أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

**i_Am_Legend** · 08-09-2010 04:59 PM

ناس كتيييير اصحابى واولهم انا -ومعظمهم عندهم شقق-اقولة يابنى اتجوز-بقى عندك 30 سنة-والشقة موجودة-يبقى اتحلت-طيب ياعم الشقة موجودة-والعفش ربنا يسهل فيه هاييجى بالقسط -بالسلف مثلا -بمساعدة الاهل -فلوس كانت متشالة -عربية هاتتباع-قرض من بنك-طيب هاصرف عليها منين بعد الجواز-هاخد بنات الناس ابهدلهم معايا-دة المرتب يادوب بيقضىينى انا والعربية -إذا كان عندة عربية اساسا-الشباب حالتة تصعب على اليهودى والكافر.

**hazoom2006** · 08-09-2010 05:03 PM

تمام طب والحل اية ؟؟!!!!!!!!!

**i_Am_Legend** · 08-09-2010 05:14 PM

انت شكلك مجروح زى يا حزوم-مبروك عليك التخرج -وربنا يرزقك بشغلانة ادمية.

**AshTurbo** · 08-09-2010 05:24 PM

ياجماعة بلاش تشاؤم هو الواحد ممكن يشتغل عادي وياخد مرتب يأكله عيش حاف هو ومراته مش دي المشكلة ... المشكلة أن الواحد عشان يجيب المرتب اللي هيأكله عيش حاف مع شوية ملح وممكن بصله يقسمها هو وهي لازم يشتغل 15 ساعة يومياً أمتى بقى هيشوف مراته أصلاً ولا أمتى هيعيش زي البشر العاديين لو أتكتبلة أنه يقعد معاها نص ساعة قبل ما ينام كمداً يبقى ربنا كرمه من وسع .... حسبي الله ونعم الوكيل .

**blazer** · 08-09-2010 05:27 PM

نفس اللى بفكر فيه
على الاقل انا اقدر استحمل البهدله لوحدى
انما مش ابهدل البنت اللى معاى
لان حتى لو هى هتستحمل الظروف دى
انا مقدرش اتحمل انى اكون سبب فى تعب انسان تانى معاى :(:(
وللأسف حتى لو مرتبك معقول يعنى قول 1500 جنيه كبدايه اول ما تتخرج
مش هيكفى اى حاااااااجه
لانه اصلا مش مكفيك وانت قاعد فى بيت اهلك

**sherif_84** · 08-09-2010 05:59 PM

اولا كل سنة وانتم طيبين
ثانيا احنا لما نبصلها كده بنلاقى انها مقفولة من جميع النواحى يعنى مرتب صغير - مصاريف عالية سواء كهربا او مية او اكل و شرب ولبس بس لو قعدنا نفكر فى كده ماحدش هيتجوز وربنا قالنا نشتغل وناخد بالاسباب وبعد كده ربنا عليه الرزق ماحدش يعرف رزقه فين او ازاى لما يتجوز عشان كده ماتقعدش تفكر كتير فى الموضوع ده وربنا يوفقك ان شاء الله ويوسع عليك وعلى كل الشباب .

**azmeralda** · 08-09-2010 06:00 PM

خش على المواضيع المشابهة فى المنتدى هتلاقى كل الأحاديث والأيات اللى فيها وعد للى هيتزوج بالغنى ربنا هيرزقك متخافش

الحاجة دى عاملة زى قتل الأطفال زمان عشان الرزق

**mr_vampire** · 08-09-2010 06:04 PM

احمد ربنا انك عندك شقة وهتلاقي اللي يساعدك. توكل علي الله ومحدش هيموت من الجوع ( غير فالصومال). وهتيجي برزقها ان شاء الله. وربنا اقسم انه في عون المقبل عالجواز. وبدليل انك تلاقي ناس بتقولك اول مافكرت اتجوز الرزق جالي معرفش منين.

**blazer** · 08-09-2010 06:07 PM

المشاركة الأصلية كتبت بواسطة azmeralda

خش على المواضيع المشابهة فى المنتدى هتلاقى كل الأحاديث والأيات اللى فيها وعد للى هيتزوج بالغنى ربنا هيرزقك متخافش

الحاجة دى عاملة زى قتل الأطفال زمان عشان الرزق

فاهم قصدك
بس انا مش بفكر كدا ابدا
انا الحمد لله عارف و مقتنع ان الارزاق بإيد ربنا
بس زى ما قلت مش بحب اتعب او ابهدل حد معاى

حلوه الصوره اللى انتى حاطاها جداااااااااا

**i_Am_Legend** · 08-09-2010 06:51 PM

طيب الكلام حلو وكل واحد بييجى برزقة-بس ربنا بيقول اعقلها وتوكل-انا دلوقتى مرتبى الف جنيه إلا شوية كتار-حاليا مرتبى مقضينى بالعاااافية.وكمان انا مش بدخن -ولا بقعد على قهاوى ولا يحزنون.طيب قسط الشقة-وبنزين العربية -والصيانات-بلاش عربية-المواصلات غالية بردة-كهرباء-ومياه-واكل وشرب.وحمل بعدها ومتابعة ودكاترة.هاجيب منين-ولا هانقضيها إعانة من الاهل-انا قلقان -وخايف ومتوتر -ودى مشكلتى ومشكلة جيل بحالة.انا بفكر جديا انى أأجل الجواز لأجل غير مسمى.

الموضوع: أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

LinkBack

أدوات الموضوع

عرض

أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان. - انشر الموضوع فى :

-

-

-

-

-

المواضيع المتشابهه

لما تقبض مرتبك بتعمل ايه

النتائج المترتبة على الزواج الثاني ردا على موضوع منافع الزواج الثاني

لسة بتاخد مساعدات مادية من أهلك؟

قسط السيارة كم % من مرتبك

الكلمات الدلالية لهذا الموضوع

المفضلات

المفضلات

ضوابط المشاركة