اما التويوتا ...فهى اصل اليابانى فى مصر
ترجع لك على خير

اقتباس:

---

المشاركة الأصلية كتبت بواسطة abokoko

الف حمد لله على سلامتك

وربنا يرجع لك عربيتك على خير

والاكسنت والفيرنا بيتقال عليهم نفس الكلام موتور كبير على جسم خفيف وبالتالى تجميع سريع فى البدايه فقط ......وكمان بيتقال موتور غير معمر ..والله اعلم
اما التويوتا ...فهى اصل اليابانى فى مصر

ترجع لك على خير

---

شكرا على رد حضرتك

انا كنت راكب بولونيز..... وركبت كل حاجة من أول الفزبا لحد اللامبورجيني في الامارات... ف انتوا اتخيلوا بقى

اقتباس:

---

المشاركة الأصلية كتبت بواسطة kamalsalem

انا كنت راكب بولونيز..... وركبت كل حاجة من أول الفزبا لحد اللامبورجيني في الامارات... ف انتوا اتخيلوا بقى

---

==============

لحد اللامبورجيني....... لحد اللامبورجيني

ولسه ليك نفس تركب عربيات من بعدها
ده بالنسبه لى ...لو شوفتها فى الحقيقه يمكن اجرى وراها زى العيال زمان لما كانوا بيجروا ورا عربية
رش المياه

انا سقت :

شيروكي تسعينات مانيوال - ودي ساعتها كان عندي عربية سيات وكنت بانزل من دي ل دي طبعا فرق شاااااااااااااااااااااااا ااااااااااااااااسع
العربيات اللي جاية كلها كان معايا الاتوس
شبح s300
bmw 740 * 1999
سيريون 2008
اوبترا 2010
فولكس بيتلز 74
بونتو 2008
لادا
لاند كروزر قديمة بتاعة الشرطة
بوينتر
افيو ونيو اكسينت - دول باسوقهم كتييييير
احلى حاجة بقى بعد مانزلت من البي ام وركبت عربيتي حسيت ان دواسة البنزين بتاعتي ناعمة اويييي وكنت ادوس الدوسة اوصل ار بي ام تلاتة ونص اربعة وقعدت اصبر نفسي ان عربيتي ناعمة :)
غير كدة طبعا في فروق بس عادي باحس انها عشان عربيتي لازم اكون راضي بيها ومقتنع انها احين حاجة في حدود الامكانيات المتاحة
اخر حاجة من كام يوم واحد صاحبي جاب اتوس ونفس اللون وسقتها
طبعا في فرق انا عامل بعربيتي 120ألف كيلو وبقالها معايا تلات سنين
حسيت اني محتاج اغير كل الكاوتش بتاع العفشة
فتح الابواب وقفلها طبعا مختلف
دراع الاشارة برضة
غير كدة مفيش حاجة صوت الموتور هو هو ومشي العربية مش مختلف اوي الحمد لله