الموضوع: صوت تخبيط داخل التابلوه

المشاركة الأصلية كتبت بواسطة razini89

ايهاب باشا ازيك وحشتنا يا راجل
انت متاكد ان الصوت من ورا التابلوه مش من العفشه؟
لو متاكد يبقى ممكن ده يكون بسبب فيشه توصيل الساعه وزراير الانتظار لانها بتكون سايبه داخل التابلوه

والله وإنت كمان يا أستاذ هاني وكل عام و إنت و العائله الكريمه بخير , هو أنا عندي الساعه فصلت مع الولاعه وده بسبب لمبة بلادوس بتتوصل بالولاعه إظاهر عملت قافله و طيرت الساعه و الولاعه, أما بالنسبه للصوت فهو ظهر بعد ما إتهبدت هبده محترمه على طريق سفر وعلى إثرها غيرت طقم مقصات بعدها الصوت ظهر بالرغم من إن مافيش الهوا عندي في العفشه

المشاركة الأصلية كتبت بواسطة tarek_2005

تاكد من واير التكيف بتاع الريسيكل واصل للبوابة ولا لاء والبوابة ثابته ولا بتتحرك

ممكن با أستاذ طارق توضحلي أكتر أصل أخوك لافاهم إيه البوابه و لا الريسيكل؟؟

وكل عام و أنت بخير و متشكر على الإهتمام

المشاركة الأصلية كتبت بواسطة tarek_2005

البوابة هي باب صغير خلف درج التابلوه وظيفتها عندج تشغيل التكيف لفترة كبيرة والسيارة محكمة الغلق فان نسبة الاكسجين داخل الكابينة تقل مما تؤثر علي التنفس لذا المصمم عمل هذه الفتحة خلف التابلوه لتعمل علي تجديد الهواء داخل الكابينة وهذه البوابة واصلة بواير ( سلك )الي مفتاح في مجموعة مفاتيح التكيف وهي اعلي من الكاسيت ليتحكم في فتح هذه البوابة او غلقها فاذا انقطع الواير او كان غير راكب بمكانه سمح للبوابة بالحركة مع كل حركة للسيارة مما قد يسبب الصوت الذي تسمعه اثناء التحرك بالسيارة فراجع عليها وذلك بفتح درج التنابلوه والنظر خلفه

أعتقد إن تفسير حضرتك هو الأقرب للصحه , هراجع على البوابه و الواير زي ما سبق و حضرتك شرحت و أرجع أقولكم على النتيجه بإدن الرحمن

المشاركة الأصلية كتبت بواسطة pop3

أعتقد إن تفسير حضرتك هو الأقرب للصحه , هراجع على البوابه و الواير زي ما سبق و حضرتك شرحت و أرجع أقولكم على النتيجه بإدن الرحمن

ا

فكيت التابلوه لعب , ولقيت الواير ده خارج من مفتاح السخن و البارد بتاع التكييف ورايح على سدر العربيه وكان مشدود وده دليل إنه راكب كويس , المهم لاقيتها فرصه وحطيت دبل فيس في الاماكن إللي فيها إحتكاك مباشر مابين الجلد و البلاستيك أو البلاستيك و البلاستيك والحمد لله منع صوت التزييق إللي كان موجود لكن صوت الخبط إياه لسه موجود بالرغم من إني مالأتش أي شئ سايب ممكن يخبط داخل التابلوه


من الآخر حسبي الله ونعم الوكيل في التقفيل المصري