مشكله في فتيس كرولا 97 (الملكه)

عندي العربيه فيها مشكله في الفتيس مش عارف ممكن تكون من ايه
العربيه كورلا 1997 مانيوال

العربيه في اول الدواره لما اجيب مارشدير اسمع صوت زعقعه في الفتيس لحظه التعشيق
بقيه الغيارات بتكون كويسه من غير زعقه في التعشيق (بس خشنه شويه في عصايه الفتيس)

بعد ما امشي شويه خمس او عشر دقايق
اجيب المارشدير بدون اي مشاكل طول اليوم و الغيارات ناعمه وتمام يعني حتي لو ركنت ساعتين تلاته ورجعت اجيب مارشدير بدون مشاكل

الحقيقه المشكله دي حيرتني مش عارف ايه اللي يخلي الغيار يتظبط بعد المشي و استخدام فتيس عشر دقايق
عملت موضوع في قسم الورشه بس موصلتش لحل

http://www.nilemotors.net/Nile/175818-97.html

الحاجات اللي عملتها

1. زيت الفتيس غيرته بزيت موبيل 90
2. كمان شيكت علي ماستر الدبرياج العلوي كانت تمام و الزيت فيه كويس وغيرته برضه
3. سحب العربيه كويس واستهلاك البنزين كويس
4. جربت اجيب الغيار الاول قبل المارشدير و فعلا لو كنت مسخن العربيه كويس لحد ال rpm مينزل بيبقي مفيش زعقه .و دي كانت نصيحه من العضو mr_sameh بس معرفتش منه ايه حل المشكله

ياريت الاخوة الخبراء في الموديل ده يفيدوني

فيه حاجه بسيطه اقدر اعملها تحل المشكله دي ؟
و لا الموضوع ممكن يفتح فاتعايش مع المشكله دي و خلاص ؟

غير ديسك واسطوانة وببلية دربياج انا كان عندى مشكلة فى الغيار الاول كانت العربية بترجرج ولما غيرت الحاجات دى راحت المشكلة نهائيا وسعر الطقم اليابانى الاوريجنال 785 واليابانى فقط عامل 400 جنيه وشغال زى الفل

اقتباس:

---

المشاركة الأصلية كتبت بواسطة yrezk

غير ديسك واسطوانة وببلية دربياج انا كان عندى مشكلة فى الغيار الاول كانت العربية بترجرج ولما غيرت الحاجات دى راحت المشكلة نهائيا وسعر الطقم اليابانى الاوريجنال 785 واليابانى فقط عامل 400 جنيه وشغال زى الفل

---

بس الغيارات كلها كويسه و بعد عشر دقايق بيبقي المارشدير كويس و السحب كويس جدا يعني مش اراض طقم دبرياج

مش عارف الحقيقه ممكن تكون ايه
نستني المزيد من الاراء وشكرا لاهتمامك وردك

الردود يا جماعه

مستني الاستاذ احمد جلال و الخبراء

انت كده الزيت اللي حطيته في الفتيس اتقل من الزيت بتاع العربيه. غيره بسرعه لانك هتبوظ الفتيس.

اقتباس:

---

المشاركة الأصلية كتبت بواسطة ahmed hassan

انت كده الزيت اللي حطيته في الفتيس اتقل من الزيت بتاع العربيه. غيره بسرعه لانك هتبوظ الفتيس.

---

اللي اعرفه ان 90 ده هو الخفيف والمناسب للفتيس ده
لكن الاثقل بيكون 140
ممكن لو حد عنده تفسيير اكثر يفيدنا عشان كده انا هشك في معلوملتي

اقتباس:

---

المشاركة الأصلية كتبت بواسطة mahmos2000

اللي اعرفه ان 90 ده هو الخفيف والمناسب للفتيس ده
لكن الاثقل بيكون 140
ممكن لو حد عنده تفسيير اكثر يفيدنا عشان كده انا هشك في معلوملتي

---

انا معرفش رقم زيت الفتيس عندك كام.. لكن اللي بيحصل معاك ده معناه انك حاطط زيت تقيل و لما يسخن بيخف و الفتيس يبدأ يظبط.

فعلا زيت 90 هو المناسب للعربيه دي وده بعد استشاره اكتر من ميكانيكي و كمان اراء الناس هنا في المنتدي

بالنسبة للموضوع بتاعك ده ما تقلقش منه ان شاء الله طالما النقل تمام و العربية بتجمع سرعات و ماشية كويس بس راجع على الكام حاجة اللى عاقولهوملك دول احتياطى
1-هاترفع العربية و تشوف فيه تسريب زيت فتيس من تحت ناحية الداير بتاع الفتيس مع المكنة و كمان ناحية ما الكبالن بتخرج من الفتيس
2-هاتبص من جوه العربية تحت الدواسة بتاعت الدبرياج و تشوف فيه تسريب من صباع الماستر و لا لأ
3-هاتبص بقا على المساتر العمومى اللى فى صدر العربية و الفرعى اللى على الفتيس و بردك تراجع تسريبات الزيوت
لو كله تمام هاتجيب شحم و تشحم اتياش عصاية الفتيس اللى واصلة للفتيس و عليها كوتش و ديه فى الحوض بتاع الموتور و هاتخش جوه العربية ترفع الكوتشة بتاعت عصاية الفتيس اللى فى الصالون و تشحم بردك الوصلات بتاعتها هاتلاقيها على حاجة عاملة زى الركبة كده

و لو عايز تغير زيت احتياطى هايبقا زيت موبيل 90 و ده بيتباع سايب مش فى جراكن و الكيلو بيعمل حوالى 16 جنيه و اكد قوى قوى قوى على انه بيتباع سايب مش فى جركن اما اللى بيتباع فى جركن ده ال 140 و ده تقيل و مش كويس فى الملكة خالص

و الطبيعى ان العربية و هيا باردة الصبح و انت بتنقل تكون الغيارات تقيلة شوية و دايما المرشدير بييجى بتكة كده شبه الزعقة بس خفيفة

و نصيحة ليك لو فيه دواسة جلد انت حاططتها تحت رجليك تبعدها عن الدواسات و تفعص دواسة الدرياج للاخر خالص و انت بتنقل و ان شاء الله مش هاتحصل معاك الزعقة اللى مضايقاك ديه

[IMG][URL=http://img837.imageshack.us/i/image0043.jpg/]http://img837.imageshack.us/img83[URL="[URL=http://img837.imageshack.us/i/image0043.jpg/][IMG]http://img837.imageshack.us/img83"][IMG]http://img837.imageshack.us/img83

اقتباس:

---

المشاركة الأصلية كتبت بواسطة yaserbasha2000

[IMG][URL=http://img837.imageshack.us/i/image0043.jpg/]http://img837.imageshack.us/img83[URL="[URL=http://img837.imageshack.us/i/image0043.jpg/][IMG]http://img837.imageshack.us/img83"][IMG]http://img837.imageshack.us/img83

---

http://img22.imageshack.us/img22/3517/image0044i.jpg
Uploaded with ImageShack.us

معلش احمد باشا
انا كده شكيت في الزيت لاني مستخدم زيت من عبوه 4 لتر موبيل مش كيلوات زي ما انت بتنصحني
عموما دي لينكات لصور العبوه معلش انا مش متمكن من رفع الصور

ياريت تراجعها وتفيدني ده مظبوط ولا اغيره

هي مكتوب عليها

MOBILE- MOBILUBE HD - SAE 80W-90

هو ده كده على اللى مكتوب عليه المفروض الزيت ال 90 الخفيف بس انا مستغرب انه فى عبوة لاننى لفيت كتير و ما كانش فى عبوات بس على العموم خليه ما تنزلوش و اتاكدتانى من مستوى الزيت جوه الفتيس فيه طبه الميكانيكى هايبقا عارفها فى الفتيس هايفكها و يدخل صباعه فيها المفروض الزيت يكون تحت صباعه
و كمان افتح غطاء زيت الدبرياج و اسحب الزيت اللى موجود بحقنة و زود زيت تانى بتاع باكم اسمه pendix ده كنوع من النضافوة لزيت الدرياج كده

زي ما قولتلك قبل كده ادي العربيه الاول وبعد كده مارشدير